युहन्‍ना 13:37 - बान्‍तावा राई

³⁷ पत्रुस्‌आ येसु लासुलो, “हाङ्‌पो, अ़ङ्‌का देकिना ओन्‍ग़रि खानानिन त़ङ्‌मा अ़ऱनान्‍निमिन ओ? आम्‍नुओ निम्‍पाङ अ़ङ्‌का स़मा ऱङा।”

युहन्‍ना 13:37 ပူးပေါင်းရင်းမြစ်များ

मर्कुस 10:39

खोन्‍कि खोचिआ खोक्‍को अ़लासालोवाचु, “आन्‍काच्‍या ऱचुवा।” खोन्‍किना येसुआ खोचि म़लोचि, “अ़ङ्‌का आङ्‌तुङ्‌ओ दुखाओ खुङ्‌दाङ्‌का खानाचिआ त़दुङ्‌चु, खोन्‍कि अ़ङ्‌का मुङ्‌ओ स़माओ बप्‍तिस्‍मा खानाचिआ त़लोक्‍चु।

युहन्‍ना 21:15

मोचिआ अ़चाचिआकिना येसुआ सिमोन पत्रुस अ़लोवा, “युहन्‍नाओ अ़छा सिमोन, दि खाना अ़ङ्‌का ओचिदाङ्‌का च़लोक सोमात़तुक्‍ङा?” खोसाआ येसु लो, “उवा हाङ्‌पो, खानानिन त़सिन्‍तुम्‌योम, अ़ङ्‌का खानानिन सोमातुक्‍नानिन्‌ओ।” खोक्‍कोसाआ खो अ़लोवा, “अ़चुप्‍पो अ़ङ्‌भेराचि चान्‍तुचि।”

छाम्‍माय़ङ 20:24

खोन्‍नुछाङ अ़ङ्‌का अ़ङ्‌ह़ङ्‌म़ङ देम्‌छाङ अ़लुङ छुक्‌ओ खोन्‍कि अ़ङ्‌को निम्‍पाङ दिसुवाछाङ अ़मित्‍ऩङ। मेन हाङ्‌पा येसुआ ऩपुवाङ्‌ओ खालुमा काचि निनाम्‍हाङ्‌ओ अ़चुसोमातुक्‍माओ नुय़ङ्‌खान्‌ओ अ़सालुम्‍स़ङ प़मा अ़ङ्‌लोत्‍मा तामालामा ऱङ्‌ने।

छाम्‍माय़ङ 21:13

मेन पावल्‌आ, “खानानिन देकि त़खाविन्‍किना अ़ङ्‌साकोङ्‌वा चाअ़त्‍लो त़मेत्‍निप़निङ्‌नि? अ़ङ्‌का छेक्‍खादा छेक्‍मा ओन्‍ङा माआङ, मेन हाङ्‌पा येसुओ अ़चुऩङ्‌दा अ़ङ्‌का यरुसलेम्‌दा स़माछाङ चुम्‍ङान्‍च़ङ”नि लासुलोचि।