युहन्‍ना 13:31 - बान्‍तावा राई

³¹ मो बुङ्‌खाह्‍यात्‍नि लोन्‍ताखाराकिना येसु म़य़ङा, “हान म़नाओ अ़छाआ अ़साऩङ्‌वा तोक्‍तु, खोन्‍कि खोलाम्‍पा निनाम्‍हाङ्‌आछाङ अ़चुसाऩङ्‌वा अ़तोक।

युहन्‍ना 13:31 ပူးပေါင်းရင်းမြစ်များ

मत्‍ति 8:20

खोन्‍कि येसुआ मो अ़लोवा, “हाप्‍सुचिओ अ़चुयुङ्‌खा बुक्‍ताङ्‌चि खोन्‍कि नाम्‍छ़ऱदु कापेन छोङ्‌वाचिओ अ़चुयाङ्‌चि म़याक्‌याङ, मेन म़नाओ अ़छाओ ना अ़ताङ नान्‍खाछाङ मात्‍द़ङ।”

लुका 12:50

अ़क्‌तात बप्‍तिस्‍मा युङ्‌याङ, मो अ़ङ्‌का मुमादोत। मो मान्‍चिन्‍माङ अ़ङ्‌मिन्‍मा चाअ़त्‌याङ!

युहन्‍ना 11:4

मेन ओ अ़एनाकि येसु म़य़ङा, “ओ सारिमाआ स़मादा अ़तारुन्‍लान, मेन ओ निनाम्‍हाङ्‌ओ अ़चुऩङ लोङ्‌माओ निम्‍पाङ ओ। खोन्‌ओसा ओलाम्‍पा निनाम्‍हाङ्‌ओ अ़चुछाओ अ़चुऩङ लोङ्‌ने।”

युहन्‍ना 12:23

येसुआ म़लासुलोचि, “म़नाओ अ़छाओ अ़साऩङ्‌वा तोक्‍मा ग़रि तायुङ्‌सा।

युहन्‍ना 12:28

आपो, आम्‍नुओ ऩङ लोङ्‌सानुम!” खोन्‍किना निनाम्‍मादुङ्‌का अ़क्‌तात य़ङ ता, “अ़ङ्‌का आप्‍पि लोङ्‌साङ्‌युङ्‌साङ्‌च़ङ, खोन्‍कि हान्‍छाङ लाङालोङ्‌ङान्‍च़ङ।”

युहन्‍ना 14:13

खानानिन्‌आ अ़ङ्‌ऩङ्‌दा दि त़दोरुम्‌नुछाङ अ़चुछालाम्‍पा अ़चुपाओ अ़चुऩङ लोङ्‌ने निम्‍पाङ अ़ङ्‌का मो मुङ।

युहन्‍ना 16:14

खोक्‍कोसाआ अ़ङ्‌साया अ़मेत्‍ङा, देकिनालो अ़ङ्‌को अ़छ़ङ्‌य़ङ अ़ङ्‌काएदाङ्‌का अ़लोक्‌कि खानानिन मो खाऩएत्‍तिन।

युहन्‍ना 7:39

ओ य़ङ खोक्‍कोसाआ सेङ्‌लावाओ अ़चुतुक्‌वादा म़य़ङाओ। मो सेङ्‌लावा खोक्‍कोएदा साकोङ्‌छ़ङ म़मुवाओचिआ तोक्‍मा अ़मुवाङा। सेङ्‌लावा ओन्‍ग़रितारि मान्‍प़म़युक्‍तुचि, देकिनालो निनाम्‍हाङ्‌आ येसु झारा साऩङ्‌वा मान्‍प़अ़युक्‍ता।

छाम्‍माय़ङ 2:36

खोन्‌ओसा झारा इस्राएलिचिआ ओ य़ङ अ़नुछ्‍या सिन्‍मादोत, ओ येसु क्रुस्‌दा खानानिन्‌आ त़ख़न्‍तुम्‍सेरुम। खोक्‍कोङा निनाम्‍हाङ्‌आ हाङ्‌पा खोन्‍कि ख्रिस्‍त अ़मुवायुङ्‌सा।”

छाम्‍माय़ङ 3:13

अब्राहाम्‌ओ अ़निनाम्‍हाङ, इसहाक्‌ओ अ़निनाम्‍हाङ खोन्‍कि याकुब्‌ओ अ़निनाम्‍हाङ, आन्‍सुन्‍तुम्‌चिओ अ़चुनिनाम्‍हाङ्‌आ अ़चुछा येसुओ अ़चुऩङ तोक्‍पो अ़मुवा। खानानिन्‌आ ओ येसु रोमि हाङ्‌काचि कामुचि त़लाप्‍तुम्‍प़म्‍च़म, खोन्‍कि पिलातस्‌आ खोक्‍को लेत्‍मा अ़छ़ङ मुनुछाङ खानानिन खोसोओ अ़बुदा मान्‍काङ्‌त़दान।

२ कोरिन्‍थि 3:18

खोन्‍कि आन्‍कान झारा मुन्‍जेत लाराखाइसाओ ङाइवाचिआ हाङ्‌पाओ अ़चुसाम खाङ्‌मुसुम। खोन्‍कि आन्‍कान खोक्‍कोसोओ अ़चुसाम्‌दा च़लोक्‌वा फान्‌याङ्‌सा खारिन। ओ हाङ्‌पाएदाङ्‌का ता, खोक्‍को सेङ्‌लावा ओ।

एफिसि 1:12

आन्‍कान ख्रिस्‍तदा बुयादाङ्‌का सोम्‍कुवा कामुचि खोक्‍कोसाआ अ़चुसाम चोन्‍माओ निम्‍पाङ ह़ङ्‌मा ऱन्‍काने निम्‍पाङ खोक्‍कोएदा बुया अ़छ़ङ अ़मुवायुङ्‌सा खोन्‍कि ऩछेन्‍तिन्‌युङ्‌सिन्‍का।

एफिसि 2:7

येसु ख्रिस्‍तआ ओ आन्‍कान्‌एदाओ खोक्‍कोसोओ अ़चुसोम्‍तुक्‍मादा अ़न्‍नुनु तोक्‍पो अ़चुसोमातुक्‍मा तायाङ्‍ओ जुगादा खाङ्‌मुमा निम्‍पाङ ओ।

एफिसि 3:10

खोन्‍कि खोक्‍कोसोओ अ़चुमित्‍चिऩङ साम्‍भुङ्‌लाम्‍पा निनाम्‍हाङ्‌ओ ब़द्‍धेकाखालाओ ताया निनाम्‍मादुओ युङ्‌खाचिदा हाङ्‌काचि कामुचि खोन्‍कि पाङ्‌कातोक्‌चिओ अ़चुरादा खाङ्‌मुमा दोराङा।

फिलिप्‍पि 2:11

खोन्‍कि झारा लेम्‌आ निनाम्‍हाङ पापाओ अ़चुऩङ्‌लोङ्‌माओ निम्‍पाङ, येसु ख्रिस्‍त हाङ्‌पाओ निकिना लोक्‍मादोत।

१ पत्रुस 1:21

येसुलाम्‍पा खानानिन निनाम्‍हाङ साकोङ्‌छ़ङ त़मुम। निनाम्‍हाङ्‌आ येसु ख्रिस्‍त म़सुवादाओदाङ्‌का अ़खोन्‍तालोइसा खोन्‍कि खोक्‍को साया अ़मेत्‍ता। खोन्‌ओसा आम्‍नुओ साकोङ्‌छ़ङ खोन्‍कि सोम्‍कुवा निनाम्‍हाङ्‌एदा याक्‌याङ।

१ पत्रुस 2:12

निरावाचिओ अ़चुरादा आम्‍नुओ च़माथाङ्‌मा अ़नुवाक मुवानुम। मोचिआ खानानिन अ़त्‍लो काच़चिनि आम्‍नुओ देङ्‌सालाप्‍पादा म़चेप्‌नुछाङ मोचिआ आम्‍नुओ अ़नुवाक काचिचि म़खाचिकि हाङ्‌पा म़ताओ लेन मोचिआ निनाम्‍हाङ्‌ओ अ़चुओ ऩङ अ़चोन्‍ने।

१ पत्रुस 4:11

साङ चेप्‌नालो निनाम्‍हाङ्‌ओ अ़चुय़ङ खालुसिन्‌वा चेप्‍ने। काब़त निनाम्‍हाङ्‌आ प़माय़ङ्‌ओ सावालाम्‍पा ब़रुने। ओवात्‍नि झारा य़ङ्‌दा येसु ख्रिस्‍तलाम्‍पा निनाम्‍हाङ्‌ओ अ़चुऩङ चोन्‍ने। तोक्‍पो सावा खोन्‍कि अ़चुऩङ्‌चोन्‍मा अ़धुन-अ़धुन्‌तारि खोक्‍कोसोओ लियुङ्‌ने। मोवात्‍निङा लिने!