युहन्‍ना 13:10 - बान्‍तावा राई

¹⁰ येसुआ मो अ़लासालोवा, “वाचाआचिआओ म़नाओ अ़लाङ्‌थेम्‌दाङ्‌का नि दित्‍छाङ वास़मा अ़दोत्‍निन। मो झारा सेङ्‌याङ। खोन्‍कि खानानिन त़सेङिन्‌येन, मेन खानानिन झारा ना माआङ।”

युहन्‍ना 13:10 ပူးပေါင်းရင်းမြစ်များ

मत्‍ति 6:12

खोन्‍कि आन्‍काओ हेवाचि लेत्‍निप़नि, देत्‍नि आन्‍कान्‍काछाङ आन्‍काओ देङ्‌सालाप्‍पादा हेवा कामुचि लेत्‍तुम्‍च़म्‍का।

युहन्‍ना 13:18

अ़ङ्‌का खानानिन झारासोओ आम्‍नुओ तुक्‌वादा य़ङ्‌ङाङाओ माआङ। अ़ङ्‌का साङ छेन्‍तुङ्‌युङ्‌सुङ, मो अ़ङ्‌का सिन्‍तुङ। मेन ‘अ़ङ्‌काएनान अ़क्‍नि पेम्‍पाक काचा अ़ङ्‌देङ्‌सालाप्‍पादा पुवालोन्‍ता’ नि साम्‍कालिन्‌दा छाप्‍ताओ य़ङ तालाने निम्‍पाङ ओवात्‍नि लिसा।

युहन्‍ना 13:9

सिमोन पत्रुस्‌आ खोक्‍को लो, “हाङ्‌पो, खोन्‍नालो ना अ़ङ्‌लाङ्‌थेम ओन्‍ङा माआङ, अ़ङ्‌छुक खोन्‍कि अ़ङ्‌ताङ्‌छाङ वास़त्‍ताङ्‌पुवाङ्‌ऩङ!”

युहन्‍ना 15:3

अ़ङ्‌का खानानिन लोनानिन्‌ओ य़ङ्‌आ खानानिन बुयाङा त़सेङिन्‌युङ्‌सिन।

२ कोरिन्‍थि 5:17

देकिनालो साङ ख्रिस्‍तदा युङ्‌याङ, खो अ़ऩङ्‌वा मुन्‍माय़ङ ओ। बुयाओ खाराचिआयुङ्‌सा, खानुम, अ़ऩङ्‌वा तायुङ्‌सा।

२ कोरिन्‍थि 5:21

खोन्‌ओसा आन्‍कान खोक्‍कोएदा निनाम्‍हाङ्‌आ अ़नुवाक कान्‍मा म़ऱने निम्‍पाङ हेवाङा मान्‍मुकादा ख्रिस्‍त निनाम्‍हाङ्‌आ आन्‍को निम्‍पाङ हेवाओ हेन्‍खोक्‌वा अ़मुवा।

२ कोरिन्‍थि 7:1

खोन्‌ओसा सोमातुक्‍निङ्‌निओ यावाचि ओ, आन्‍कान्‌एदाओ हिप्‍माय़ङ्‌चि म़युङ्‌याङ्‌ओसा आन्‍पोक खोन्‍कि आन्‍लावा झारा पोप्‍मादाङ्‌का आन्‍कान आप्‍पि सेङ्‌सिन्‍चिन्‍ने, खोन्‍कि निनाम्‍हाङ्‌ओ अ़चुकित्‍मादा झारा सेङिन्‍ने।

१ थेसलोनिकि 5:23

सेवाङ्‌निओ निनाम्‍हाङ्‌आङा खानानिन झारा ऩसेङ्‌सिन्‍ने, खोन्‍कि झारा आम्‍नुओ लावा, साक्‍मा खोन्‍कि पोक आन्‍हाङ्‌पा येसु ख्रिस्‍त म़लाय़याङ्‌हिदा लाहि मात्‍द़ङ्‌ओ लिने।

हिब्रु 9:10

मो चामायु, दुङ्‌मायु खोन्‍कि अ़खाला-खालाओ सेङ्‌मान्‍चिन च़माथाङ्‌माचि बुङ्‌खालिप्‍पाओ य़ङ्‌हुप ओन्‍ङा ओ। ओवाको बुयाओ य़ङ्‌हुप्‌चि अ़ऩङ्‌वा य़ङ्‌हुप अ़तानिन्‌तारि ओन्‍ङा अ़काचि याक।

याकुब 3:2

देकिनालो आन्‍कान झारासा ब़द्‍धे फिसुम्‍च़म। साङ चेप्‌ओ य़ङ्‌दा देम्‍खाछाङ अ़फिसुन्‌नालो खोसाआ झारा अ़याम क़म्‍मा ऱ, खोन्‍कि खो लाहि मात्‍द़ङ्‌ओ म़ना लि।