युहन्‍ना 12:49 - बान्‍तावा राई

⁴⁹ देकिनालो अ़ङ्‌का अ़ङ्‌आप्‍पिओ पाङ्‌दाङ्‌का मान्‍चेप्‍ङा, मेन अ़ङ्‌का दे य़ङ्‌मादोत्‌ओ खोन्‍कि दि चेप्‍मादोत्‌ओ, अ़ङ्‌का काछुत पापा निनाम्‍हाङ्‌आ अ़ङ्‌का ऩलोवाङ्‌युङ्‌साङ।

युहन्‍ना 12:49 ပူးပေါင်းရင်းမြစ်များ

युहन्‍ना 14:10

अ़ङ्‌का अ़ङ्‌पापाएदा याक्‍ङाङा, खोन्‍कि अ़ङ्‌पापा अ़ङ्‌काएदा म़याक्‌याङ्‌नि दि खाना साकोङ्‌छ़ङ त़मुनान? खाक्‍को य़ङ अ़ङ्‌का खानानिन लोनाङ्‌नानिन मो अ़ङ्‌का अ़ङ्‌पाङ्‌दा लोनानिन्‌ओ माआङ, मेन अ़ङ्‌काएदा कायाक्‍पा अ़ङ्‌पापाआ अ़चुकाचि अ़मु।

युहन्‍ना 14:24

अ़ङ्‌का सोमामान्‍तुक्‍कादाआ अ़ङ्‌चिन्‍माय़ङ्‌चि अ़मुन्‍चिन। खानानिन्‌आ त़एनुम्‌योम्‌ओ य़ङ्‌चि अ़ङ्‌को आप्‍पिओ माआङ, मेन अ़ङ्‌का काछुत अ़ङ्‌पापादाङ्‌का ओ।

युहन्‍ना 14:31

खोन्‌ओसा अ़ङ्‌का अ़ङ्‌पापा सोमातुक्‍तुङ्‌योङ्‌ओ ओ हेन्‍खामाआ सिन्‍मादोत देत्‍नि अ़ङ्‌पापाआ ऩलोवाङ्‌युङ्‌साङ मोत्‍निङा अ़ङ्‌का मुङ। पुवालोन्‍तानिन, आन्‍कान ओदाङ्‌का खारिन्‍ने।”

युहन्‍ना 15:15

हान्‌दाङ्‌का अ़ङ्‌का खानानिन हारुक्‌चिनि अ़लोनानिमिन, देकिनालो मोसोओ अ़हाङ्‌पा दे च़मा मुयाङ, अ़हारुक्‌आ अ़सिन्‍तुन। मेन अ़ङ्‌का खानानिन यावाचिनि लोनानिन, देकिनालो दि अ़ङ्‌का अ़ङ्‌पापाएदाङ्‌का एनुङ, अ़ङ्‌का मो झारा खानानिन खाएत्‍नायुङ्‌नानिन।

युहन्‍ना 17:8

देकिनालो खाक्‍को य़ङ खानानिन्‌आ अ़ङ्‌का त़प़नि, अ़ङ्‌का मोचि प़ङ्‌युङ्‌सुङ्‌च़ङ, खोन्‍कि मोचिआ मो अ़लोआयुङ्‌सा। अ़ङ्‌का खानानिन्‌एदाङ्‌का ताङ्‌ओ निकिना मोचिआ अ़नुछ्‍या अ़सिन्‍तायुङ्‌सा, खोन्‍कि खानानिन्‌आ अ़ङ्‌का त़छुत्‍निओ निकिना मोचि साकोङ्‌छ़ङ म़मुवायुङ्‌सा।

युहन्‍ना 3:11

अ़ङ्‌का खाना लोना, आन्‍कान्‍का दि लेसुम्‌योम्‍का, मोङा आन्‍कान्‍का य़ङिन्‍का, खोन्‍कि आन्‍कान्‍का दि खाम्‌युङ्‌सुम्‍का मोसोओ अ़सालुम्‍स़ङ आन्‍कान्‍का प़म्‍का, खोन्‍नुछाङ खानानिन आन्‍काओ सालुम्‍स़ङ त़लोइमिन।

युहन्‍ना 3:32

खोक्‍कोसाआ अ़खाओ, खोन्‍कि अ़एनायुङ्‌साओ, मोसोओ अ़सालुम्‍स़ङ खोक्‍कोसाआ अ़प़, मेन खोक्‍कोसोओ अ़सालुम्‍स़ङ साङ्‌आछाङ अ़लोउन।

युहन्‍ना 5:19

येसुआ मोचि म़लोचि, “अ़नुछ्‍याङा अ़ङ्‌का खानानिन लोनानिन। अ़चुछाआ आप्‍पि दित्‍छाङ मुमा अ़ऱन, मेन अ़चुपाआ दि अ़मुओ खोसाआ खा, अ़चुछाछाङ मोवात्‍निङा च़।

युहन्‍ना 5:30

अ़ङ्‌का आप्‍पि दित्‍छाङ मुमा अ़ऱऩङ। देत्‍नि अ़ङ्‌का एनुङ, मोवात्‍निङा अ़ङ्‌का छ़ङ्‌छेन्‍ङा। खोन्‍कि अ़ङ्‌छ़ङ्‌छेन्‍मा नुलोक कान, देकिनालो अ़ङ्‌का अ़ङ्‌मिन्‍मावा च़मा अ़लाम्‍ऩङ, मेन अ़ङ्‌का काछुत्‌ओ अ़चुमिन्‍मावा च़ङा।

युहन्‍ना 6:68

सिमोन पत्रुस्‌आ लासुलो, “हाङ्‌पो, आन्‍कान्‍का साङ्‍एदा खारिन्‍का ओ? खानानिन्‌एदा अ़धुन्‌ओ ह़ङ्‌म़ङ्‌ओ य़ङ्‌चि म़युङ्‌याङ।

युहन्‍ना 7:16

खोन्‍किना येसुआ मोचि म़लासुलोचि, “अ़ङ्‌चिन्‍माय़ङ अ़ङ्‌को माआङ, मेन अ़ङ्‌का काछुत निनाम्‍हाङ्‌दाङ्‌का ता।

युहन्‍ना 8:26

अ़ङ्‌का आम्‍नुओ तुक्‌वादा य़ङ्‌मा खोन्‍कि छ़ङ्‌छेन्‍मा ब़द्‍धे युङ्‌याङ। मेन अ़ङ्‌का काछुत्‌लाम्‍पा अ़ङ्‌का दि एनुङ, मो य़ङ ओन्‍ङा अ़ङ्‌का हेन्‍खामादा य़ङ्‌ङा। देकिनालो खोक्‍को अ़छ़ङ म़मुयाङ।”

युहन्‍ना 8:28

खोन्‌ओसा येसुआ म़लोचि, “खाउग़रि खानानिन्‌आ म़नाओ अ़छा धाना त़थेन्‍तुम, मोन्‍ग़रि अ़ङ्‌का खोक्‍कोङा ओ निकिना खानानिन्‌आ त़सिन्‍तुम। खोन्‍कि अ़ङ्‌का अ़ङ्‌पाङ्‍आ दित्‍छाङ अ़मुऩङ, मेन अ़ङ्‌पापाआ ऩचिन्‍ताङ्‍ओ य़ङ्‌चि ओन्‍ङा चेउङ्‌च़ङ।

युहन्‍ना 8:42

येसुआ मोचि म़लोचि, “निनाम्‍हाङ आम्‍नुओ पाओनालो ना खानानिन्‌आ अ़ङ्‌का सोमात़तुक्‍ताङ्‌ऩङ्‌ओ। देकिनालो अ़ङ्‌का निनाम्‍हाङ्‌एदाङ्‌का ताङ्‌ओ। अ़ङ्‌का अ़ङ्‌मिन्‍माआ ताङ्‌ओ माआङ, मेन खोक्‍कोसाआ अ़ङ्‌का ऩछुत्‍ताङ्‍ओ।

खाङ्‌मुमा 1:1

ओ निनाम्‍हाङ्‌आ येसु ख्रिस्‍त खाङ्‍अ़मेत्‍ताओ य़ङ ओ, खोन्‌ओसा खोक्‍कोसाआ अ़चुकाब़त्‍पाचि च़क्‍नि लिसि तामा म़मुयाङ्‌ओ य़ङ्‌चि खाङ्‌मेत्‍मा म़ऱचि। ख्रिस्‍तआ अ़चुकाफा अ़छुत्‍ताकि ओ य़ङ अ़चुकाब़त्‍पा युहन्‍ना खाङ्‌अ़मेत्‍ता।