युहन्‍ना 12:42 - बान्‍तावा राई

⁴² खोन्‍नुछाङ ब़द्‍धे यहुदि बुसुवाचिआ खोक्‍कोएदा साकोङ्‌छ़ङ म़मुवा, मेन फरिसिचिएदाङ्‌का म़क़साकि मोचिआ यावायोक्‍खिम्‌दाङ्‌का म़लोन्‍खान निकिना अ़चुक़माआ मो साङ्‌छाङ खामान्‌एत्‌अ़दा।

युहन्‍ना 12:42 ပူးပေါင်းရင်းမြစ်များ

मत्‍ति 10:32

अ़ङ्‌का लोनानिन, साङ्‌आ म़नाचिओ अ़चुबुदा अ़ङ्‌का अ़लोक्‍ङा, अ़ङ्‌काछाङ मो निनाम्‍मादु कायुङ अ़ङ्‌पापाओ अ़चुबुदा मो लोउङ।

लुका 12:8

“अ़ङ्‌का खानानिन लोनानिन, साङ्‌आ म़नाचिओ अ़चुबुदा अ़ङ्‌का अ़लोक्‍ङा, अ़ङ्‌का म़नाओ अ़छाआछाङ निनाम्‍हाङ काफाचिओ अ़चुबुदा मो लोउङ।

लुका 23:13

खोन्‍किना पिलातस्‌आ मुलो काब़क्‍पाचि, बुसुवाचि खोन्‍कि रुमिपाङ्‌मिचि अ़क्‍नि बुत्‍तुचिकि लोचि,

लुका 6:22

अ़ङ्‌का म़नाओ अ़छा त़त़ङ्‌ङाङाऩङ्‌ओसा म़नाचिआ खानानिन ऩङाऩछिरिन, ऩलोइसिन्‍खाइसिन, ऩसुङ्‌तिन खोन्‍कि खानानिन अ़अ़त्‍पा म़ना निकिना ऩलोक्‍नानिमिन्‌नालो खानानिन आसिखा कातोक्‌चि ओ।

युहन्‍ना 11:45

खोन्‍किना मरियम्‌एदा म़ताओ ब़द्‍धे यहुदिचिआ येसुआ अ़मुवाओ काचि अ़खाकि खोक्‍कोएदा साकोङ्‌छ़ङ म़मुवा।

युहन्‍ना 12:11

देकिनालो खोसोओ अ़तुक्‌वाआङा यहुदिचिएदाओ ब़द्‍धेकापाङ्‌आ म़छिरुदोचिकि येसुएदा साकोङ्‌छ़ङ म़मुवाङा।

युहन्‍ना 16:2

मोचिआ खानानिन यावायोक्‍खिम्‌चिदाङ्‌का ऩलोइसिन्‍खाइसिन। अ़नुछ्‍या ओवाको ग़रि तायाङ, खानानिन कासेत्‌आ निनाम्‍हाङ ब़क्‍तुङ्‌योङ्‌नि मिन।

युहन्‍ना 19:38

मोन्‍किना अरिमाथियादाओ योसेफ, खो यहुदि बुसुवाचिओ क़माआ सुकुलादा ओन्‍ङा येसुओ अ़चुकाखेङ्‌पा लिसायुङ्‌सा। मोसाआ पिलातस्‌एदा येसुओ अ़चुस़पोक खात्‍मा तोक्‍तुङ्‌ने निकिना दोत्‍तु। पिलातस्‌आ खात्‍मा प़। खोन्‍कि खो ताकि खोक्‍कोसोओ अ़चुस़पोक लारु खात्‍तु।

युहन्‍ना 3:2

खो अ़खाखुत येसुएदा ता, खोन्‍कि खोक्‍को लो, “रब्‍बि, आन्‍कान्‍का सिन्‍तुम्‌योम्‍का खानानिन निनाम्‍हाङ्‌एदाङ्‌का त़तान्‌ओ काचिन्‍पा ओ। देकिनालो निनाम्‍हाङ मात्‍द़ङ खानानिन्‌आ त़मुम्‍च़म्‌ओ ओ बुन्‌चि साङ्‌आछाङ मुमा ऩऱन्‍चिन।”

युहन्‍ना 7:13

मेन यहुदि बुसुवाचिओ अ़चुक़माआ खोक्‍कोसोओ अ़चुतुक्‌वादा साङ्‌छाङ झारासोओ अ़चुबुदा मान्‍चेप्‌चि।

युहन्‍ना 7:31

खोन्‍नुछाङ मुक्‍लादाओ ब़द्‍धे म़नाचिआ खोक्‍कोएदा साकोङ्‌छ़ङ म़मुवा खोन्‍कि मोचि म़य़ङा, “ख्रिस्‍त म़ताहिदा दि ओ म़नाआ मुचिओदाङ्‌का तोक्‍पो म़दोम्‍दाओ बुन्‌चि मुमा ऱचि कि?”

युहन्‍ना 9:22

मोसोओ अ़मा-अ़पाचि ओवात्‍नि य़ङाचि, देकिनालो खोचि यहुदि बुसुवाचिदाङ्‌का क़साङाचि। देकिनालो साङ्‌आ येसुङा ख्रिस्‍त ओ निकिना लोउनालो मो यावायोक्‍खिम्‌दाङ्‌का लोन्‍माखान्‍मादोत निकिना यहुदिचि बुयाङा याम़योआयुङ्‌सा।

युहन्‍ना 9:34

मोचिआ खो अ़लासालोवा, “खाना ना अ़नुछ्‍याङा हेवादा त़लिसाओ, खोन्‍कि दि खाना आन्‍कान्‍का चिन्‍मा त़लाप्‍निङ्‌नि ओ?” खोन्‍किना मोचिआ मो यावायोक्‍खिम्‌दाङ्‌का बुङ्‌खाया अ़लोइसाखाइसा।

छाम्‍माय़ङ 5:41

खोन्‍किना छाम्‍माय़ङ्‌चि येसुओ अ़चुऩङ्‌दा साया ऩपेप्‍तिन्‍काओ आङ्‌मा अ़खान्‍तिन्‍काओ लिसिन्‌युङ्‌सिन्‍का निकिना अ़चुऩङानुयाङ्‌सा धियायोक्‍खादाङ्‌का बुङ्‌खाया म़लोन्‍ताखारा।

रोमि 10:10

देकिनालो म़नाआ अ़साकोङ्‌वाआ साकोङ्‌छ़ङ मु, खोन्‍कि मो खोप्‍लो कान, खोन्‍कि खोसाआ अ़दोआ लोउ खोन्‍कि मो अ़लेन।

१ युहन्‍ना 4:15

साङ्‌आ येसु निनाम्‍हाङ्‌ओ अ़चुछा निकिना लोउ, मोएदा निनाम्‍हाङ म़युङ, खोन्‍कि मो निनाम्‍हाङ्‌एदा युङ।

१ युहन्‍ना 4:2

ओदाङ्‌काङा खानानिन निनाम्‍हाङ्‌ओ अ़चुलावा सिन्‍मा त़ऱम, झारा लावाआ येसु ख्रिस्‍त म़ना म़लिसाकि म़तायुङ्‌सानि कालोक्‌ङा निनाम्‍हाङ्‌दाङ्‌काङा ओ।