युहन्‍ना 12:40 - बान्‍तावा राई

⁴⁰ “खोक्‍कोसाआ मोचिओ अ़चुम़क्‌चि दोप्‍म़क म़मेत्‍तुप़युङ्‌सुचि, खोन्‍कि मोचिओ अ़चुसाकोङ्‌वाचि छाक्‍लो म़मेत्‍तुप़युङ्‌सुचि। ओवात्‍नि मोचिआ अ़चुम़क्‌चिआ ऩखान्‍ने, खोन्‍कि अ़चुसाकोङ्‌वाचिआ ऩतुप्‍तुन्‍ने, खोन्‍कि मोचि नुमाचिओ निम्‍पाङ अ़ङ्‌काएदा ऩलानिन्‍नेनि निनाम्‍हाङ म़य़ङ्‌याङ।”

युहन्‍ना 12:40 ပူးပေါင်းရင်းမြစ်များ

मत्‍ति 15:14

मोचि मान्‍नेत्‌दानुम्‍च़म। मोचि ना दोप्‍म़क बुसुवाचि ओ। अ़क्‍छा दोप्‍म़क्‌आ दोप्‍म़क म़ना तित्‍तुनालो खोचि ह़वाङ्‌माङ होक्‍लुम्‌दा वाङ्‌चि।”

मर्कुस 4:12

खोन्‌ओसा मोचिआ चोप्‍मा ना अ़चोप मेन ऩखान, एन्‍मा ना अ़एन, मेन ऩतुप्‍तुन, माङ्‌नालोना मोचि अ़चुहेवाचिदाङ्‌का निनाम्‍हाङ्‌एह्‍यात्‍नि म़लासाओ, खोन्‍कि मोचिओ अ़चुहेवा म़लेत्‍तुप़चिओ।”

मर्कुस 6:52

देकिनालो मोचिआ पेम्‍पाक्‌ओ अ़तुक्‌वादाओ य़ङ मान्‍तुप्‌अ़दा, मेन मोचिओ अ़चुसाकोङ्‌वा लुङ्‌ख़धेन लिसायुङ्‌सा।

लुका 4:18

“हाङ्‌पाओ सेङ्‌लावा अ़ङ्‌काएदा याक्‌याङ। देकिनालो मान्‍तोक्‍कादाचि नुय़ङ्‌खान खाएत्‌सि अ़ङ्‌का ऩछेन्‍ताङ्‌युङ्‌साङ। म़छेक्‌याङ्‍ओचि लेत्‍लोइसि, दोप्‍म़क्‌चि खाकाखाङ मुसि, तिम्‍माछ़न्‍मादा म़छुक्‍ताओचि फोङ्‌लोइसि,

लुका 8:10

येसुआ मोचि म़लासुलोचि, “खानानिन निनाम्‍हाङ्‌ओ अ़चुहाङ्‌होन्‌ओ अ़कोङ्‌दुम्‌ओ तुप्‍खाताया ऩप़न्‌युङ्‌सिन, मेन निचिएदा दोय़ङ्‌लाचिदा चेप्‍ङा, मोचिआ चोप्‍मा ना अ़चोप, मेन ऩखान, एन्‍मा ना अ़एन, मोचिआ अ़एन्‍कि ऩतुप्‍तुन।”

युहन्‍ना 12:39

मोचि साकोङ्‌छ़ङ मुमा मान्‍ऱचि। देकिनालो यसैया ओवात्‍नि लासाय़ङा,

युहन्‍ना 9:39

खोन्‍किना येसु म़य़ङा, “मान्‍खाङ्‌कादाचिआ अ़खाङ्‌ने खोन्‍कि काखाङ्‌चि दोप्‍म़क म़लिने। ओवाको छ़ङ्‌छेइसि अ़ङ्‌का ओ हेन्‍खामादा ताङ्‌ओ।”

छाम्‍माय़ङ 15:3

खोन्‍किना साम्‍भुङ्‌दाओचिआ खोचि मोदाङ्‌का म़छुत्‍तुचि। खोचि फोनिके खोन्‍कि सामरिया लियाङ्‌सा म़खाराङाहिदा निरावाचिआछाङ निनाम्‍हाङ अ़लोआओ य़ङ मोचि खाम़एत्‍तुचि। मो य़ङ्‌आ मोदाओ झारा साकोङ्‌छ़ङ कामुचिओ अ़न्‍नुनु अ़चुऩङानुवा।

छाम्‍माय़ङ 28:26

‘ओ म़नाचिएदा खाराकि लोचि, “एन्‍मा ना खानानिन त़एनुम, मेन देम्‍खाछाङ त़तुप्‍तिमिन, चोप्‍मा ना त़चोउम, मेन देम्‍खाछाङ त़खान्‍मिन।”

छाम्‍माय़ङ 3:19

खोन्‌ओसा हेवा मुमा छिरानुम्‌कि निनाम्‍हाङ्‌एदा लासानिन, खोन्‍किना निनाम्‍हाङ्‌आ आम्‍नुओ हेवाचि ऩलेत्‍तिन्‍प़न।

रोमि 9:18

खोन्‌ओसा खोक्‍कोसाआ साङ सोम्‍तुक्‍मानि म़मिन खोङा सोमाअ़तुक, खोन्‍कि खोक्‍कोसाआ साङ्‌कोओ अ़साकोङ्‌वा छाक्‍लो मुमानि म़मिन, खोसाआ छाक्‍लो म़मेत्‍तुप़चि।