युहन्‍ना 12:37 - बान्‍तावा राई

³⁷ खोक्‍कोसाआ मोचिओ अ़चुबुदा ब़द्‍धे म़दोम्‍दाओ बुन्‌चि म़मुचिनुछाङ मोचिआ खोक्‍कोएदा साकोङ्‌छ़ङ मान्‍मुचि।

युहन्‍ना 12:37 ပူးပေါင်းရင်းမြစ်များ

मत्‍ति 11:20

खोन्‍किना खा-खाक्‍को सहरादा खोक्‍कोसोओ ब़द्‍धे म़दोम्‍दाओ काचिचि म़लिसायुङ्‌सा। मेन येसुआ मोचि रेन्‍मा म़पुक्‍तुचि, देकिनालो मोचि निनाम्‍हाङ्‌एदात्‍नि मान्‍लाचि।

लुका 16:31

मेन अब्राहाम्‌आ लो, ‘मोसा खोन्‍कि निनाम्‍हाङ्‌य़ङ खाकालुचिओ अ़चुय़ङ मो आम्‍द़क्‍छाबुवाचिआ ऩएनुन्‌नालो ना सुवादाओदाङ्‌का खाक्‍को खोन्‍लोन्‌नुछाङ मोचिआ ऩकित्‍तुन।’”

युहन्‍ना 1:11

खोक्‍को आप्‍पिओ अ़चुम़नाचिएदा म़ता, मेन खोक्‍कोसोओ अ़चुओ म़नाचिआङा खोक्‍को मान्‍लोक्‌अ़दा।

युहन्‍ना 11:42

अ़ङ्‌का सिन्‍तुङ्‌योङ, खानानिन्‌आ अ़ङ्‌यामात्‍मा अ़धुन त़एन्‍निप़नि। मेन ओदा म़एप्‌याङ्‍ओ मुक्‍लाचिओ निम्‍पाङ अ़ङ्‌का ओ य़ङाङ्‌ओ, देकिनालो खानानिन्‌आ अ़ङ्‌का त़छुत्‍ताङ्‌ऩङ्‍ओ निकिना मोचि साकोङ्‌छ़ङ मुमा म़ऱने।”

युहन्‍ना 12:36

देम्‍खातारि साम खानानिन्‌एदा युङ, साम्‌दा साकोङ्‌छ़ङ मुवानिन, खोन्‍कि खानानिन साम खाङ्‌कामेत त़लिसिन।” ओ म़य़ङाचिआकि, येसु मोदाङ्‌का म़खारा, खोन्‍कि मोचिएदाङ्‌का म़कुमा।

युहन्‍ना 12:38

खोन्‌ओसा निनाम्‍हाङ्‌य़ङ खाकालु यसैयाओ अ़य़ङ तामालामा दोराङा, “हाङ्‌पा निनाम्‍हाङ, आन्‌य़ङ्‌खान साङ्‌आ साकोङ्‌छ़ङ मुयुङ्‌सु कि? खोन्‍कि हाङ्‌पा निनाम्‍हाङ्‌ओ अ़चुसावा साङ्‌आ खाकिना?”

युहन्‍ना 15:24

साङ्‌आछाङ मान्‍मुयुक्‍तुओ म़दोम्‍दाओ काचिचि अ़ङ्‌का मोचिओ अ़चुरादा मान्‍मुङाओ दे, मोचि हेवाओ लाहि मान्‍पाक्‍चिओ। मेन हान मोचिआ ओ म़दोम्‍दाओ काचिचि अ़खायुङ्‌साकिछाङ मोचिआ अ़ङ्‌का खोन्‍कि अ़ङ्‌पापा ह़वाङ्‌माङ ऩङाऩछिरायुङ्‌साच्‍या।

युहन्‍ना 2:11

येसुआ ओ बुयाओदुओ बुन गालिल्‌ओ कानादा खाङ्‌अ़मुसाओ। ओवात्‍नि खोक्‍कोसाआ अ़चुसावा खाङ्‌अ़मुसा, खोन्‍कि खोक्‍कोसोओ अ़चुकाखेङ्‌पाचिआ खोक्‍कोएदा साकोङ्‌छ़ङ म़मुवा।

युहन्‍ना 6:2

खोन्‍कि अ़क्‌तात अ़धिवो म़ना मुक्‍लाचिआ खोक्‍को अ़त़ङ्‌ता, देकिनालो खोक्‍कोसाआ कातुक्‌चिएदा म़मुचिओ म़दोम्‍दाओ बुन्‌चि मोचिआ अ़खायुङ्‌सा।