युहन्‍ना 12:20 - बान्‍तावा राई

²⁰ चानुचादा निनाम्‍हाङ ब़क्‍सि काखात्‍चिएदाओ खा-खाक्‍कोचि ग्रिक य़ङ काचेप्‌चिछाङ म़याआङा।

युहन्‍ना 12:20 ပူးပေါင်းရင်းမြစ်များ

मर्कुस 7:26

मो सिरियाओ फोनिके धिखाहुप्‌दाङा पुक्‍तान्‍चिन्‌ओ अ़क्‍छा ग्रिक मेत्‍छामा ओ। खोन्‍कि मोसाआ “अ़ङ्‌छा मेत्‍छाछाएदाङ्‌का चाकावालावा लोन्‍निप़नि!”नि येसु लो।

युहन्‍ना 12:1

काक्‍माखात्‍मा चानुचाओ छकालेन बुया येसु बेथानियादा म़ता। मो तेन्‌दा लाजरस युङाङा, मो येसुआ सुवादाओदाङ्‌का अ़ह़ङ्‌सालोइसायुङ्‌साओ।

युहन्‍ना 12:19

खोन्‍किना फरिसिचि अ़क्‍छा निएदा य़ङ्‌मा अ़पुक्‍ता, “खानुम, आन्‍कान्‌एदाङ्‌का दित्‍छाङ लिमा अ़ऱनिन। खा-खानुम, झारासाआ खोक्‍को त़ङ्‌मा अ़पुङ्‌सा!”

युहन्‍ना 7:35

खोन्‌ओसा यहुदिचि अ़क्‍छा निएदा म़य़ङा, “ओ खादा खात्‍मा म़मुयाङ, खोन्‍कि आन्‍कान खो अ़धिरिमिन? दि ओक्‍को ग्रिक य़ङ काचेप्‌चिओ अ़चुरादा म़रिसाखाराकि म़युङ्‌याङ्‌ओ यहुदिचिएदा खात्‍माकि ग्रिक य़ङ काचेप्‌चि चिन्‍माचि म़स़याङ?

छाम्‍माय़ङ 14:1

आइकोनियन्‌दा पावल खोन्‍कि बारनाबास अ़धुन्‌वाङा यहुदिचिओ अ़चुयावायोक्‍खिम्‌दा वाङाचिकि निनाम्‍हाङ्‌ओ अ़चुय़ङ अ़चुमिन्‍मादा खारालो चेवाचि, खोन्‌ओसा मोदा म़युङाङाओ ब़द्‍धे यहुदिचि खोन्‍कि ग्रिक्‌चिआ येसु ख्रिस्‍त साकोङ्‌छ़ङ अ़मुवा।

छाम्‍माय़ङ 16:1

पावल खोन्‍कि सिलास दर्बिदा खोन्‍किना लुस्‍त्रादाछाङ खाराचि। मोदा तिमोथि अ़ऩङ मुवाङाओ अ़क्‍छा येसु काखेङ युङाङा। खो अ़क्‍छा साकोङ्‌छ़ङ कामुमा यहुदि मेत्‍छामाओ अ़दुवाछा छाओ, मेन खोसोओ अ़पा ग्रिक ओ।

छाम्‍माय़ङ 17:4

मोचिएदाओ देम्‌कापाङ यहुदिचि साकोङ्‌छ़ङ म़मुवाकि पावल खोन्‍कि सिलास म़त़ङ्‌तुचि। निनाम्‍हाङ काब़क ब़द्‍धे ग्रिक म़नाचि खोन्‍कि अ़क्‍चित ब़द्‍धे बुसुवा मेत्‍छामाचिछाङ साकोङ्‌छ़ङ म़मुवाकि मोवात्‍निङा म़चुवा।

छाम्‍माय़ङ 20:21

यहुदिचि खोन्‍कि ग्रिक्‌चि अ़चुहेवादाङ्‌का निनाम्‍हाङ्‌एदा लामादोत, खोन्‍कि आन्‍हाङ्‌पा येसुएदा साकोङ्‌छ़ङ मुमादोत्‌निओसो अ़तुक्‌वादा अ़ङ्‌का खालुसुङ्‌युङ्‌सुङ।

छाम्‍माय़ङ 21:28

खोन्‍कि मोचि पात्‌याङ्‌सा म़य़ङा, “इस्राएलि म़नाचि ओ, आन्‍कान्‍का फानि! झारादात्‍नि झारा आन्‍म़नाचिओ अ़चुदेङ्‌सालाप्‍पादा, आन्‌य़ङ्‌हुप्‌ओ अ़देङ्‌सालाप्‍पादा, खोन्‍कि निनाम्‍हाङ ब़क्‍खाखिम्‌ओ अ़देङ्‌सालाप्‍पादा काचिन ओ म़नाङा ओ। खोन्‌ओन्‍ङा माआङ, निरावाचि निनाम्‍हाङ ब़क्‍खाखिम्‍हुत्‌दा वाक्‍तुचिकि ओ ब़क्‍खाखिम्‌छाङ पोप्‍तुयुङ्‌सु।”

छाम्‍माय़ङ 8:27

खोन्‍किना फिलिप चुम्‍सान्‍चिन्‌कि खाराङाहिदा इथियोपिया हेन्‍कोप्‌दाओ हाङ्‌मा कन्‍दाकिओ अ़क्‍छा अ़सावाऱक क़प्‍माय़ङ अ़धिवाङ छान्‍हाङ्‌पा खोन्‍कि झारा अ़छेन्‍बि काखाङ धिरु। खो यरुसलेम्‌दा निनाम्‍हाङ ब़क्‍सि खारायुङ्‌साओ,

रोमि 1:16

नुय़ङ्‌खान खालुमा अ़ङ्‌लेजो अ़कात्‍निन, देकिनालो झारा साकोङ्‌छ़ङ कामु लेत्‍माओ निम्‍पाङ ओ निनाम्‍हाङ्‌ओ अ़चुसावा ओ: बुयाओदु यहुदिचि, खोन्‍कि ग्रिक्‌चिओ निम्‍पाङ्‌छाङ ओ।

रोमि 10:12

यहुदि खोन्‍कि ग्रिक अ़क्‌तात्‌ओसा, खोक्‍को झारासोओ अ़क्‌तात अ़चुहाङ्‌पा म़युङ्‌याङ। खोन्‍कि खोक्‍को काबुक झारा च़लोक आसिखा म़प़चि।

गलाति 2:3

मेन अ़ङ्‌काएनान अ़क्‍नि कायुङ तितस ग्रिक्‌नुछाङ सिप्‍मायाम्‍बुन लिमादोत निकिना साङ्‌आछाङ राकाङ्‌थेत्‍नि मान्‍मुअ़दा।

गलाति 3:28

खोन्‌ओसा हान ना यहुदि ना ग्रिक, ना हारुक ना लेत्‌वा, ना दुवाछा ना मेत्‍छाछा निकिना अ़फेक्‍निन, देकिनालो ख्रिस्‍त येसुएदा खानानिन झारा अ़क्‌तात्‌ङा ओ।

कलस्‍सि 3:11

ओक्‍को य़ङ्‌दा ग्रिक माङ्‌लो यहुदि, सिप्‍मायाम्‍बुन पाक्‍माय़ङ माङ्‌लो सिप्‍मायाम्‍बुन मान्‍पाक्‍कादा, मान्‍लेकादा माङ्‌लो खोक्‍लिदा कायुङ्‌चि, हारुक माङ्‌लो लेत्‌वा हान्‌दाङ्‌का ऩफेक्‍निन। मेन ख्रिस्‍तङा झारादाङ्‌का तोक्‍पो म़मुयाङ खोन्‍कि खोक्‍को खानानिन झारादा म़युङ।