युहन्‍ना 12:16 - बान्‍तावा राई

¹⁶ ओ य़ङ्‌चिओ अ़तुप्‌य़ङ खोक्‍कोसोओ अ़चुकाखेङ्‌पाचिआ बुया मान्‍तुप्‌अ़दा। मेन निनाम्‍हाङ्‌आ येसु साऩङ्‌वा अ़मेत्‍ताचिआकि ओन्‍ङा ओ य़ङ खोक्‍कोसोओ अ़चुतुक्‌वादा छाप्‍ताओ खोन्‍कि ओ काचि खोक्‍कोसोओ निम्‍पाङ मोचि आप्‍पिआ अ़मुवाओ निकिना अ़सिन्‍ता।

युहन्‍ना 12:16 ပူးပေါင်းရင်းမြစ်များ

मर्कुस 16:19

खोन्‍किना हाङ्‌पा येसु अ़चुकाखेङ्‌चिएनान म़चेवाचिआकि खोक्‍को निनाम्‍मादुत्‍नि अ़थेन्‍ताखात्‍ता, खोन्‍कि खोक्‍को निनाम्‍हाङ्‌ओ अ़चुप्‍ताङ्‌छुक्‌लिप्‍पा म़युङा।

मर्कुस 9:32

मेन अ़चुकाखेङ्‌पाचिआ खोक्‍को म़य़ङाओ य़ङ मान्‍तुप्‌अ़दा, खोन्‍कि मोसोओ अ़तुक्‌वादा खोक्‍को सेन्‍मा अ़चुक़माकारा।

लुका 18:34

मेन अ़चुकाखेङ्‌पाचिआ ओ य़ङ अ़क्‍छेप्‍छाङ मान्‍तुप्‌अ़दा। ओसोओ अ़तुप्‌य़ङ मोचिएदाङ्‌का कुम्‍सायुङ्‌सा खोन्‌ओसा येसु म़चेवाओ अ़तुक्‌वादा मोचिआ मान्‍तुप्‌अ़दा।

लुका 24:25

खोन्‍ग़रि येसुआ मोचि म़लोचि, “खामान्‍तुप्‍कादा म़नाचिओ, आम्‍चुओ साकोङ्‌वा चाअ़त्‍लो मान्‍तुप्‍कादा लिसायुङ्‌सा। देत्‍निकि निनाम्‍हाङ्‌य़ङ खाकालुचिआ ऩलोन्‌ओ य़ङ्‌चि साकोङ्‌छ़ङ मुमा मान्‍ऱत़दाचु ओ!

लुका 24:45

खोन्‍किना साम्‍कालिन तुप्‍मा निकि खोसाआ मोचिओ अ़चुतुप्‍माताया म़होत्‍तुप़चिकि मोचि म़लोचि, “ओवात्‍नि छाप्‍तायुङ्‌सा: ख्रिस्‍तआ दुखा आङ्‌मादोत खोन्‍कि सुम्‌कालेन्‌दा सुवादाओदाङ्‌का खोन्‍मालोन्‍माङादोत,

लुका 9:45

मेन अ़चुकाखेङ्‌पाचिआ ओ य़ङ मान्‍तुप्‌अ़दा। देकिनालो मो य़ङ मोचिएदाङ्‌का कुम्‍सायुङ्‌सा। खोन्‌ओसा मोचिआ मो य़ङ तुम्‍मा मान्‍ऱअ़दा। खोन्‍कि मोचिआ मोसोओ अ़तुक्‌वादा खोक्‍को सेन्‍मा अ़चुक़माकारा।

युहन्‍ना 12:23

येसुआ म़लासुलोचि, “म़नाओ अ़छाओ अ़साऩङ्‌वा तोक्‍मा ग़रि तायुङ्‌सा।

युहन्‍ना 14:26

मेन यायोक काप़पा सेङ्‌लावा, मो अ़ङ्‌पापाआ अ़ङ्‌ऩङ्‌दा अ़य़, खोक्‍कोसाआ खानानिन झारा य़ङ्‌चि ऩचिन्‍तिन, खोन्‍कि अ़ङ्‌का खानानिन लोनानिन्‌ओ झारा य़ङ खानानिन मित्‍ऩमेत्‍तिन।

युहन्‍ना 16:4

ओ य़ङ्‌चि अ़ङ्‌का खानानिन खाएत्‍नायुङ्‌नानिन, देकिनालो माय़ङ मोवाको काचि लिहिदा अ़ङ्‌का खानानिन दे लोनानिन्‌ओ मो खानानिन्‌आ त़मित्‍तुम्‍तोक्‍तुम्‍ने। बुयादाङ्‌का अ़ङ्‌का खानानिन ओ मान्‍लोदानानिन, देकिनालो अ़ङ्‌का खानानिन्‌एनान युङाङ्‌याङ।

युहन्‍ना 17:5

आपो, हेन्‍खामा मुन्‍मा बुया आन्‍काचिएदा याआङाओ आन्‍चुओ साऩङ्‌वा हान अ़ङ्‌का लानिप़नि।

युहन्‍ना 2:22

खोक्‍को म़सुवादाओदाङ्‌का म़खोन्‍तालोन्‍ताकिना येसुआ म़य़ङाओ मो य़ङ अ़चुकाखेङ्‌पाचिआ अ़मित्‍तातोक्‍ताकि मोचिआ साम्‍कालिन्‌दा खोक्‍कोसोओ अ़चुतुक्‌वादा छाप्‍ताओ य़ङ्‌चि खोन्‍कि येसु म़चेवायुङ्‌साओ य़ङ्‌दा साकोङ्‌छ़ङ म़मुवा।

युहन्‍ना 7:39

ओ य़ङ खोक्‍कोसाआ सेङ्‌लावाओ अ़चुतुक्‌वादा म़य़ङाओ। मो सेङ्‌लावा खोक्‍कोएदा साकोङ्‌छ़ङ म़मुवाओचिआ तोक्‍मा अ़मुवाङा। सेङ्‌लावा ओन्‍ग़रितारि मान्‍प़म़युक्‍तुचि, देकिनालो निनाम्‍हाङ्‌आ येसु झारा साऩङ्‌वा मान्‍प़अ़युक्‍ता।

छाम्‍माय़ङ 2:33

खोन्‌ओसा निनाम्‍हाङ्‌आ येसु अ़झोइसाकि तोक्‍पो अ़मुवा, खोन्‍कि निनाम्‍हाङ्‌आ अ़हिप्‍ताओ सेङ्‌लावा येसु अ़पुवा, खोन्‍किना येसुआ आन्‍कान सेङ्‌लावा च़लोक म़पुवायुङ्‌सा। मो खानानिन ओन्‍ग़रि त़खाम्‌योम खोन्‍कि त़एनुम्‌योम।

छाम्‍माय़ङ 2:36

खोन्‌ओसा झारा इस्राएलिचिआ ओ य़ङ अ़नुछ्‍या सिन्‍मादोत, ओ येसु क्रुस्‌दा खानानिन्‌आ त़ख़न्‍तुम्‍सेरुम। खोक्‍कोङा निनाम्‍हाङ्‌आ हाङ्‌पा खोन्‍कि ख्रिस्‍त अ़मुवायुङ्‌सा।”

छाम्‍माय़ङ 3:13

अब्राहाम्‌ओ अ़निनाम्‍हाङ, इसहाक्‌ओ अ़निनाम्‍हाङ खोन्‍कि याकुब्‌ओ अ़निनाम्‍हाङ, आन्‍सुन्‍तुम्‌चिओ अ़चुनिनाम्‍हाङ्‌आ अ़चुछा येसुओ अ़चुऩङ तोक्‍पो अ़मुवा। खानानिन्‌आ ओ येसु रोमि हाङ्‌काचि कामुचि त़लाप्‍तुम्‍प़म्‍च़म, खोन्‍कि पिलातस्‌आ खोक्‍को लेत्‍मा अ़छ़ङ मुनुछाङ खानानिन खोसोओ अ़बुदा मान्‍काङ्‌त़दान।

हिब्रु 12:2

आन्‍साकोङ्‌छ़ङ कापुङ खोन्‍कि काताला येसु नुलोक आन्‍म़क्‌आ खाम्‍ने। खोक्‍कोसाआ आदेङ तोक्‍माय़ङ अ़चुऩङ्‌नुमा अ़मित्‍ताकि सायापेप्‍माय़ङ क्रुस्‌दा स़माओ अ़तुक्‌वादा दित्‍छाङ मान्‍मित्‌अ़दा। खोन्‌ओसा ओन्‍ग़रि खोक्‍को निनाम्‍हाङ्‌ओ अ़चुहाङ्‌युङ्‌खाओ अ़चुचुप्‍ताङ्‌छुक्‌लिप्‍पा म़युङ्‌याङ।

हिब्रु 8:1

आन्‍कान्‍का य़ङिन्‌येन्‍काओसो अ़मुलो य़ङ ओङा ओ, आन्‍को ओवाको मुलो काब़क्‍पा म़युङ्‌याङ, खोक्‍को निनाम्‍मादुओ तोक्‍पो निनाम्‍हाङ्‌ओ हाङ्‌युङ्‌खाओ अ़चुचुप्‍ताङ्‌छुक्‌लिप्‍पा म़युङ्‌याङ।