युहन्‍ना 12:13 - बान्‍तावा राई

¹³ खोन्‍किना मोचिआ खजुराताङ्‌ओ अ़खेक्‌चि अ़खात्‍ताकि खोक्‍को साऩङ्‌वा मेत्‍सि पात्‌याङ्‌सा म़लोन्‍ता, “होसन्‍ना! खोक्‍को निनाम्‍हाङ्‌आ आसिखा अ़प़ने, साङ हाङ्‌पा निनाम्‍हाङ्‌ओ अ़चुऩङ्‌दा म़ता! खोक्‍को इस्राएलिचिओ अ़चुहाङ ओ!”

युहन्‍ना 12:13 ပူးပေါင်းရင်းမြစ်များ

मत्‍ति 23:39

अ़ङ्‌का खानानिन लोनानिन, ‘हाङ्‌पा निनाम्‍हाङ्‌ओ अ़चुऩङ्‌दा काता आसिखा कातोक ओ’नि मान्‌य़ङ्‌त़युक्‍तिन्‌तारि खानानिन्‌आ अ़ङ्‌का त़लाऩङ्‌खाङ्‌ऩङ्‌ऩम़ङ।”

मत्‍ति 27:42

“ओसाआ निचि ना लेइसुचि, मेन खोक्‍को आप्‍पि लेन्‍मान्‍चिन अ़ऱनिन! ओ इस्राएल्‌दाओ हाङ ओ! ओन्‍ग़रिङा खोक्‍को क्रुस्‌दाङ्‌का धान्‍नान्‍चिन्‍ने खोन्‍कि आन्‍कान खोक्‍कोएदा साकोङ्‌छ़ङ मुम।

युहन्‍ना 1:49

नथानेल्‌आ खोक्‍को लासुलो, “रब्‍बि, खानानिन निनाम्‍हाङ्‌ओ अ़चुछा ओ, खानानिन इस्राएल्‌दाओ हाङ ओ।”

युहन्‍ना 12:14

खोन्‍किना गधाओ अ़क्‌तात अ़छा अ़धिरा खोन्‍कि येसु मोसोओ अ़दुङ्‌दा म़युङा। ओसोओ अ़तुक्‌वादा ओवात्‍नि छाप्‌याङ,

युहन्‍ना 12:15

“मान्‍क़दानिन, सियोन्‌दाओ म़नाचि ओ। खानुम, आम्‍नुओ हाङ गधाओ अ़क्‌तात अ़छादा म़वाङ्‌कि म़तायाङ।”

युहन्‍ना 19:15

मेन मोचि ओवात्‍नि य़ङ्‌सा म़पारा, “खोक्‍को खात्‍तानुम! खोक्‍को खात्‍तानुम! मो क्रुस्‌दा ख़न्‍तासेरानुम!” पिलातस्‌आ मोचि सेनुचि, “दि अ़ङ्‌का आम्‍नुओ हाङ क्रुस्‌दा अ़ङ्‌का ख़न्‍तुङ्‌नेनि त़मिनिन्‌येन?” मुलो काब़क्‍पाचिआ अ़लासालोवा, “कैसरदाङ्‌का आन्‍काओ नि हाङ मात्‍द़ङ।”

खाङ्‌मुमा 15:3

मोचिआ निनाम्‍हाङ्‌ओ अ़चुहारुक मोसाओ अ़साम्‍ऱङ खोन्‍कि थुबाछाओ अ़चुसाम्‍ऱङ अ़लुवाङा, “हाङ्‌पा निनाम्‍हाङ झारा सावाकातोक, आम्‍नुओ काचिचि देम तोक्‍पो खोन्‍कि म़दोम्‍दाओ म़मुयाङ। रावा-रावाचिओ तोक्‍पोहाङ, आम्‍नुओ लाम्‌चि साम्‌योक्‍मि खोन्‍कि अ़छ़ङ म़मुयाङ।

खाङ्‌मुमा 19:16

खोक्‍कोसोओ अ़चुतित, अ़चुओ धिलाङ्‌दा ‘हाङ्‌चिओ अ़चुहाङ खोन्‍कि हाङ्‌पाचिओ अ़चुहाङ्‌पा’नि छाप्‍ताङा।

खाङ्‌मुमा 7:9

खोन्‍किना साङ्‌आछाङ खिप्‍मा अ़ऱन्‍चिन्‌ओ अ़क्‌तात अ़धिवाङ म़ना मुक्‍ला अ़ङ्‌का खाङ। मोचि झारा हेन्‍कोप्‌चि झारा रावाचि झारा भुङ्‌चि खोन्‍कि य़ङ्‌काचेप्‌चिदाङ्‌का म़तायुङ्‌सा। मोचि ओम्‍प़चिवा तित म़हुम्‍साङा खोन्‍कि अ़चुछुक्‌दा खजुराताङ्‌ओ अ़खेक्‌चि म़क़क्‍ताकि हाङ्‌युङ्‌खा खोन्‍कि थुबाछाओ अ़चुबुदा म़एवाङाओ अ़ङ्‌का खाङ्‌च़ङ।