युहन्‍ना 11:52 - बान्‍तावा राई

⁵² येसु यहुदिचिओ निम्‍पाङ ओन्‍ङा स़मादोत्‌ओ माआङ मेन फात्‍ताफेला म़लिसाओ निनाम्‍हाङ्‌ओ अ़चुछाचि अ़क्‍नि मुमाचिओ निम्‍पाङ्‌छाङ स़मादोत्‌ओ।

युहन्‍ना 11:52 ပူးပေါင်းရင်းမြစ်များ

लुका 15:8

“माङ्‌लो अ़क्‍छा मेत्‍छामाएदा दस्‌कातात रुपाओ फेक्‌वा युङाङा। खोसाआ अ़क्‌तात मासुनालो दि मोसाआ कुपि लोङ्‌सुकि खिम ब़क्‌याङ्‌सा मो मान्‍धित्‌युक्‍तुतारि नुलोक अ़लामुन कि?

लुका 2:32

खोक्‍कोङा निरावा म़नाचिओ निकि आम्‍नुओ लाम खाङ कामेत साम म़युङ्‌याङ, खोन्‍कि खोक्‍को आम्‍नुओ रावा इस्राएलिचिओ अ़चुऩङ तोक्‍पो कामु म़लि।”

युहन्‍ना 1:12

मेन देम्‍पाङ्‌साआ खोक्‍को अ़लोआ, खोन्‍कि खोक्‍कोएदा साकोङ्‌छ़ङ म़मुवा, खोक्‍कोसाआ मोचि निनाम्‍हाङ्‌ओ अ़चुछाचि लिमा पाङ म़प़चि।

युहन्‍ना 1:29

अ़माङ्‌कोलेन युहन्‍नाआ येसु म़बानाङाओ खाकि य़ङा, “खानुम, हेन्‍खामादाओ हेवा काखुन्‍खात निनाम्‍हाङ्‌ओ अ़चुथुबाछा!

युहन्‍ना 10:16

अ़ङ्‌को नि अ़ङ्‌भेराचि म़युङ्‌याङ। मोचि ओ रुहुप्‌दाओचि माआङ। मोचिछाङ अ़ङ्‌का तात्‍माचिदोत। मोचिआ अ़ङ्‌य़ङ अ़एन, खोन्‍कि मोचि अ़क रुहुप्‌ओ म़लि, खोन्‍कि मोचिओ निम्‍पाङ अ़क्‍छाङा अ़चुकाखाङ्‌पा लि।

युहन्‍ना 12:32

खोन्‍कि अ़ङ्‌का हेन्‍खामादाङ्‌का ऩथेन्‍ङाकिना अ़ङ्‌का झारा म़नाचि अ़ङ्‌काएदात्‍नि सारुङ्‌च़ङ।”

छाम्‍माय़ङ 18:10

देकिनालो अ़ङ्‌का खानाएदा याक्‍ङाङा, खोन्‍कि साङ्‌आछाङ खाना ऩझोम्‌कि देत्‍छाङ मुमा ऩऱनान, देकिनालो ओ सहरादा ब़द्‍धे अ़ङ्‌म़नाचि म़युङ्‌याङ।”

रोमि 3:29

दि निनाम्‍हाङ यहुदिचिओ ओन्‍ङा अ़चुनिनाम्‍हाङ ओ कि? माआङ! दि खोक्‍को निरावाचिओछाङ अ़चुनिनाम्‍हाङ माआङ कि? उवा, खोक्‍को निरावाचिओछाङ अ़चुनिनाम्‍हाङ ओ।

रोमि 4:17

साम्‍कालिन्‌दा ओवात्‍नि छाप्‍तायुङ्‌सा, “अ़ङ्‌का खाना ब़द्‍धे रावाचिओ अ़चुसुन्‍तुम मुनायुङ्‌ना।” निनाम्‍हाङ्‌ओ अ़चुखाङ्‌मादा अब्राहाम आन्‍पा ओ, देकिनालो म़सुवादाओचि काखोन्‍लोन खोन्‍कि म़चेप्‌हिदाङा मात्‍द़ङ्‍ओदाङ्‌का सामाचि कामुन्‌एदा अब्राहाम साकोङ्‌छ़ङ मुवा।

एफिसि 1:5

निनाम्‍हाङ्‌ओ अ़चुमिन्‍माओ मित्‍चिऩङ्‌वात्‍नि खोक्‍कोसाआ आन्‍कान ख्रिस्‍त येसुलाम्‍पा आन्‍कान अ़चुछाचि लिमा निम्‍पाङ बुयाङा अ़छ़ङ अ़मुवा।

एफिसि 3:11

ओ येसु ख्रिस्‍त आन्‍हाङ्‌पाएदा खोक्‍कोसाआ अ़तासालाओ अ़धुन्‌ओ अ़चुमित्‍चिऩङ्‌वा मुवाङा।

याकुब 1:1

निनाम्‍हाङ खोन्‍कि हाङ्‌पा येसु ख्रिस्‍तओ अ़हारुक याकुब्‌दाङ्‌का हेन्‍खामादा रावा-रावाचिओ अ़चुरादा त़रिसिन्‍चिन्‌ओ बारकाभुङ्‌चिएदा अ़ङ्‌सेवा!

१ पत्रुस 1:1

येसु ख्रिस्‍तओ अ़चुछाम्‍माय़ङ पत्रुस्‌दाङ्‌का, पोन्‍तस, गलातिया, कापादोकिया, एसिया खोन्‍कि बिथिनियादा कायुङ लोन्‍माखान्‍माय़ङ फात्‍ताफेला म़लिसाओचि निनाम्‍हाङ्‌आ म़छेन्‍तुचिओचिओ निम्‍पाङ ओ छाप्‍लावा छाप्‍तुङ्‌योङ।

१ युहन्‍ना 2:2

खोक्‍को आन्‍हेवा लेत्‍मा निकिना हेन्‍खोक्‌वा म़लिसा, खोन्‍कि आन्‍को निम्‍पाङ ओन्‍ङा माआङ, मेन झारा हेन्‍खामादाओ म़नाचिओ निकिनाछाङ ओ।

१ युहन्‍ना 3:1

खानुम, निनाम्‍हाङ पापाआ आन्‍कान देम ब़द्‍धे सोमाम़तुक्‍तायुङ्‌सा! खोन्‌ओसा आन्‍कान निनाम्‍हाङ्‌ओ अ़चुछाचिनि लोमादोत, खोन्‍कि अ़नुछ्‍याछाङ ओ। हेन्‍खामादाओ म़नाचिआ आन्‍कान मान्‍सिन्‍दामाङा मोचिआ निनाम्‍हाङ मान्‍सिन्‍दामा ओ।

१ युहन्‍ना 3:10

निनाम्‍हाङ्‌ओ अ़चुछाचि साङ्‌चि ओ, खोन्‍कि सैतानाओ अ़छाचि साङ्‌चि ओ, ओदाङ्‌काङा आन्‍कान सिन्‍तुम, साङ नुलोक काचि अ़मुनिन माङ्‌लो साङ्‌आ खोसोओ ख्रिस्‍तियान अ़यावाचि सोमाअ़तुक्‍तुन्‍चिन।

१ युहन्‍ना 3:2

सोमातुक्‍नाङ्‌नानिन्‌ओ यावाचि ओ, ओन्‍ग़रि आन्‍कान निनाम्‍हाङ्‌ओ अ़चुछाचि ओ, खोन्‍कि आन्‍कान माय़ङ देलिसिन ओ, मो ओन्‍ग़रितारि मान्‍सिन्‌युक्‍तुम। मेन आन्‍कान सिन्‍तुम्‌योम, ख्रिस्‍त खाङ्‌म़मुनान्‍चिन्‌ओ ग़रि आन्‍कान्‌छाङ खोक्‍कोवाकोङा लिसिन, देकिनालो खोक्‍को देत्‍नि म़कात्‌याङ, आन्‍कान मोवात्‍निङा खोक्‍को खाम।

खाङ्‌मुमा 5:9

मोचिआ अ़क्‌तात अ़ऩङ्‌वा छाम अ़लुवा। “खानानिन ओ छाप्‍लाखाओ अ़भोङ कालोक खोन्‍कि मोसोओ अ़सेप्‍खाचि फोङ्‌मा त़खान्‍तिन्‌ओ त़मुन्‌येन। देकिनालो खानानिन ऩसेरिन, खोन्‍कि आम्‍नुओ स़मा हेन्‍खोक्‌वाआ खानानिन निनाम्‍हाङ्‌ओ निम्‍पाङ झारा भुङ्‌चि, य़ङ्‌चि, म़नाचि खोन्‍कि रावाचि त़खिरुम्‍च़म।