युहन्‍ना 11:43 - बान्‍तावा राई

⁴³ खोन्‍किना ओवात्‍नि म़य़ङाकिना खोक्‍को अ़धिवा य़ङ्‌आ म़पारा, “लाजरस, बुङ्‌खाया लोन्‍ता!”

युहन्‍ना 11:43 ပူးပေါင်းရင်းမြစ်များ

मर्कुस 4:41

खोन्‍कि मोचि अ़न्‍नुनु म़क़साकिना अ़क्‍छा निएदा सेन्‍कासेन म़मुवा, “ओक्‍को साङ ओ? मोवात्‍नि ह़क खोन्‍कि धियाङ्‌वामाआछाङ खोक्‍कोसोओ अ़चुलोमाय़ङ म़काङ्‌याङ!”

युहन्‍ना 11:42

अ़ङ्‌का सिन्‍तुङ्‌योङ, खानानिन्‌आ अ़ङ्‌यामात्‍मा अ़धुन त़एन्‍निप़नि। मेन ओदा म़एप्‌याङ्‍ओ मुक्‍लाचिओ निम्‍पाङ अ़ङ्‌का ओ य़ङाङ्‌ओ, देकिनालो खानानिन्‌आ अ़ङ्‌का त़छुत्‍ताङ्‌ऩङ्‍ओ निकिना मोचि साकोङ्‌छ़ङ मुमा म़ऱने।”

युहन्‍ना 11:44

मो सुवादाओ म़ना मोसोओ अ़लाङ खोन्‍कि अ़छुक अ़रिप्‍खा तित्‌आ छुम्‍साङाओ खोन्‍कि अ़ङाइवा तित्‌आ रिप्‍ताङाओङा बुङ्‌खादा लोन्‍ता। येसुआ मोचि म़लोचि, “मोसोओ अ़रिप्‍खातित हुत्‍तापुवानुम, खोन्‍कि मो खात्‍मा पुवानुम।”

युहन्‍ना 12:1

काक्‍माखात्‍मा चानुचाओ छकालेन बुया येसु बेथानियादा म़ता। मो तेन्‌दा लाजरस युङाङा, मो येसुआ सुवादाओदाङ्‌का अ़ह़ङ्‌सालोइसायुङ्‌साओ।

युहन्‍ना 12:9

यहुदिचिओ अ़धिवो मुक्‍लाआ खोक्‍को मोदा म़युङ्‌याङ निकिना अ़सिन्‍ता, खोन्‍कि येसु खाङ्‌सि ओन्‍ङा माआङ, मेन खोक्‍कोसाआ सुवादाओदाङ्‌का अ़ह़ङ्‌साओ लाजरस्‌छाङ चोप्‍सि मोचि म़तायुङ्‌सा।

छाम्‍माय़ङ 3:12

पत्रुस्‌आ मो म़नाचि खाचिकि मोचि लोचि, “इस्राएलि अ़ङ्‌यावाचि ओ, ओ पेसोला म़ना नुवाओदा देकि खानानिन त़दोम्‍तिन्‍दान्‌येन? खोन्‍कि खानानिन देकि आन्‍काच्‍याएदात्‍नि होन्‍नि त़चोप्‍निङ्‌नि? आन्‍काच्‍या आन्‍चुवाओ सावा खोन्‍कि साम्‌योक्‌आ ओ काकोन मुवाचुवाओनि खानानिन त़मिनिन्‌येन?

छाम्‍माय़ङ 3:6

खोन्‍किना पत्रुस्‌आ खो लो, “अ़ङ्‌काएदा हाराक्‌वा खोन्‍कि रुपा ना मात्‍द़ङ, मेन दि अ़ङ्‌काएदा युङ्‌याङ, मो अ़ङ्‌का खाना प़ना। नासरत्‌ओ येसु ख्रिस्‍तओ अ़चुऩङ्‌दा कोला!”

छाम्‍माय़ङ 9:34

पत्रुस्‌आ खो लो, “एनियास, येसु ख्रिस्‍तआ खाना त़नु। पुवालोन्‍ताकि आम्‌इम्‍खा ओक्‍तु।” खोन्‍कि एनियास च़क्‍नि पुवालोन्‍ता।

छाम्‍माय़ङ 9:40

मेन पत्रुस्‌आ मोचि झारा बुङ्‌खाह्‍यात्‍नि लोइसुचि, खोन्‍किना अ़तुम्‍प़छ़क तोम्‍तुकि यामारा। खोन्‍कि मो स़पोक्‌ह्‍यात्‍नि हुसान्‍चिन्‌कि य़ङा, “तबिता, पुवालोन्‍ता!” खोन्‍कि मोसाआ अ़म़क होउ, खोन्‍कि पत्रुस खाकिना पुवालोन्‍ताकि युङा।