युहन्‍ना 11:42 - बान्‍तावा राई

⁴² अ़ङ्‌का सिन्‍तुङ्‌योङ, खानानिन्‌आ अ़ङ्‌यामात्‍मा अ़धुन त़एन्‍निप़नि। मेन ओदा म़एप्‌याङ्‍ओ मुक्‍लाचिओ निम्‍पाङ अ़ङ्‌का ओ य़ङाङ्‌ओ, देकिनालो खानानिन्‌आ अ़ङ्‌का त़छुत्‍ताङ्‌ऩङ्‍ओ निकिना मोचि साकोङ्‌छ़ङ मुमा म़ऱने।”

युहन्‍ना 11:42 ပူးပေါင်းရင်းမြစ်များ

मत्‍ति 26:53

खाना दे त़मिन्‌याङ? दि अ़ङ्‌का अ़ङ्‌पापाएदा यामात्‍मा अ़ऱऩङ, खोन्‍कि खोक्‍कोसाआ च़क्‍नि काफाचि खिप्‍मा अ़ऱन्‍मिन्‍चिन्‍लो अ़ङ्‌को निम्‍पाङ ऩछुत्‍ऩङ्‌छोक्‍ऩङ कि?

युहन्‍ना 11:22

मेन हान्‍छाङ अ़ङ्‌का सिन्‍तुङ्‌योङ, खानानिन्‌आ निनाम्‍हाङ दि त़दोत्‍तुम, निनाम्‍हाङ्‌आ खानानिन ऩप़न।”

युहन्‍ना 11:31

खिम्‌दा मोचि राक प़सि म़ताकि म़युङाङाओ यहुदिचिआ मरियम च़क्‍नि पुवालोन्‍ताकि बुङ्‌खाह्‍यात्‍नि लोन्‍ताखाराओ अ़खाकि, मो एप्‍मादा खाप्‍सि खाराङाओनि अ़मित्‍ताकिना मो अ़त़ङ्‌ता।

युहन्‍ना 11:43

खोन्‍किना ओवात्‍नि म़य़ङाकिना खोक्‍को अ़धिवा य़ङ्‌आ म़पारा, “लाजरस, बुङ्‌खाया लोन्‍ता!”

युहन्‍ना 12:11

देकिनालो खोसोओ अ़तुक्‌वाआङा यहुदिचिएदाओ ब़द्‍धेकापाङ्‌आ म़छिरुदोचिकि येसुएदा साकोङ्‌छ़ङ म़मुवाङा।

युहन्‍ना 12:17

खोक्‍कोसाआ लाजरस एप्‍मादाङ्‌का अ़बुत्‍ताकि सुवादाओदाङ्‌का अ़ह़ङ्‌सालोइसाहिदा खोक्‍कोएनान अ़क्‍नि कायुङ मुक्‍लादाओ म़नाचिआ खोक्‍कोसोओ अ़चुसालुम्‍स़ङ अ़पुवा।

युहन्‍ना 17:21

मोवात्‍नि मोचि झारा अ़क्‌तात म़लिने। आपो, देत्‍नि खानानिन अ़ङ्‌काएदा त़याइन्‌येन, खोन्‍कि अ़ङ्‌का खानानिन्‌एदा मोवात्‍निङा मोचिछाङ आन्‍काचिएदा म़याक्‍ने, खोन्‍कि खानानिन्‌आ अ़ङ्‌का त़छुत्‍ताङ्‌ऩङ्‍ओ निकिना हेन्‍खामादाओ म़नाचि साकोङ्‌छ़ङ म़मुने।

युहन्‍ना 17:25

साम्‌योक्‍मि आपो, हेन्‍खामादाओ म़नाचिआ खानानिन ऩसिन्‍तिमिन, मेन अ़ङ्‌का खानानिन सिन्‍नानिन, खोन्‍कि खानानिन्‌आ अ़ङ्‌का त़छुत्‍निओ ओ काखेङ्‌पाचिआ अ़सिन।

युहन्‍ना 17:8

देकिनालो खाक्‍को य़ङ खानानिन्‌आ अ़ङ्‌का त़प़नि, अ़ङ्‌का मोचि प़ङ्‌युङ्‌सुङ्‌च़ङ, खोन्‍कि मोचिआ मो अ़लोआयुङ्‌सा। अ़ङ्‌का खानानिन्‌एदाङ्‌का ताङ्‌ओ निकिना मोचिआ अ़नुछ्‍या अ़सिन्‍तायुङ्‌सा, खोन्‍कि खानानिन्‌आ अ़ङ्‌का त़छुत्‍निओ निकिना मोचि साकोङ्‌छ़ङ म़मुवायुङ्‌सा।

युहन्‍ना 20:31

मेन ओ य़ङ्‌चि म़छाप्‍तायुङ्‌सा खोन्‌ओसा खानानिन्‌आ येसु निनाम्‍हाङ्‌ओ अ़चुछा ख्रिस्‍तओ निकिना साकोङ्‌छ़ङ मुवानिन, खोन्‍कि साकोङ्‌छ़ङ्‌लाम्‍पा खोक्‍कोसोओ अ़चुपाङ्‌दा खानानिन ह़ङ्‌म़ङ तोक्‍तानुम।

युहन्‍ना 3:17

निनाम्‍हाङ्‌आ हेन्‍खामा लाहि पाक्‍माओ निम्‍पाङ अ़चुछा हेन्‍खामादा मान्‌य़अ़दा, मेन हेन्‍खामा खोक्‍कोलाम्‍पा लेन्‍ने निकिना अ़य़सा।

युहन्‍ना 8:16

अ़ङ्‌का छ़ङ छेन्‍ङाहिदा अ़ङ्‌छ़ङ छेन्‍माय़ङ अ़छ़ङ कान। देकिनालो छ़ङ्‌काछेन अ़ङ्‌का आप्‍पि ओन्‍ङा माआङ, मेन अ़ङ्‌का काछुत अ़ङ्‌पापा अ़ङ्‌काएनान म़युङ्‌याङ।

युहन्‍ना 8:29

अ़ङ्‌का काछुत अ़ङ्‌काएदा म़युङ्‌याङ। खोक्‍कोसाआ अ़ङ्‌का अ़ङ्‌दाप्‍म़ङ मान्‍छित्‌दाऩयुक्‍ङा, देकिनालो अ़ङ्‌का अ़धुन खोक्‍कोसोओ अ़चुऩङानुसुङ।”

युहन्‍ना 8:42

येसुआ मोचि म़लोचि, “निनाम्‍हाङ आम्‍नुओ पाओनालो ना खानानिन्‌आ अ़ङ्‌का सोमात़तुक्‍ताङ्‌ऩङ्‌ओ। देकिनालो अ़ङ्‌का निनाम्‍हाङ्‌एदाङ्‌का ताङ्‌ओ। अ़ङ्‌का अ़ङ्‌मिन्‍माआ ताङ्‌ओ माआङ, मेन खोक्‍कोसाआ अ़ङ्‌का ऩछुत्‍ताङ्‍ओ।

रोमि 8:3

आन्‍को हेवामि आन्‍मित्‍माचि मान्‍ऱकादा म़लिसाओसा य़ङ्‌हुप्‌आ दि मुमा मान्‍ऱदो, मो निनाम्‍हाङ्‌आ अ़मुवा। निनाम्‍हाङ्‌आ आप्‍पिओ अ़चुछा अ़याङाकि आन्‍कान्‌वाको हेवामिचिओ आन्‍हेवाचिओ निम्‍पाङ हेन्‍खोक्‌वा अ़पुवाकि हेवाओ अ़क़म्‍मा आन्‍कान्‌एदाङ्‌का अ़लुक्‍ता।

गलाति 4:4

मेन ग़रि तालाकि निनाम्‍हाङ्‌आ अ़चुछा अ़य़सा। खोक्‍को अ़क्‍छा मेत्‍छामाएदाङ्‌का म़पुक्‍तान्‍चिन, खोन्‍कि यहुदि य़ङ्‌हुप्‌ओ अ़पाङ्‌दा म़पुक्‍तान्‍चिन।

हिब्रु 5:7

येसु अ़चुपोक्‌दा म़युङाङाहिदा खोक्‍को स़मादाङ्‌का साङ्‌आ लेन्‍मा अ़ऱ, खोक्‍कोएदा अ़न्‍नुनु पात्‌याङ्‌सा खोन्‍कि अ़चुम़क्‌वाएनान याम़मारा। खोन्‍किना खोक्‍कोसाआ सिम्‍नान्‍चिन्‍सा निनाम्‍हाङ साया अ़मेत्‍ताओसाआ अ़चुयामात्‍मा अ़एना।

हिब्रु 7:25

खोन्‌ओसा खोक्‍कोलाम्‍पा निनाम्‍हाङ्‌ओ अ़चुच़क्‌दा काताचि खोक्‍कोसाआ ओन्‍ग़रि खोन्‍कि अ़धुन्‌तारि लेन्‍मा म़ऱचि। देकिनालो मोचिओ अ़चुलिप्‍पादा निनाम्‍हाङ्‌एदा यामात्‍सि खोक्‍को अ़धुन म़ह़ङ्‌युङ।

१ युहन्‍ना 4:14

निनाम्‍हाङ पापाआ अ़चुओ छा हेन्‍खामादाओ म़नाचि लेइसि अ़य़साओ आन्‍कान्‍का खाम्‍का खोन्‍कि अ़चुसालुम्‍स़ङ प़म्‌योम्‍च़म्‍का।