युहन्‍ना 11:4 - बान्‍तावा राई

⁴ मेन ओ अ़एनाकि येसु म़य़ङा, “ओ सारिमाआ स़मादा अ़तारुन्‍लान, मेन ओ निनाम्‍हाङ्‌ओ अ़चुऩङ लोङ्‌माओ निम्‍पाङ ओ। खोन्‌ओसा ओलाम्‍पा निनाम्‍हाङ्‌ओ अ़चुछाओ अ़चुऩङ लोङ्‌ने।”

युहन्‍ना 11:4 ပူးပေါင်းရင်းမြစ်များ

युहन्‍ना 10:38

मेन अ़ङ्‌का अ़ङ्‌पापाओ अ़चुकाचि मुङ्‌नालो खानानिन अ़ङ्‌काएदा साकोङ्‌छ़ङ त़मुन्‍मिन्‌नुछाङ ओ म़दोम्‍दाओ काचिचिदा साकोङ्‌छ़ङ मुवानिन। खोन्‌ओसा खानानिन्‌आ सिन्‍मा त़ऱम खोन्‍कि त़तुप्‍तुम, पापा अ़ङ्‌काएदा म़याक्‌याङ खोन्‍कि अ़ङ्‌का पापाएदा याक्‍ङाङा।”

युहन्‍ना 11:40

येसुआ मो अ़लोवा, “दि ‘खाना साकोङ्‌छ़ङ त़मुनालो निनाम्‍हाङ्‌ओ अ़चुसावा त़खा’नि अ़ङ्‌का खाना लोनाओ माआङ?”

युहन्‍ना 12:28

आपो, आम्‍नुओ ऩङ लोङ्‌सानुम!” खोन्‍किना निनाम्‍मादुङ्‌का अ़क्‌तात य़ङ ता, “अ़ङ्‌का आप्‍पि लोङ्‌साङ्‌युङ्‌साङ्‌च़ङ, खोन्‍कि हान्‍छाङ लाङालोङ्‌ङान्‍च़ङ।”

युहन्‍ना 17:1

ओ य़ङ म़य़ङाचिआकि येसुआ निनाम्‍मादुत्‍नि खाङ्‌याङ्‌सा म़य़ङा, “आपो, ग़रि ताचिआयुङ्‌सा, आम्‍नुओ छाओ अ़ऩङ्‌लोङ्‌सानुम, खोन्‍कि आम्‍नुओ छाआ आम्‍नुओ ऩङ्‌लोङ्‌सुने।

युहन्‍ना 17:10

अ़ङ्‌काएदा म़युङ्‌याङ्‍ओचि आम्‍नुओचिङा ओ, खोन्‍कि खानानिन्‌एदा म़युङ्‌याङ्‍ओचि अ़ङ्‌कोचिङा ओ। मोचिलाम्‍पा अ़ङ्‌ऩङ लोङ्‌सायुङ्‌सा।

युहन्‍ना 17:5

आपो, हेन्‍खामा मुन्‍मा बुया आन्‍काचिएदा याआङाओ आन्‍चुओ साऩङ्‌वा हान अ़ङ्‌का लानिप़नि।

युहन्‍ना 2:11

येसुआ ओ बुयाओदुओ बुन गालिल्‌ओ कानादा खाङ्‌अ़मुसाओ। ओवात्‍नि खोक्‍कोसाआ अ़चुसावा खाङ्‌अ़मुसा, खोन्‍कि खोक्‍कोसोओ अ़चुकाखेङ्‌पाचिआ खोक्‍कोएदा साकोङ्‌छ़ङ म़मुवा।

युहन्‍ना 5:23

खोन्‍कि देत्‍नि मोचिआ पापा साया अ़मेत, मोवात्‍निङा झारासाआ अ़चुछा साया अ़मेत्‍ने। साङ्‌आ अ़चुछा साया अ़मेत्‍तुन, खो काछुत पापाछाङ साया अ़मेत्‍तुन।

युहन्‍ना 8:54

येसुआ म़लासुलोचि, “अ़ङ्‌का आप्‍पि अ़ङ्‌ऩङ लोङ्‌सुङ्‌नालो अ़ङ्‌ऩङ लोङ्‌माय़ङ सोज्‍जे लि। अ़ङ्‌ऩङ कालोङ अ़ङ्‌पापा म़युङ्‌याङ, खोक्‍को खानानिन्‌आ ‘आन्‍काओ निनाम्‍हाङ’नि त़लोम्‌योम।

युहन्‍ना 9:24

खोन्‍किना मोचिआ मो दोप्‍म़क म़ना ह्‍वादुओदु अ़बुत्‍ताकि अ़सेना, “निनाम्‍हाङ्‌ओ अ़चुऩङ्‌दा अ़छ़ङ य़ङ य़ङा। आन्‍कान्‍का सिन्‍तुम्‌योम्‍का मो म़ना हेवामि ओ।”

युहन्‍ना 9:3

येसुआ म़लासुलोचि, “ओसाआ ना हेवा मु ना ओसोओ अ़मा खोन्‍कि अ़पाआङा। निनाम्‍हाङ्‌ओ अ़काचि ओ म़नाओ अ़ह़ङ्‌म़ङ्‌दा खाङ्‌मुने निकिना ओ दोप्‍म़क लिसाओ।

रोमि 11:11

खोन्‌ओसा अ़ङ्‌का य़ङ्‌ङा, दि मोचि अ़धुन धाम्‍मा निम्‍पाङ म़धुङ्‌साओ? देम्‍खाछाङ माआङ! मेन इस्राएल हेवा मुवाओसा निरावाचिएदा लेन्‍मा ता, देकिनालो इस्राएल्‌छाङ लेत्‍माओ निम्‍पाङ ऩङ्‌च़ मुने।

फिलिप्‍पि 1:11

निनाम्‍हाङ्‌ओ अ़चुसाऩङ्‌वा खोन्‍कि अ़चुऩङ्‌चोन्‍माओ निम्‍पाङ येसु ख्रिस्‍तलाम्‍पा ताओ अ़नुवाक काचि सिवाआ खानानिन भेप्‌याङ्‌सा त़खारिन्‍ने।

फिलिप्‍पि 1:20

अ़ङ्‌को अ़न्‍नुनु अ़ङ्‌हुङ्‌मा खोन्‍कि सोम्‍कुवा ओङा ओ, अ़ङ्‌का देम्‍खाछाङ लेजो अ़लिऩङ, मेन अ़ङ्‌को च़लोक अ़ङ्‌राक पोन, खोन्‍कि अ़धुन्‌वा आइमित्‌छाङ अ़ङ्‌पोक्‌आ ख्रिस्‍त साया मेत्‍तु, ह़ङ्‌ङानेकि स़ङादाङाने।

१ पत्रुस 1:21

येसुलाम्‍पा खानानिन निनाम्‍हाङ साकोङ्‌छ़ङ त़मुम। निनाम्‍हाङ्‌आ येसु ख्रिस्‍त म़सुवादाओदाङ्‌का अ़खोन्‍तालोइसा खोन्‍कि खोक्‍को साया अ़मेत्‍ता। खोन्‌ओसा आम्‍नुओ साकोङ्‌छ़ङ खोन्‍कि सोम्‍कुवा निनाम्‍हाङ्‌एदा याक्‌याङ।

१ पत्रुस 4:11

साङ चेप्‌नालो निनाम्‍हाङ्‌ओ अ़चुय़ङ खालुसिन्‌वा चेप्‍ने। काब़त निनाम्‍हाङ्‌आ प़माय़ङ्‌ओ सावालाम्‍पा ब़रुने। ओवात्‍नि झारा य़ङ्‌दा येसु ख्रिस्‍तलाम्‍पा निनाम्‍हाङ्‌ओ अ़चुऩङ चोन्‍ने। तोक्‍पो सावा खोन्‍कि अ़चुऩङ्‌चोन्‍मा अ़धुन-अ़धुन्‌तारि खोक्‍कोसोओ लियुङ्‌ने। मोवात्‍निङा लिने!

१ पत्रुस 4:14

ख्रिस्‍तओ अ़चुऩङ्‌दा खानानिन ऩसुङ्‌तिन्‌नालो खानानिन आसिखा कातोक ओ! देकिनालो निनाम्‍हाङ्‌ओ साम्‍स़रिओ अ़चुलावा खानानिन्‌एदा म़याक।