युहन्‍ना 10:5 - बान्‍तावा राई

⁵ ऩसिन्‍तुन्‌योन्‌ओ म़ना मोचिआ ऩत़ङ्‌तुन, मेन मोएदाङ्‌का म़फुङ। देकिनालो अ़ऩङ्‌वा काताओसोओ अ़य़ङ मोचिआ ऩसिन्‍तुन।”

युहन्‍ना 10:5 ပူးပေါင်းရင်းမြစ်များ

मर्कुस 4:24

खोन्‍कि येसुआ मोचि म़लोचि, “खानानिन त़एनुम्‌ओ य़ङ्‌ओ अ़तुक्‌वादा मिन्‍मा पाक्‍तानुम! खाउ हाक्‍खाआ नि म़नाचि खानानिन त़हाक्‍तुम्‍च़म, मो हाक्‍खाआङा खानानिन्‌छाङ निनाम्‍हाङ्‌आ ऩहाक्‍तिन, खोन्‍कि मोदाङ्‌काछाङ च़लोक त़तोक्‍तुम।

लुका 8:18

खोवात्‍निओसा देत्‍नि खानानिन्‌आ त़एनुम, मो य़ङ्‌दा नुलोक मिन्‍मा पाक्‍तानुम। साङ्‌एदा युङ्‌याङ मो च़लोक प़, खोन्‍कि मोएदा ब़द्‍धे लि। मेन साङ्‌एदा मात्‍द़ङ, मोएदा युङ्‌याङ्‌ओछाङ मोएदाङ्‌का अ़ङाप।”

युहन्‍ना 10:16

अ़ङ्‌को नि अ़ङ्‌भेराचि म़युङ्‌याङ। मोचि ओ रुहुप्‌दाओचि माआङ। मोचिछाङ अ़ङ्‌का तात्‍माचिदोत। मोचिआ अ़ङ्‌य़ङ अ़एन, खोन्‍कि मोचि अ़क रुहुप्‌ओ म़लि, खोन्‍कि मोचिओ निम्‍पाङ अ़क्‍छाङा अ़चुकाखाङ्‌पा लि।

युहन्‍ना 10:4

खोन्‍किना खोक्‍कोसाआ झारा अ़भेराचि बुङ्‌खाया लोत्‍तुचि, खोक्‍को मोचिओ अ़चुबुबु कोन, खोन्‍कि भेराचिआ खोक्‍को अ़त़ङ। देकिनालो मोचिआ खोक्‍कोसोओ अ़य़ङ अ़सिन।

२ तिमोथि 4:3

देकिनालो ग़रि तायाङ, मोन ग़रि मोचिआ अ़नुवाक चिन्‍माय़ङ ऩआङ्‌तुन, मेन मोचिआ अ़चुऩङानुओ चिन्‍माय़ङ ओन्‍ङा एन्‍मा म़लाम खोन्‍कि मोचिआ आप्‍पि अ़चुऩङानुओ य़ङ खाकाएत ब़द्‍धे काचिन्‍पाचि म़कोउचि।

१ युहन्‍ना 2:19

मोचि आन्‍कान्‌एदाङ्‌का म़फेआन्‍खात्‍तान्‍चिन, देकिनालो मोचि आन्‍कोचि माआङ। मोचि आन्‍कोचिओदे आन्‍कान्‌एनान अ़क्‍नि म़युङाओ, मेन मोचि झारा आन्‍कोचि माआङ्‌निओ य़ङ खाङ्‌मुमा निम्‍पाङ मोचि म़लोन्‍ताखाराओ।

१ युहन्‍ना 2:21

खानानिन अ़छ़ङ त़सिन्‍तिमिन्‌येन निकिना अ़ङ्‌का छाप्‍तुङ्‌ओ माआङ, मेन खानानिन्‌आ अ़छ़ङ त़सिन्‍तुम्‌योम निकिना छाप्‍तुङ्‌ओ। देकिनालो अ़छ़ङ्‌दा म़प्‍मा अ़याक्‍निन निकिना खानानिन्‌आ त़सिन्‍तुम्‌योम।

खाङ्‌मुमा 2:2

खाना त़मुचिओ य़ङ्‌चि, आम्‍काचिचि खोन्‍कि खाना देत्‍नि त़आङ्‌तुओचि अ़ङ्‌का सिन्‍तुङ्‌योङ। खोन्‍कि खाना अ़अ़त्‍पा म़नाचि आङ्‌मा त़ऱन्‍चिन, मोचि आप्‍पि ‘छाम्‍माय़ङ्‌ओचि’नि ना म़लोनान्‍चिन, मेन माआङ। खोन्‍कि खाना मोचि त़चिन्‍तुखोचिहिदा सोज्‍जेओ त़धिरुचिओ अ़ङ्‌का सिन्‍तुङ्‌योङ।