युहन्‍ना 10:41 - बान्‍तावा राई

⁴¹ ब़द्‍धे म़नाचि खोक्‍कोएदा म़ता खोन्‍कि मोचि म़य़ङा, “युहन्‍नाआ दियाकोछाङ बुन्‌चि मान्‍मुदोचि, मेन युहन्‍नाआ खोक्‍कोसोओ अ़चुतुक्‌वादा झारा य़ङाओ मो अ़नुछ्‍या ओ।”

युहन्‍ना 10:41 ပူးပေါင်းရင်းမြစ်များ

मत्‍ति 14:2

खोसाआ अ़यायोक काप़चि लोचि, “ओ बप्‍तिस्‍मा काप़ युहन्‍ना ओ। खो सुवादाओदाङ्‌का खोन्‍तालोन्‍तायुङ्‌सा। खोन्‌ओसा ओवाको म़दोम्‍दाओ काचिचि खोसाआ मुङुचि!”

मर्कुस 1:37

खोन्‍कि खोचिआ खोक्‍को अ़धिराकि मोचिआ अ़लोवा, “झारासा खानानिन ऩलामिन्‌येन!”

लुका 12:1

मोवात्‍नि लिसाङाहिदा मोदा ब़द्‍धेकाहजाराओ मुक्‍ला म़कोवान्‍चिन्‌ओसा अ़क्‍छा निएदा नेप्‍कानेप मुमा अ़पुङ्‌सा। येसुआ बुया अ़चुकाखेङ्‌पाचि लोमा म़पुङ्‌सुचि, “फरिसिचिओ खमिरादाङ्‌का चाप्‍चेत्‍तानिन्‍चिन। मोवात्‍नि च़मा मोचिओ कोङ्‌क़त्‌वा काचि ओ।

लुका 5:1

अ़क्‌लेन येसु गनेसरेत्‌निओ धियाङ्‌वामाओ अ़च़क्‌दा म़एवाङाहिदा ब़द्‍धे म़नाचि निनाम्‍हाङ्‌ओ अ़चुय़ङ एन्‍सि छ़न्‍काछुछुरुप लियाङ्‌सा म़ता।

युहन्‍ना 1:27

अ़ङ्‌कादाङ्‌का आदेङ काता खोक्‍कोङा ओ। खोक्‍कोसोओ अ़चुफेङ्‌ताओ अ़छुम्‍खाचि हुत्‍माछाङ अ़ङ्‌का अ़खान्‍ऩङ।”

युहन्‍ना 2:11

येसुआ ओ बुयाओदुओ बुन गालिल्‌ओ कानादा खाङ्‌अ़मुसाओ। ओवात्‍नि खोक्‍कोसाआ अ़चुसावा खाङ्‌अ़मुसा, खोन्‍कि खोक्‍कोसोओ अ़चुकाखेङ्‌पाचिआ खोक्‍कोएदा साकोङ्‌छ़ङ म़मुवा।