युहन्‍ना 10:38 - बान्‍तावा राई

³⁸ मेन अ़ङ्‌का अ़ङ्‌पापाओ अ़चुकाचि मुङ्‌नालो खानानिन अ़ङ्‌काएदा साकोङ्‌छ़ङ त़मुन्‍मिन्‌नुछाङ ओ म़दोम्‍दाओ काचिचिदा साकोङ्‌छ़ङ मुवानिन। खोन्‌ओसा खानानिन्‌आ सिन्‍मा त़ऱम खोन्‍कि त़तुप्‍तुम, पापा अ़ङ्‌काएदा म़याक्‌याङ खोन्‍कि अ़ङ्‌का पापाएदा याक्‍ङाङा।”

युहन्‍ना 10:38 ပူးပေါင်းရင်းမြစ်များ

युहन्‍ना 10:25

येसुआ मोचि म़लासुलोचि, “अ़ङ्‌का खानानिन खाएत्‍नायुङ्‌नाचिन्‍नानिन, मेन खानानिन साकोङ्‌छ़ङ त़मुन्‍मिन। अ़ङ्‌पापाओ अ़चुऩङ्‌दा खाक्‍को म़दोम्‍दाओ काचिचि अ़ङ्‌का मुङ्‌योङ्‌च़ङ, मोचिआङा अ़ङ्‌सालुम्‍स़ङ अ़प़।

युहन्‍ना 10:30

अ़ङ्‌पापा खोन्‍कि अ़ङ्‌का अ़क्‌तात्‌ङा ओ।”

युहन्‍ना 11:4

मेन ओ अ़एनाकि येसु म़य़ङा, “ओ सारिमाआ स़मादा अ़तारुन्‍लान, मेन ओ निनाम्‍हाङ्‌ओ अ़चुऩङ लोङ्‌माओ निम्‍पाङ ओ। खोन्‌ओसा ओलाम्‍पा निनाम्‍हाङ्‌ओ अ़चुछाओ अ़चुऩङ लोङ्‌ने।”

युहन्‍ना 14:20

मो लेन खानानिन्‌आ त़सिन्‍तुम, अ़ङ्‌का अ़ङ्‌पापाएदा याक्‍ङाङा, खोन्‍कि खानानिन अ़ङ्‌काएदा, खोन्‍कि अ़ङ्‌का खानानिन्‌एदा याक्‍ङाङा ओ।

युहन्‍ना 17:11

अ़ङ्‌का हान हेन्‍खामादा ब़द्‍धे अ़युङ्‌ऩङ, मेन ओचि ना हेन्‍खामादा म़युङ। अ़ङ्‌का खानानिन्‌एदा ताङाङा। त़सेङिन्‌येन्‌ओ आपो, खानानिन्‌आ त़प़निओ म़नाचि आम्‍नुओ सावाआ रात्‍तानुम्‍च़म, खोन्‍कि आन्‍कान्‌वात्‍निङा मोचिछाङ अ़क्‌तात म़लिने।

युहन्‍ना 3:2

खो अ़खाखुत येसुएदा ता, खोन्‍कि खोक्‍को लो, “रब्‍बि, आन्‍कान्‍का सिन्‍तुम्‌योम्‍का खानानिन निनाम्‍हाङ्‌एदाङ्‌का त़तान्‌ओ काचिन्‍पा ओ। देकिनालो निनाम्‍हाङ मात्‍द़ङ खानानिन्‌आ त़मुम्‍च़म्‌ओ ओ बुन्‌चि साङ्‌आछाङ मुमा ऩऱन्‍चिन।”

युहन्‍ना 5:36

देकिनालो अ़ङ्‌काएदा खाक्‍को सालुम्‍स़ङ युङ्‌याङ, मो युहन्‍नाओदाङ्‌का तोक्‍पो मुयाङ। खाक्‍को काचिचि तालासि अ़ङ्‌पापाआ अ़ङ्‌का ऩपुवाङ्‌युङ्‌साङ, मो काचि अ़ङ्‌का मुङ्‌योङ, खोन्‍कि अ़ङ्‌पापाआ अ़ङ्‌का ऩछुत्‍ताङ्‍ओ निकिना मोचिआङा अ़ङ्‌तुक्‌वादा सालुम्‍स़ङ अ़प़याङ।

छाम्‍माय़ङ 2:22

इस्राएल म़नाचि ओ, ओ य़ङ्‌चि एनानुम्‍च़म! नासरत्‌ओ येसु आम्‍नुओ बुदा निनाम्‍हाङ्‌आ सावा काचिचि, म़दोम्‍दाओ काचिचि खोन्‍कि बुन्‍चिलाम्‍पा अ़य़साओ निकिना खाङ्‌अ़मुसा। मो खानानिन नुलोक त़सिन्‍तुम्‌योम।

१ युहन्‍ना 3:24

झारा निनाम्‍हाङ्‌ओ अ़चुलोमाय़ङ्‌चि काकाङ निनाम्‍हाङ्‌एदा म़युङ, खोन्‍कि मोचिएदा निनाम्‍हाङ म़याक। खोक्‍कोसाआ आन्‍कान म़पुवाओ सेङ्‌लावालाम्‍पाङा निनाम्‍हाङ आन्‍कान्‌एदा म़युङ्‌याङ्‌ओ य़ङ आन्‍कान सिन्‍तुम्‌योम।