युहन्‍ना 10:33 - बान्‍तावा राई

³³ यहुदिचिआ खोक्‍को अ़लासालोवा, “अ़नुवाक काचिओसा आन्‍कान्‍काआ खाना लुङ्‌आ वेन्‍मा लामिन्‌येन्‍काओ माआङ, मेन निनाम्‍हाङ्‌ओ अ़चुसाया त़पेप्‍तुओसा ओ। देकिनालो खाना म़ना त़मुकिछाङ आप्‍पि निनाम्‍हाङ त़मुनानान्‍चिन।”

युहन्‍ना 10:33 ပူးပေါင်းရင်းမြစ်များ

युहन्‍ना 10:24

यहुदिचि खोक्‍कोसोओ अ़चुऱङ्‌कोप्‍नि म़कोवान्‍चिन्‌कि अ़सेना, “देम्‍खातारि खानानिन्‌आ आन्‍कान्‍का हाक्‍हाक्‍किरा त़मुनि ओ? खानानिन ख्रिस्‍त ओनालो आन्‍कान्‍का नुलोक खाएत्‍नि।”

युहन्‍ना 10:30

अ़ङ्‌पापा खोन्‍कि अ़ङ्‌का अ़क्‌तात्‌ङा ओ।”

युहन्‍ना 10:32

मेन येसुआ मोचि म़लोचि, “अ़ङ्‌का अ़ङ्‌पापालाम्‍पा ब़द्‍धे अ़नुवाक काचिचि खानानिन खाङ्‌मेत्‍नायुङ्‌नानिन। मोचिदाङ्‌का खाक्‍को काचिआ आम्‍नुओ मान्‍सुङ काराकि लुङ्‌आ अ़ङ्‌का वेन्‍मा त़लाप्‍ङाङाऩङ?”

युहन्‍ना 19:7

यहुदि बुसुवाचिआ खोक्‍को अ़लासालोवा, “आन्‍काओ अ़क्‌तात य़ङ्‌हुप युङ्‌याङ, खोन्‍कि मो य़ङ्‌हुप्‌वा ओ स़माङादोत, देकिनालो ओसाआ आप्‍पि निनाम्‍हाङ्‌ओ अ़चुछा मुवान्‌युङ्‌सान्‍चिन।”

युहन्‍ना 5:18

खोन्‌ओसा यहुदि बुसुवाचिआ येसु च़लोक सेत्‍मा अ़लाप्‍ता, देकिनालो खोक्‍कोसाआ सावातोम्‍खा-लेन काक्‍मा काचि ओन्‍ङा माआङ, मेन आप्‍पि निनाम्‍हाङ्‌एनान अ़क्‍निओ मुवान्‍चिन्‌कि खोक्‍कोसाआ निनाम्‍हाङ अ़ङ्‌पापानि म़य़ङा।

रोमि 13:1

हाङ्‌काचि कामुचिओ अ़चुपाङ्‌दा झारा युङ्‌मादोत। निनाम्‍हाङ्‌दाङ्‌का ताओ पाङ्‌दाङ्‌का नि खाक्‍कोछाङ पाङ मात्‍द़ङ। खाक्‍को हाङ्‌काचि कामुचि म़युङ्‌याङ, मोचि निनाम्‍हाङ्‌आ म़पाउचिओ।

फिलिप्‍पि 2:6

ख्रिस्‍त अ़नुछ्‍याङा निनाम्‍हाङ म़मुवाङानुछाङ, खोक्‍कोसाआ निनाम्‍हाङ्‌एनान अ़क्‍निवा लिमा अ़क्‌तात लाप्‍मायुङ्‌मादोत्‌ओ सामावात्‍नि मान्‍मित्‌अ़दा।