युहन्‍ना 10:32 - बान्‍तावा राई

³² मेन येसुआ मोचि म़लोचि, “अ़ङ्‌का अ़ङ्‌पापालाम्‍पा ब़द्‍धे अ़नुवाक काचिचि खानानिन खाङ्‌मेत्‍नायुङ्‌नानिन। मोचिदाङ्‌का खाक्‍को काचिआ आम्‍नुओ मान्‍सुङ काराकि लुङ्‌आ अ़ङ्‌का वेन्‍मा त़लाप्‍ङाङाऩङ?”

युहन्‍ना 10:32 ပူးပေါင်းရင်းမြစ်များ

मत्‍ति 11:5

दोप्‍म़क्‌चि खाम़खाङ, खोन्‍कि एक्‍सोक्‌वाचि म़कोन। क़माधामा सारिमाआ लाउचिओचि म़सेङायुङ्‌सा, खोन्‍कि फेङ्‌नाबाक्‌चि खाम़एन। म़सुवादाओचि म़खोन्‍तालोन्‍तायुङ्‌सा, खोन्‍कि मान्‍तोक्‍कादाचिआ निनाम्‍हाङ्‌ओ अ़चुनुय़ङ्‌खान एन्‍मा अ़तोक्‌याङ।

युहन्‍ना 10:25

येसुआ मोचि म़लासुलोचि, “अ़ङ्‌का खानानिन खाएत्‍नायुङ्‌नाचिन्‍नानिन, मेन खानानिन साकोङ्‌छ़ङ त़मुन्‍मिन। अ़ङ्‌पापाओ अ़चुऩङ्‌दा खाक्‍को म़दोम्‍दाओ काचिचि अ़ङ्‌का मुङ्‌योङ्‌च़ङ, मोचिआङा अ़ङ्‌सालुम्‍स़ङ अ़प़।

युहन्‍ना 10:31

यहुदिचिआ खोक्‍को वेन्‍मासेत्‍मा निम्‍पाङ लुङ्‌चि अ़लासा कुआ।

युहन्‍ना 10:33

यहुदिचिआ खोक्‍को अ़लासालोवा, “अ़नुवाक काचिओसा आन्‍कान्‍काआ खाना लुङ्‌आ वेन्‍मा लामिन्‌येन्‍काओ माआङ, मेन निनाम्‍हाङ्‌ओ अ़चुसाया त़पेप्‍तुओसा ओ। देकिनालो खाना म़ना त़मुकिछाङ आप्‍पि निनाम्‍हाङ त़मुनानान्‍चिन।”

युहन्‍ना 10:37

अ़ङ्‌का अ़ङ्‌पापाओ अ़चुकाचिचि अ़मुऩङ्‌च़ऩङ्‌नालो अ़ङ्‌काएदा साकोङ्‌छ़ङ मान्‍मुदानिन।

युहन्‍ना 5:36

देकिनालो अ़ङ्‌काएदा खाक्‍को सालुम्‍स़ङ युङ्‌याङ, मो युहन्‍नाओदाङ्‌का तोक्‍पो मुयाङ। खाक्‍को काचिचि तालासि अ़ङ्‌पापाआ अ़ङ्‌का ऩपुवाङ्‌युङ्‌साङ, मो काचि अ़ङ्‌का मुङ्‌योङ, खोन्‍कि अ़ङ्‌पापाआ अ़ङ्‌का ऩछुत्‍ताङ्‍ओ निकिना मोचिआङा अ़ङ्‌तुक्‌वादा सालुम्‍स़ङ अ़प़याङ।

छाम्‍माय़ङ 10:38

खोन्‍कि देत्‍नि निनाम्‍हाङ्‌आ सेङ्‌लावा खोन्‍कि सावा नासरत्‌ओ येसु अ़पुवा, खोक्‍कोसोओ अ़तुक्‌वादा खानानिन्‌आ त़सिन्‍तुम्‌योम्‌ङा। खोन्‍किना खोक्‍को अ़नुवाक काचि मुयाङ्‌सा खोन्‍कि सैतानाआ क़म्‍तुङुचिओचि नुयाङ्‌सा झारादात्‍नि म़कोला, देकिनालो निनाम्‍हाङ खोक्‍कोएदा म़याआङा।

छाम्‍माय़ङ 2:22

इस्राएल म़नाचि ओ, ओ य़ङ्‌चि एनानुम्‍च़म! नासरत्‌ओ येसु आम्‍नुओ बुदा निनाम्‍हाङ्‌आ सावा काचिचि, म़दोम्‍दाओ काचिचि खोन्‍कि बुन्‍चिलाम्‍पा अ़य़साओ निकिना खाङ्‌अ़मुसा। मो खानानिन नुलोक त़सिन्‍तुम्‌योम।

१ युहन्‍ना 3:12

आन्‍कान कयिन्‌वाको लिमा अ़नुनिन, खो अ़अ़त्‍पा लिसाकि अ़निछा हाविल सेरु। कयिन्‌आ देकि अ़निछा सेरु? देकिनालो मोसोओ अ़काचिचि अ़अ़त्‍पा म़याआङा, खोन्‍कि अ़निछाओ अ़काचिचि साम्‌योक्‍मि म़मुवाङा।