युहन्‍ना 10:31 - बान्‍तावा राई

³¹ यहुदिचिआ खोक्‍को वेन्‍मासेत्‍मा निम्‍पाङ लुङ्‌चि अ़लासा कुआ।

युहन्‍ना 10:31 ပူးပေါင်းရင်းမြစ်များ

मत्‍ति 12:14

मेन फरिसिचि बुङ्‌खाया म़लोन्‍ता खोन्‍कि येसु देत्‍नि सेत्‍मा निकिना मोचिआ खोक्‍कोसोओ अ़चुदेङ्‌सालाप्‍पादा थालि म़बाङ्‌ता।

मत्‍ति 21:35

मेन अ़व़क काचात्‌चिआ खोसोओ अ़काफाचि म़लाउचिकि अ़क्‌तात अ़ब़ङ्‌सा, नितात अ़सेरा, खोन्‍कि नितात लुङ्‌आ अ़वेरा।

मत्‍ति 23:35

खोन्‌ओसा हेन्‍खामादा सोन्‍माय़ङ झारा साम्‌योक्‍मि म़नाचिओ अ़चुह़, मान्‍फिकादा हाबिल्‌ओ अ़ह़दाङ्‌का बेरेक्‌याहओ अ़छा जकरियाओ अ़ह़तारि, मो खानानिन्‌आ निनाम्‍हाङ ब़क्‍खाखिम्‍हुत्‌दाओ सेङ्‌याङ्‌ओसोओ खोन्‍कि ब़क्‍खाओ अ़चुकाप्‌दा त़सेरुम, मो खानानिन्‌एदाङा छुक।

युहन्‍ना 1:19

यरुसलेम्‌दाङ्‌का यहुदि बुसुवाचिआ काब़क्‍पाचि खोन्‍कि लेबिचि खोएदा “खाना साङ ओ?”निओ य़ङ सेइसि म़नाचि म़छुत्‍तुचि, खोन्‍कि युहन्‍नाआ नुलोक अ़साम्‍लुम्‍स़ङ प़चि।

युहन्‍ना 10:24

यहुदिचि खोक्‍कोसोओ अ़चुऱङ्‌कोप्‍नि म़कोवान्‍चिन्‌कि अ़सेना, “देम्‍खातारि खानानिन्‌आ आन्‍कान्‍का हाक्‍हाक्‍किरा त़मुनि ओ? खानानिन ख्रिस्‍त ओनालो आन्‍कान्‍का नुलोक खाएत्‍नि।”

युहन्‍ना 10:32

मेन येसुआ मोचि म़लोचि, “अ़ङ्‌का अ़ङ्‌पापालाम्‍पा ब़द्‍धे अ़नुवाक काचिचि खानानिन खाङ्‌मेत्‍नायुङ्‌नानिन। मोचिदाङ्‌का खाक्‍को काचिआ आम्‍नुओ मान्‍सुङ काराकि लुङ्‌आ अ़ङ्‌का वेन्‍मा त़लाप्‍ङाङाऩङ?”

युहन्‍ना 11:8

अ़चुकाखेङ्‌पाचिआ खोक्‍को अ़लोवा, “रब्‍बि, आइमित्‍साऱङ यहुदिचिआ खानानिन लुङ्‍आ वेन्‍मासेत्‍मा ऩलाप्‍तिन ओ, खोन्‍कि दि खानानिन मोयाङा त़लासिन खारिन्‌येन ओ?”

युहन्‍ना 5:18

खोन्‌ओसा यहुदि बुसुवाचिआ येसु च़लोक सेत्‍मा अ़लाप्‍ता, देकिनालो खोक्‍कोसाआ सावातोम्‍खा-लेन काक्‍मा काचि ओन्‍ङा माआङ, मेन आप्‍पि निनाम्‍हाङ्‌एनान अ़क्‍निओ मुवान्‍चिन्‌कि खोक्‍कोसाआ निनाम्‍हाङ अ़ङ्‌पापानि म़य़ङा।

युहन्‍ना 8:59

खोन्‍किना मोचिआ खोक्‍को वेन्‍मा निकिना लुङ म़कुआ, मेन येसु म़कुमाकि निनाम्‍हाङ ब़क्‍खाखिम्‌दाङ्‌का बुङ्‌खाह्‍यात्‍नि म़लोन्‍ताखारा।

छाम्‍माय़ङ 7:52

आम्‍नुओ सुन्‍तुम्‌चिआ दुखा मान्‍प़म़दोचिओ निनाम्‍हाङ्‌य़ङ खाकालुचि साङ्‌छाङ मात्‍द़ङ्‌चि। आम्‍नुओ सुन्‍तुम्‌चिआ साम्‌योक्‍मि म़ना मसिह म़ताङाओ अ़तुक्‌वादा निनाम्‍हाङ्‌य़ङ खाकालुचि झारा म़सेरुचि। आइमित खानानिन खोक्‍को मसिह साकोङ्‌छ़ङ्‌दा त़धान्‍तुम, खोन्‍कि त़सेरुम।