19 ओ य़ङ्चिओ अ़तुक्वाआ यहुदिचि म़लासाफेआन्चिन।
खोन्कि यहुदिचि आप्पिओ अ़चुरादा चाअ़त्लो दुम्छ़न्मा अ़पुक्ता, “ओ म़नाआ देत्नि आन्कान अ़चुपोक चामा प़मा म़ऱ?”
फरिसिचिएदाओ खा-खाक्कोचि म़य़ङा, “मो म़ना निनाम्हाङ्लाम्पा ताओ माआङ, देकिनालो मोसाआ सावातोम्खा-लेन अ़योङुन्योन।” मेन निचि म़य़ङा, “देत्नि हेवामि म़नाआ ओवाको म़दोम्दाओ बुन्चि मुमा ऱचि?” खोन्कि मोचिओ अ़चुरादा म़फेआन्चिन।
मेन सहरादाओ म़नाचि ह्वा रुहुप्दा म़हासान्चिन। देम्पाङ यहुदिचिएह्यात्नि खोन्कि देम्पाङ छाम्माय़ङ्चिएदात्नि म़वाङा।
देकिनालो बुया खानानिन साम्भुङ्दा अ़क्नि त़कोइन्चिन्हिदा आम्नुओ रादा त़हासिन्येन्चिन्नि अ़ङ्का एनुङ्योङ खोन्कि अ़क्चिचित ना अ़ङ्का अ़नुछ्यानि मिन्ङा।
हान्छाङ खानानिन हेन्खामादाओवात्निङा त़मुन्येन, देकिनालो आम्नुओ रादा ऩङ्च़ खोन्कि खिमा युङ्याङ्ओसा दि खानानिन पोक्दाओ माआङ कि? दि खानानिन ओ हेन्खामादाओ म़नाओ अ़च़माथाङ्मावा काच़ मान्लित़दान कि?
