युहन्‍ना 10:16 - बान्‍तावा राई

¹⁶ अ़ङ्‌को नि अ़ङ्‌भेराचि म़युङ्‌याङ। मोचि ओ रुहुप्‌दाओचि माआङ। मोचिछाङ अ़ङ्‌का तात्‍माचिदोत। मोचिआ अ़ङ्‌य़ङ अ़एन, खोन्‍कि मोचि अ़क रुहुप्‌ओ म़लि, खोन्‍कि मोचिओ निम्‍पाङ अ़क्‍छाङा अ़चुकाखाङ्‌पा लि।

युहन्‍ना 10:16 ပူးပေါင်းရင်းမြစ်များ

मत्‍ति 17:5

पत्रुस चेवाङाहिदाङा, छोक्‍छोक्‍छोक्‌वाओ य़वारिआ मोचि भुक्‍तुखात्‍तुचि, खोन्‍कि मो य़वारिदाङ्‌का अ़क्‌तात य़ङ ता, “ओक्‍को सोमातुक्‍तुङ्‌योङ्‌ओ अ़ङ्‌छा ओ, खोक्‍कोएदा च़लोक अ़ङ्‌ऩङानुवायुङ्‌सा। खोक्‍कोसाआ ऩलोन्‌ओ एनानुम!”

लुका 15:8

“माङ्‌लो अ़क्‍छा मेत्‍छामाएदा दस्‌कातात रुपाओ फेक्‌वा युङाङा। खोसाआ अ़क्‌तात मासुनालो दि मोसाआ कुपि लोङ्‌सुकि खिम ब़क्‌याङ्‌सा मो मान्‍धित्‌युक्‍तुतारि नुलोक अ़लामुन कि?

युहन्‍ना 10:11

अ़ङ्‌का अ़नुवाक भेरा काखाङ्‌पा ओ। अ़नुवाक काखाङ्‌पाआ अ़भेराचिओ निम्‍पाङ अ़ह़ङ्‌म़ङ प़।

युहन्‍ना 10:2

मेन लाप्‍तिखोप्‌दाङ्‌का कावाङ भेरा काखाङ्‌पा ओ।

युहन्‍ना 10:27

अ़ङ्‌भेराचिआ अ़ङ्‌य़ङ अ़एन, खोन्‍कि मोचि अ़ङ्‌का सिन्‍तुङ्‌च़ङ, खोन्‍कि मोचिआ अ़ङ्‌का ऩत़ङ्‌ङा।

युहन्‍ना 10:3

लाप्‍तिखोप काहुङ्‍आ भेरा काखाङ्‌पाओ निम्‍पाङ लाप्‍तिखोप होत्‍तु प़, खोन्‍कि भेराचिआ भेरा काखाङ्‌पाओ अ़य़ङ अ़एन, खोन्‍कि खोसाआ अ़भेराचिओ अ़चुऩङ्‌लाम्‍पा बुत्‍तुचि, खोन्‍कि मोचि बुङ्‌खाह्‍यात्‍नि खात्‍तुचि।

युहन्‍ना 10:4

खोन्‍किना खोक्‍कोसाआ झारा अ़भेराचि बुङ्‌खाया लोत्‍तुचि, खोक्‍को मोचिओ अ़चुबुबु कोन, खोन्‍कि भेराचिआ खोक्‍को अ़त़ङ। देकिनालो मोचिआ खोक्‍कोसोओ अ़य़ङ अ़सिन।

युहन्‍ना 10:5

ऩसिन्‍तुन्‌योन्‌ओ म़ना मोचिआ ऩत़ङ्‌तुन, मेन मोएदाङ्‌का म़फुङ। देकिनालो अ़ऩङ्‌वा काताओसोओ अ़य़ङ मोचिआ ऩसिन्‍तुन।”

युहन्‍ना 11:52

येसु यहुदिचिओ निम्‍पाङ ओन्‍ङा स़मादोत्‌ओ माआङ मेन फात्‍ताफेला म़लिसाओ निनाम्‍हाङ्‌ओ अ़चुछाचि अ़क्‍नि मुमाचिओ निम्‍पाङ्‌छाङ स़मादोत्‌ओ।

युहन्‍ना 17:20

अ़ङ्‌का काखेङ्‌चिओ निम्‍पाङ ओन्‍ङा याअ़मात्‍ऩङ, मेन मोचिओ अ़चुनुय़ङ्‌खान्‌लाम्‍पा अ़ङ्‌काएदा साकोङ्‌छ़ङ कामुचिओ निम्‍पाङ्‌छाङ यामात्‍ङा,

युहन्‍ना 6:37

अ़ङ्‌पापाआ ऩपुवाङ्‌ओ झारा अ़ङ्‌काएदा म़ता, खोन्‍कि अ़ङ्‌काएदा काता देत्‍निकिछाङ अ़ङ्‌का अ़लाऩङ्‌च़ऩङ।

छाम्‍माय़ङ 15:14

निनाम्‍हाङ्‌आ बुयाओदु निरावाचि सोमाम़तुक्‍तुचिकि देत्‍नि मोचिएदाओचि खोसोओ निम्‍पाङ म़नाचि म़छेन्‍तुचि, मोसोओ अ़तुक्‌वादा सिमोन्‌आ आन्‍कान खाम़एत्‍तायुङ्‌सा।

छाम्‍माय़ङ 18:10

देकिनालो अ़ङ्‌का खानाएदा याक्‍ङाङा, खोन्‍कि साङ्‌आछाङ खाना ऩझोम्‌कि देत्‍छाङ मुमा ऩऱनान, देकिनालो ओ सहरादा ब़द्‍धे अ़ङ्‌म़नाचि म़युङ्‌याङ।”

छाम्‍माय़ङ 22:14

खोन्‍किना खोसाआ अ़ङ्‌का अ़लोवाङ, ‘खाना आन्‍सुन्‍तुम्‌चिओ अ़चुनिनाम्‍हाङ्‌आ अ़चुमिन्‍मा सिन्‍सि खोन्‍कि साम्‌योक्‍मि येसु खाङ्‌सि खोन्‍कि खोक्‍कोसोओ अ़चुय़ङ एन्‍सि खाना ऩछेन्‍तायुङ्‌सा।

रोमि 11:25

ब़ब़, नाना खोन्‍कि निछाचि ओ, आम्‍नुओ आप्‍पिओ तोक्‍पोदा काले लिमा त़लामिन हे निकिना खानानिन्‌आ ओ अ़कोङ्‌दुम त़तुप्‍तुम्‍नेनि अ़ङ्‌का मिन्‍ङाङा। तामादोत्‌ओ झारा निरावाचि ख्रिस्‍तदा ऩतानिन्‌तारि इस्राएलिचिओ अ़चुसाकोङ्‌वा छाक्‍लो लि।

२ थेसलोनिकि 2:13

हाङ्‌पाआ सोमाऩतुक्‍तिन्‌ओ ब़ब़, नाना खोन्‍कि निछाचि ओ, आम्‍नुओ निकि आन्‍कान्‍का अ़धुन निनाम्‍हाङ आलाङ मान्‍प़माङ अ़ऱन्‍मिन्‍का, देकिनालो बुयादाङ्‌काङा सेङ्‌लावाओ सेङ्‌मा काचिलाम्‍पा खोन्‍कि अ़छ़ङ्‌दाओ साकोङ्‌छ़ङ्‌लाम्‍पा ह़ङ्‌म़ङ प़मा निम्‍पाङ निनाम्‍हाङ्‌आ खानानिन ऩछेन्‍तिन।

हिब्रु 13:20

आन्‍हाङ्‌पा येसु ख्रिस्‍त काखोन्‍लोन निनाम्‍हाङ्‌आ सेवाङ्‌नि ऩमुन्‍ने। येसु तोक्‍पो भेरा काखाङ्‌पावा म़मुयाङ, खोक्‍कोसोओ अ़चुह़लाम्‍पा अ़चुभेराचिएनान अ़धुन्‌ओ य़ङ्‌छ़ङ्‌दा सेप्‍तायुङ्‌सा।

१ पत्रुस 2:10

बुया खानानिन निनाम्‍हाङ्‌ओ अ़चुम़नाचि माआङ्‌ओ, मेन हान खानानिन निनाम्‍हाङ्‌ओ अ़चुम़नाचि ओ। बुया खानानिन्‌आ निनाम्‍हाङ्‌ओ अ़चुसोम्‍तुक्‍मा मान्‍तोक्‍त़दोम, मेन हान खानानिन्‌आ निनाम्‍हाङ्‌ओ अ़चुसोम्‍तुक्‍मा त़तोक्‍तुम्‌युङ्‌सुम।

१ पत्रुस 2:25

देकिनालो खानानिन म़थेमाखाराओ भेराचिवात्‍नि त़मुन्‌येन, मेन हान खानानिन आम्‍नुओ लावाचि काखाङ्‌पा खोन्‍कि कारात्‍पाएदा त़लासिन्‍तान्‌युङ्‌सिन।

१ पत्रुस 5:4

खोन्‍कि मुलो काखाङ्‌पा खाङ्‌म़मुनान्‍चिन्‌हिदा देम्‍खाछाङ अ़युन्‍निन्‍खात्‍निन्‌ओ ऩङ्‌लोङ्‌माओ सिरिफा त़तोक्‍तुम।

खाङ्‌मुमा 3:20

खानुम! अ़ङ्‌का लाप्‍तिखोप्‌दा एप्‍माकि मोउङ। साङ्‌आ अ़ङ्‌य़ङ एनुकि लाप्‍तिखोप अ़होत्‍ङाप़ङानालो अ़ङ्‌का मो हुत्‌दा वाङ्‌ङा खोन्‍कि खोएनान चा चाङा, खोन्‍कि खो अ़ङ्‌काएनान चा।