युहन्‍ना 10:10 - बान्‍तावा राई

¹⁰ काख़ ना ख़सि, सेत्‍सि खोन्‍कि लुक्‍सि ओन्‍ङा ता। मेन अ़ङ्‌का ना भेराचिआ ह़ङ्‌म़ङ अ़तोक्‍ने खोन्‍कि मो ह़ङ्‌म़ङ च़लोक अ़तोक्‍ने निकिना ताङ्‌ओ।

युहन्‍ना 10:10 ပူးပေါင်းရင်းမြစ်များ

मत्‍ति 18:10

चाप्‍चेत्‍तानिन्‍चिन, खानानिन्‌आ ओ अ़चुप्‍पाचिदाङ्‌का अ़क्‍छाछाङ अ़काचि मात्‍द़ङ्‌ओनि मान्‍मित्‌दानुम्‍च़म। देकिनालो अ़ङ्‌का खानानिन लोनानिन, निनाम्‍मादु मोचिओ अ़चुकाफाचि अ़धुन निनाम्‍मादुओ अ़ङ्‌पापाओ अ़चुबुदा म़युङ्‌याङ।

मत्‍ति 18:11

[देकिनालो अ़ङ्‌का म़नाओ अ़छा ना म़माखाराओचि लेइसि ताङ्‌ओ।]

मत्‍ति 20:28

मोवात्‍निङा म़नाओ अ़छाछाङ ब़त्‍लुसि माआङ, मेन ब़त्‍सि, खोन्‍कि ब़द्‍धेकापाङ फोङ्‌माओ अ़लुङ छोन्‍सि निकिना अ़ह़ङ्‌म़ङ प़सि ताओ।”

मत्‍ति 21:13

खोक्‍कोसाआ मोचि म़लोचि, “साम्‍कालिन्‌दा ओवात्‍नि छाप्‍तायुङ्‌सा, ‘अ़ङ्‌खिम यामात्‍खा खिम लि।’ मेन खानानिन्‌आ ना अ़ङ्‌खिम काङाप्‍खात्‌चिओ अ़चुबुक्‍ताङ त़मुम्‌युङ्‌सुम।”

मत्‍ति 23:13

अ़चाअ़त्‍मादा त़छुक्‍तिन खानानिन य़ङ्‌हुप काचिन्‍पाचि खोन्‍कि फरिसिचि ओ! खानानिन कोङ्‌क़त्‌वाचि ओ! देकिनालो खानानिन्‌आ म़नाचिओ अ़चुबुदा निनाम्‍हाङ्‌होन्‌ओ अ़लाप्‍तिखोप त़छेक्‍तुम्‌योम। ना खानानिन त़वाङिन ना वाङ्‌मा कालाम्‌चि वाङ्‌मा त़प़म्‍च़म।

मर्कुस 11:17

खोन्‍किना खोक्‍कोसाआ मोचि चिन्‌याङ्‌सा म़लोचि, “साम्‍कालिन्‌दा ओवात्‍नि छाप्‍तायुङ्‌सा: ‘अ़ङ्‌खिम झारा रावाचिओ निम्‍पाङ अ़चुयामात्‍खा खिम लि।’ मेन खानानिन्‌आ ना ओ काङाप्‍खात्‌चिओ अ़चुबुक्‍ताङ त़मुम्‌युङ्‌सुम।”

लुका 19:10

अ़ङ्‌का म़नाओ अ़छा ना म़माखाराओचि लाम्‍सि खोन्‍कि लेइसि ताङ्‌ओ।”

युहन्‍ना 10:1

“अ़नुछ्‍या, अ़ङ्‌का खानानिन लोनानिन, साङ भेरा युङ्‌खाओ लाप्‍तिखोप्‌दाङ्‌का अ़वाङ्‌निन, मेन नि लाम्‌दाङ्‌का वाङ, मो ना काख़पा खोन्‍कि काङाप्‍खात ओ

युहन्‍ना 10:11

अ़ङ्‌का अ़नुवाक भेरा काखाङ्‌पा ओ। अ़नुवाक काखाङ्‌पाआ अ़भेराचिओ निम्‍पाङ अ़ह़ङ्‌म़ङ प़।

युहन्‍ना 12:47

साङ्‌आ अ़ङ्‌य़ङ एनु, खोन्‍कि मोवात्‍नि अ़च़निन, अ़ङ्‌का मोसोओ अ़छ़ङ अ़छेन्‍ऩङ। देकिनालो अ़ङ्‌का हेन्‍खामाओ अ़छ़ङ छेइसि ताङ्‌ओ माआङ, मेन हेन्‍खामा लेइसि ताङ्‌ओ।

युहन्‍ना 12:6

मेन मोसाआ मान्‍तोक्‍कादाचि मित्‍तुचिकि ओवात्‍नि य़ङाओ माआङ। देकिनालो मो काख़पा ओ, खोन्‍कि फेक्‌वाओ बेखा मोसाआङा युङ्‌सुङु, खोन्‍कि मोदा याआङाओ आप्‍पिओ निम्‍पाङ याङुङु।

युहन्‍ना 3:17

निनाम्‍हाङ्‌आ हेन्‍खामा लाहि पाक्‍माओ निम्‍पाङ अ़चुछा हेन्‍खामादा मान्‌य़अ़दा, मेन हेन्‍खामा खोक्‍कोलाम्‍पा लेन्‍ने निकिना अ़य़सा।

युहन्‍ना 5:40

खोन्‍नुछाङ ह़ङ्‌म़ङ तोक्‍सि अ़ङ्‌काएदा तामा आम्‍नुओ ऩङाछित।

युहन्‍ना 6:33

देकिनालो निनाम्‍हाङ्‌ओ अ़चुपेम्‍पाक मोङा ओ, मो निनाम्‍मादुङ्‌का धा, खोन्‍कि हेन्‍खामादाओ म़नाचि अ़धुन्‌ओ ह़ङ्‌म़ङ प़चि।”

युहन्‍ना 6:51

निनाम्‍मादुङ्‌का धाओ अ़ह़ङ पेम्‍पाक अ़ङ्‌काङा ओ। साङ्‌आ ओ पेम्‍पाक चा, मो अ़धुन्‌तारि ह़ङ। खोन्‍कि खाक्‍को पेम्‍पाक अ़ङ्‌का हेन्‍खामादाओ ह़ङ्‌म़ङ्‌ओ निम्‍पाङ प़ङ, मो अ़ङ्‌पोक ओ।”

रोमि 2:21

ओवात्‍नि निचि त़चिन्‍तुम्‌योम्‍च़म्‌नालो देकि खानानिन आप्‍पि त़चिन्‍तिमिन्‌येन्‍चिन? ख़माओ अ़देङ्‌सालाप्‍पादा खात़लुसिन, मेन दि खानानिन्‌ङा त़ख़सिन?

१ तिमोथि 1:15

ओ य़ङ अ़छ़ङ खोन्‍कि लोक्‍माखान्‍तुओ मुयाङ, हेवामिचि लेइसि येसु ख्रिस्‍त हेन्‍खामादा म़ता। खोन्‍कि मो हेवामिचिदाङ्‌का अ़ङ्‌का मुलो ओ।

हिब्रु 6:17

निनाम्‍हाङ्‌आ म़हिप्‍तुचिओ पाङ्‌यि कातोक्‌चि खोक्‍कोसाआ अ़मुवाओ हिप्‍माय़ङ ऩफान्‍तुन निकिना अ़छ़ङ मुमाओ निम्‍पाङ किरे म़चा।

हिब्रु 7:25

खोन्‌ओसा खोक्‍कोलाम्‍पा निनाम्‍हाङ्‌ओ अ़चुच़क्‌दा काताचि खोक्‍कोसाआ ओन्‍ग़रि खोन्‍कि अ़धुन्‌तारि लेन्‍मा म़ऱचि। देकिनालो मोचिओ अ़चुलिप्‍पादा निनाम्‍हाङ्‌एदा यामात्‍सि खोक्‍को अ़धुन म़ह़ङ्‌युङ।

२ पत्रुस 1:11

खोन्‍नालो खानानिन आन्‍हाङ्‌पा खोन्‍कि कालेन्‍पा येसु ख्रिस्‍तओ अ़धुन्‌ओ अ़चुहाङ्‌होन्‌दा अ़धिवो साऩङ्‌वाएनान वाङ्‌मा त़तोक्‍तुम।