युहन्‍ना 1:42 - बान्‍तावा राई

⁴² खोन्‍किना खोसाआ येसुएदा सिमोन तारु। येसुआ मो अ़खा खोन्‍कि अ़लोवा, “खाना युहन्‍नाओ अ़छा सिमोन ओ, खाना केफास्‌नि लो।” (ओ पत्रुस्‌ङा ओ, मोसोओ अ़तुप्‌य़ङ लुङ्‌छ़ङ ओ)।

युहन्‍ना 1:42 ပူးပေါင်းရင်းမြစ်များ

मत्‍ति 10:2

बारकापाङ छाम्‍माय़ङ्‌चिओ अ़चुऩङ्‌चि ओचिङा ओ, बुया पत्रुस्‌नि लोवाङाओ सिमोन खोन्‍कि खोसोओ अ़निछा अन्‍द्रियास, जब्‍दियाओ अ़छा याकुब खोन्‍कि खोसोओ अ़निछा युहन्‍ना,

मर्कुस 3:16

मो बारकापाङ म़छेन्‍तुचिओ छाम्‍माय़ङ्‌चि ओचिङा ओ, सिमोन खोसोओ अ़ऩङ पत्रुस्‌निछाङ अ़पाक्‍ता,

लुका 5:8

ओ खाकि सिमोन पत्रुस्‌आ येसुओ अ़चुलाङ्‌दा बोम्‍सान्‍चिन्‌कि “हाङ्‌पो! अ़ङ्‌काएदाङ्‌का अ़थाया खारानिन। देकिनालो अ़ङ्‌का हेवामि ओ”नि य़ङा।

लुका 6:14

ओवात्‍नि छेन्‍माय़ङ्‌चि बारकापाङ ओचिङा ओ: येसुआ पत्रुस अ़ऩङ अ़पाक्‍ताओ सिमोन, सिमोन्‌ओ अ़निछा अन्‍द्रियास, याकुब, युहन्‍ना, फिलिप, बारथोलोमाइ,

युहन्‍ना 13:18

अ़ङ्‌का खानानिन झारासोओ आम्‍नुओ तुक्‌वादा य़ङ्‌ङाङाओ माआङ। अ़ङ्‌का साङ छेन्‍तुङ्‌युङ्‌सुङ, मो अ़ङ्‌का सिन्‍तुङ। मेन ‘अ़ङ्‌काएनान अ़क्‍नि पेम्‍पाक काचा अ़ङ्‌देङ्‌सालाप्‍पादा पुवालोन्‍ता’ नि साम्‍कालिन्‌दा छाप्‍ताओ य़ङ तालाने निम्‍पाङ ओवात्‍नि लिसा।

युहन्‍ना 21:2

सिमोन पत्रुस, दिदुमस्‌नि लोवाङाओ थोमा, गालिल्‌दाओ काना सहरादाओ नथानेल, जब्‍दियाओ ह़वाङ अ़छाचि खोन्‍कि खोक्‍कोसोओ अ़चुकाखेङ्‌पाचिएदाङ्‌काओ नि ह़वाङ अ़क्‍नि म़युङाङा।

युहन्‍ना 4:16

येसुआ मो अ़लोवा, “खाराकि आम्‍खिम्‍हाङ्‌पा बुत्‍तुबात्‍तु।”

१ कोरिन्‍थि 1:12

अ़ङ्‌का य़ङ्‌मा लाम्‍ङाङाओ य़ङ ओङा ओ, खानानिन्‌एदा खा-खाक्‍कोसाआ “अ़ङ्‌का पावल्‌ओ ओ”, “अ़ङ्‌का अपोल्‍लोस्‌ओ ओ”, “अ़ङ्‌का केफास्‌ओ ओ” खोन्‍कि “अ़ङ्‌का ख्रिस्‍तओ ओ”नि त़य़ङिन्‌येन्‌नि।

१ कोरिन्‍थि 15:5

खोन्‍कि खोक्‍को केफास्‌एदा, खोन्‍किना झारा बारकापाङ्‌माङ्‌एदा खाङ्‌म़मुसान्‍चिन।

१ कोरिन्‍थि 3:22

पावल्‌ङाने माङ्‌लो अपोल्‍लोस्‌ङाने माङ्‌लो केफास्‌ङाने माङ्‌लो हेन्‍खामाङाने माङ्‌लो ह़ङ्‌म़ङ्‌ङाने माङ्‌लो स़माङाने माङ्‌लो आइमित्‌ओ ग़रिङाने खोन्‍कि माय़ङ्‌ओ ग़रि, झारा य़ङ आम्‍नुओङा ओ,

१ कोरिन्‍थि 9:5

दि नि छाम्‍माय़ङ्‌चिवात्‍नि हाङ्‌पाओ अ़चुनिछाचि खोन्‍कि केफास्‌आवात्‍नि आन्‍काच्‍याछाङ साकोङ्‌छ़ङ कामु खिम्‍हाङ्‌मा तित्‍माकि अ़क्‍नि कोन्‍मा आन्‍चुवाओ पाङ मात्‍द़ङ कि?

गलाति 1:18

खोन्‍किना सुम्‌कादोङ्‌कि केफास तुप्‍सि अ़ङ्‌का यरुसलेम्‌दा खाराङ, खोन्‍कि खोएनान पन्‍द्रकालेन्‌तारि युङाङ।

गलाति 2:11

मेन अ़क लेन केफास एन्‍तिओखियादा ता, खोन्‍कि अ़ङ्‌का खोसोओ अ़बुदाङा रुफोक्‍तुङ, देकिनालो खोसाआ काचि फिसुयुङ्‌सु।

गलाति 2:9

साम्‍भुङ्‌दाओ सायाकातोक खाबोचिनि मित्‍माय़ङ्‌चि याकुब, केफास खोन्‍कि युहन्‍ना, म़मित्‍तुचिकिना मोचिआ अ़ङ्‌का प़माय़ङ अ़च़वाङ काचि अ़सिन्‍ताकि अ़ङ्‌का खोन्‍कि बारनाबास यावायोक्‌ओ चुप्‍ताङ्‌छुक ऩपुवाच्‍या। ओवात्‍नि आन्‍काच्‍या निरावाचिएदा खात्‍मा खोन्‍कि खोचि यहुदिचिएदा खात्‍मा म़काङ्‌सा।