युहन्‍ना 1:41 - बान्‍तावा राई

⁴¹ येसुएनान हासान्‌यान्‍चिन्‌वा खोसाआ बुया अ़बुवा सिमोन तुउ खोन्‍कि खोसाआ लो, “आन्‍कान्‍का ‘मसिह’ धिरुम्‌युङ्‌सुम्‍का।” (“मसिह”ओ अ़तुप्‌य़ङ कालेन्‍पा ख्रिस्‍त ओ)

युहन्‍ना 1:41 ပူးပေါင်းရင်းမြစ်များ

मत्‍ति 1:23

“खानुम, अ़क्‍छा वारिसा मेत्‍छाछा बुक खुन्‍कि मोसाआ अ़क्‍छा दुवाछा-छा तोक्‍तु, खोन्‍कि खोक्‍कोसोओ अ़चुऩङ इम्‍मानुएल पाक्‍तु।” ओसोओ अ़तुप्‌य़ङ, “निनाम्‍हाङ आन्‍कान्‌एनान म़युङ्‌याङ।”

लुका 2:17

भेरा काखाङ्‌चिआ खोचि म़खाचिकि नुनुओ अ़तुक्‌वादा निनाम्‍हाङ काफाआ य़ङाओ य़ङ खाम़एत्‍तुचि।

लुका 2:38

मोन्‍ग़रिङा खोछाङ मोचिएदा बानाकि निनाम्‍हाङ आलाङ प़, खोन्‍कि निनाम्‍हाङ्‌आ यरुसलेम्‌दाओ म़नाचि लेन्‍मा ग़रि काहुङ्‌चि झारा मोक्‍को नुनुओ अ़तुक्‌वादा खाएत्‍तुचि।

युहन्‍ना 1:45

फिलिप्‌आ नथानेल तुउकि लो, “आन्‍कान्‍का अ़क्‍छा म़ना धिरुम्‌युङ्‌सुम्‍का, निनाम्‍हाङ्‌य़ङ खाकालु मोसाआ य़ङ्‌हुप्‌दा खोन्‍कि नि निनाम्‍हाङ्‌य़ङ खाकालुचिआछाङ खोक्‍कोसोओ अ़तुक्‌वादा अ़छाप्‍तायुङ्‌सा। खोक्‍को योसेफ्‌ओ अ़छा नासरत्‌ओ येसु ओ।”

युहन्‍ना 4:25

मो मेत्‍छामाआ खोक्‍को लो, “अ़ङ्‌का सिन्‍तुङ्‌योङ, खाउग़रि मसिह म़तायाङ, मोन्‍ग़रि खोक्‍कोसाआङा आन्‍कान्‍का झारा य़ङ खाऩएत्‍तिन्‍का।” मसिह ख्रिस्‍तनि अ़लो।

छाम्‍माय़ङ 10:38

खोन्‍कि देत्‍नि निनाम्‍हाङ्‌आ सेङ्‌लावा खोन्‍कि सावा नासरत्‌ओ येसु अ़पुवा, खोक्‍कोसोओ अ़तुक्‌वादा खानानिन्‌आ त़सिन्‍तुम्‌योम्‌ङा। खोन्‍किना खोक्‍को अ़नुवाक काचि मुयाङ्‌सा खोन्‍कि सैतानाआ क़म्‍तुङुचिओचि नुयाङ्‌सा झारादात्‍नि म़कोला, देकिनालो निनाम्‍हाङ खोक्‍कोएदा म़याआङा।

छाम्‍माय़ङ 4:27

अ़नुछ्‍याङा खानानिन्‌आ त़छेन्‍तुम्‌ओ म़सेङ्‌याङ्‌ओ आम्‍नुओ हारुक येसुओ अ़चुदेङ्‌सालाप्‍पादा थालि बाङ्‌सि हाङ हेरोद खोन्‍कि पन्‍तियस पिलातस इस्राएलि म़नाचि खोन्‍कि निरावाचिएनान म़तोङाकि ओ सहरादा म़कोवान्‍चिन।

१ युहन्‍ना 1:3

मो आन्‍कान्‍का खाम्‍काओ खोन्‍कि एनुम्‌युङ्‌सुम्‍काओ, आन्‍कान्‍का खानानिन्‌छाङ खाएत्‍निङ्‌नि, खोवात्‍निओसा आन्‍कान्‍काएनान आम्‍नुओ यावायोक लिने। खोन्‍कि आन्‌यावायोक निनाम्‍हाङ पापा खोन्‍कि खोक्‍कोसोओ अ़चुछा येसु ख्रिस्‍तएनान ओ।