युहन्‍ना 1:39 - बान्‍तावा राई

³⁹ खोक्‍कोसाआ मोचि म़लोचि, “बानाचिकि खाचु।” मोचि खाराचि, खोन्‍कि खोक्‍कोसोओ अ़चुयुङ्‌खा अ़खाचु। मोचि मो लेन खोक्‍कोएनान युङाचि, देकिनालो मोन्‍ग़रि आप्‍फात चार साङायुङ्‌सा।

युहन्‍ना 1:39 ပူးပေါင်းရင်းမြစ်များ

लुका 24:29

मेन मोचिआ “आन्‍काच्‍याएनान्‌ङा युङिन्‍ने। देकिनालो अ़नाम्‍प़क लिमा मुवाङ, खोन्‍कि लेन्‌छाङ ओङ्‌मा मुयाङ”निकिना राकाङ्‌थेत्‍नि येसु अ़मुवाचु। खोन्‍किना खोक्‍को मोचिएनान युङ्‌मा निकिना खिम्‍हुत्‌या म़वाङा।

युहन्‍ना 1:38

येसु म़हुसान्‍चिन्‌कि म़चोउचि खोन्‍कि मोचिआ अ़त़ङ्‌ताङाचुओ म़खाचिकि मोचि म़सेनुचि, “खानाचिआ दि त़लाम्‍चुङ्‌चु?” मोचिआ खोक्‍को अ़लासालोवाचु, “रब्‍बि, खानानिन खादा त़युङिन्‌येन?” (“रब्‍बि” ओ अ़तुप्‌य़ङ, “काचिन्‍पा” ओ)।

युहन्‍ना 1:40

युहन्‍नाओ अ़य़ङ काएन खोन्‍कि येसु कात़ङ मो ह़वाङ्‌एदाओ अ़क्‍छा सिमोन पत्रुस्‌ओ अ़निछा अन्‍द्रियास याआङा।

युहन्‍ना 1:46

नथानेल्‌आ मो सेनु, “दि नासरत्‌दाङ्‌का अ़नुवाक य़ङ तामा ऱ कि?” फिलिप्‌आ मो लासुलो, “बानाकि खा।”

युहन्‍ना 4:40

खोन्‌ओसा मोन्‍ग़रि सामरिचि खोक्‍कोएदा म़ता, खोन्‍कि मोचिआ खोक्‍को मोचिएनान “युङिन्‍ने”नि अ़लोवा, खोन्‍कि खोक्‍को ह्‍वा लेन मोदा म़युङा।

युहन्‍ना 6:37

अ़ङ्‌पापाआ ऩपुवाङ्‌ओ झारा अ़ङ्‌काएदा म़ता, खोन्‍कि अ़ङ्‌काएदा काता देत्‍निकिछाङ अ़ङ्‌का अ़लाऩङ्‌च़ऩङ।

खाङ्‌मुमा 3:20

खानुम! अ़ङ्‌का लाप्‍तिखोप्‌दा एप्‍माकि मोउङ। साङ्‌आ अ़ङ्‌य़ङ एनुकि लाप्‍तिखोप अ़होत्‍ङाप़ङानालो अ़ङ्‌का मो हुत्‌दा वाङ्‌ङा खोन्‍कि खोएनान चा चाङा, खोन्‍कि खो अ़ङ्‌काएनान चा।