युहन्‍ना 1:3 - बान्‍तावा राई

³ झारा सामा खोक्‍कोसाआ अ़मुया, खोन्‍कि मुयाओ खाक्‍कोछाङ सामा खोक्‍को मात्‍द़ङ मान्‍मुन।

युहन्‍ना 1:3 ပူးပေါင်းရင်းမြစ်များ

युहन्‍ना 1:10

मो य़ङ हेन्‍खामादा म़युङाङा, खोन्‍कि मो हेन्‍खामा खोक्‍कोसाआङा अ़मुया। खोन्‍नुछाङ हेन्‍खामादाओ म़नाचिआ खोक्‍को मान्‍सिन्‌अ़दा।

युहन्‍ना 1:2

खोक्‍को अ़पुङ्‌चिपुक्‌दा निनाम्‍हाङ्‌एनान म़युङाङा।

१ कोरिन्‍थि 8:6

मेन आन्‍को निम्‍पाङ अ़क्‍छा ओन्‍ङा निनाम्‍हाङ पापा म़युङ्‌याङ। खोक्‍कोङा झारासोओ कामुन्‍पा म़युङ्‌याङ खोन्‍कि खोक्‍कोसोओ निम्‍पाङ आन्‍कान ह़ङिन। अ़क्‍छा ओन्‍ङा आन्‍हाङ्‌पा, येसु ख्रिस्‍त म़युङ्‌याङ। खोक्‍कोलाम्‍पाङा झारा य़ङ्‌चि अ़मुया खोन्‍कि खोक्‍कोलाम्‍पाङा आन्‍कान ह़ङिन।

एफिसि 3:9

झारा य़ङ्‌चि कामुन्‍पा निनाम्‍हाङ्‌एदा जुगा-जुगायुङ्‌का कुम्‍माय़ङ अ़कोङ्‌दुम्‌ओ अ़मित्‍चिऩङ दि ओ, मो झारा म़नाचि खाएत्‍माओ सोमातुक्‍मा अ़ङ्‌का ऩपुवाङ।

हिब्रु 11:3

साकोङ्‌छ़ङ्‌लाम्‍पा आन्‍कान तुप्‍तुम झारा हेन्‍खामा निनाम्‍हाङ्‌ओ अ़चुय़ङ्‌लाम्‍पा मुया। खोन्‍कि ओ म़दात्‌याङ्‌ओचि अ़दात्‍निनिन्‌ओ य़ङ्‌दाङ्‌का मुया।

१ युहन्‍ना 5:1

येसुङा ख्रिस्‍त म़युङ्‌याङ निकिना साकोङ्‌छ़ङ कामु झारा निनाम्‍हाङ्‌ओ अ़चुछा ओ। साङ्‌आ निनाम्‍हाङ पापा सोमातुक्‍तु, मोसाआ अ़चुछाछाङ सोमातुक्‍तु।

खाङ्‌मुमा 3:14

लाउदिकियादाओ साम्‍भुङ्‌ओ निनाम्‍हाङ काफा खाना ओ य़ङ छाप्‍तु। ओ य़ङ्‌खान आमेन निओदाङ्‌का ओ, साङ सोम्‍कुवा मुमा खान्‍तुओ अ़छ़ङ सालुम्‍स़ङ काप़पा खोन्‍कि निनाम्‍हाङ्‌ओ अ़चुमुन्‍माय़ङ्‌चिदाओ हाङ्‌काचि कामुदाङ्‌का ओ।

खाङ्‌मुमा 4:11

“आन्‍काओ हाङ्‌पा खोन्‍कि निनाम्‍हाङ, खानानिन ऩङ्‌लोङ्‌मा, साया खोन्‍कि सावा लोक्‍मा त़खान्‍तिन्‌ओ त़मुन्‌येन, देकिनालो खानानिन्‌आङा झारा सामाचि त़मुयुम्‍च़मओ, खोन्‍कि आम्‍नुओ मिन्‍मावा मोचि म़लिसाओ खोन्‍कि म़मुयाओ।”