युहन्‍ना 1:26 - बान्‍तावा राई

²⁶ युहन्‍नाआ मोचि लासुलोचि, “अ़ङ्‌का ना चाक्‌वाआ बप्‍तिस्‍मा प़नानिन, मेन आम्‍नुओ रादा अ़क्‍छा म़युङ्‌याङ, खोक्‍को खानानिन्‌आ त़सिन्‍तिमिन्‌येन।

युहन्‍ना 1:26 ပူးပေါင်းရင်းမြစ်များ

मत्‍ति 3:11

अ़ङ्‌का ना खानानिन आम्‍नुओ हेवादाङ्‌का त़लासिन्‌ओ बुन्‌ओ निम्‍पाङ चाक्‌वाआ बप्‍तिस्‍मा प़नानिन, मेन अ़ङ्‌कादाङ्‌का आदेङ काता अ़ङ्‌कादाङ्‌का च़लोक सावापोरिओ म़मुयाङ, खोक्‍कोसोओ अ़चुफेङ्‌ता खुन्‍माछाङ अ़ङ्‌का अ़खान्‍ऩङ। खोक्‍कोसाआ खानानिन सेङ्‌लावाआ खोन्‍कि मिआ बप्‍तिस्‍मा ऩप़न।

मत्‍ति 3:6

खोन्‍कि “आन्‍कान्‍का हेवा मुन्‌युङ्‌सिन्‍का”नि य़ङ्‌सा खोलाम्‍पा यर्दन याङ्‌वामादा मोचि बप्‍तिस्‍मा म़लोआ।

मर्कुस 1:8

अ़ङ्‌का खानानिन चाक्‌वाआ बप्‍तिस्‍मा प़नानिन, मेन खोक्‍कोसाआ खानानिन सेङ्‌लावाआ बप्‍तिस्‍मा ऩप़न।”

लुका 3:16

खोवात्‍निओसा युहन्‍नाआ झारा लासुलोचि, “अ़ङ्‌का ना खानानिन चाक्‌वाआ बप्‍तिस्‍मा प़नानिन, मेन अ़क्‍छा अ़ङ्‌कादाङ्‌का च़लोक सावापोरिओ म़मुयाङ। अ़ङ्‌का ना खोक्‍कोसोओ अ़चुफेङ्‌ताओ अ़छुम्‍खाचि हुत्‍माछाङ अ़ङ्‌का अ़खान्‍ऩङ। खोक्‍कोसाआ खानानिन सेङ्‌लावाआ खोन्‍कि मिआ बप्‍तिस्‍मा ऩप़न।

युहन्‍ना 16:3

खोन्‍कि मोचिआ ओ काचिचि म़मुचि, देकिनालो मोचिआ अ़ङ्‌पापा मान्‍सिन्‌अ़युक, ना अ़ङ्‌काङा ऩसिन्‍ताङ्‌युङ्‌साङ।

युहन्‍ना 17:25

साम्‌योक्‍मि आपो, हेन्‍खामादाओ म़नाचिआ खानानिन ऩसिन्‍तिमिन, मेन अ़ङ्‌का खानानिन सिन्‍नानिन, खोन्‍कि खानानिन्‌आ अ़ङ्‌का त़छुत्‍निओ ओ काखेङ्‌पाचिआ अ़सिन।

युहन्‍ना 17:3

खानानिन अ़क्‍छा ओन्‍ङा ओ अ़नुछ्‍याओ निनाम्‍हाङ त़युङिन्‌येन, खोन्‍कि खानानिन्‌आ येसु ख्रिस्‍त त़छुत्‍तुम। खानानिन खोन्‍कि खो सिन्‍मालाम्‍पा अ़लुक्‍निन्‌ओ ह़ङ्‌म़ङ अ़तोक।

युहन्‍ना 8:19

मोचिआ खोक्‍को अ़सेना, “आम्‍पा खादा युङ्‌याङ?” येसुआ म़लोचि, “खानानिन्‌आ ना अ़ङ्‌का त़सिन्‍ङाऩङ ना अ़ङ्‌पापा त़सिन्‍तुम। खानानिन्‌आ त़सिन्‍ताङ्‌ऩङ्‌ओदे अ़ङ्‌पापाछाङ त़सिन्‍तुम्‌ओ।”

छाम्‍माय़ङ 1:5

देकिनालो युहन्‍नाआ ना चाक्‌वाआ ओन्‍ङा म़नाचि बप्‍तिस्‍मा प़चि, मेन अ़क्‍चित्‌का लेन्‌कि निनाम्‍हाङ्‌आ खानानिन सेङ्‌लावाआ बप्‍तिस्‍मा ऩप़न।”

छाम्‍माय़ङ 11:16

खोन्‍किना हाङ्‌पा म़य़ङाओ य़ङ अ़ङ्‌का मित्‍तुङ, ‘युहन्‍नाआ ना चाक्‌वाआ बप्‍तिस्‍मा प़चि, मेन अ़ङ्‌का खानानिन सेङ्‌लावाआ बप्‍तिस्‍मा प़नानिन।’

छाम्‍माय़ङ 19:4

खोन्‍कि पावल्‌आ, “युहन्‍नाआ प़चिओ अ़बप्‍तिस्‍मा हेवादाङ्‌का लामाओ बप्‍तिस्‍मा ओ। खोसाआ ‘अ़ङ्‌काएदाङ्‌का आदेङ साङ म़तायाङ्‌ओ, खो साकोङ्‌छ़ङ मुवानुम, खोक्‍कोङा येसु ओ’नि म़नाचि लोचि।”

१ युहन्‍ना 3:1

खानुम, निनाम्‍हाङ पापाआ आन्‍कान देम ब़द्‍धे सोमाम़तुक्‍तायुङ्‌सा! खोन्‌ओसा आन्‍कान निनाम्‍हाङ्‌ओ अ़चुछाचिनि लोमादोत, खोन्‍कि अ़नुछ्‍याछाङ ओ। हेन्‍खामादाओ म़नाचिआ आन्‍कान मान्‍सिन्‍दामाङा मोचिआ निनाम्‍हाङ मान्‍सिन्‍दामा ओ।