युहन्‍ना 1:19 - बान्‍तावा राई

¹⁹ यरुसलेम्‌दाङ्‌का यहुदि बुसुवाचिआ काब़क्‍पाचि खोन्‍कि लेबिचि खोएदा “खाना साङ ओ?”निओ य़ङ सेइसि म़नाचि म़छुत्‍तुचि, खोन्‍कि युहन्‍नाआ नुलोक अ़साम्‍लुम्‍स़ङ प़चि।

युहन्‍ना 1:19 ပူးပေါင်းရင်းမြစ်များ

युहन्‍ना 1:7

खोक्‍कोलाम्‍पा झारासाआ साकोङ्‌छ़ङ म़मुने निम्‍पाङ मो साम्‌ओ अ़तुक्‌वादा सालुम्‍स़ङ म़लिसाकि खालुसि खोक्‍को म़ता।

युहन्‍ना 10:24

यहुदिचि खोक्‍कोसोओ अ़चुऱङ्‌कोप्‍नि म़कोवान्‍चिन्‌कि अ़सेना, “देम्‍खातारि खानानिन्‌आ आन्‍कान्‍का हाक्‍हाक्‍किरा त़मुनि ओ? खानानिन ख्रिस्‍त ओनालो आन्‍कान्‍का नुलोक खाएत्‍नि।”

युहन्‍ना 10:31

यहुदिचिआ खोक्‍को वेन्‍मासेत्‍मा निम्‍पाङ लुङ्‌चि अ़लासा कुआ।

युहन्‍ना 11:19

ब़द्‍धे यहुदिचि मार्था खोन्‍कि मरियम्‌एदा मोचिओ अ़चुनिछाओ अ़तुक्‌वादा राक प़सि म़तायुङ्‌सा।

युहन्‍ना 2:18

यहुदिचिओ अ़चुबुसुवाचिआ खोक्‍को अ़सेना, “खाना ओ काचिचि त़मुचि, ओ काचि मुमाओ पाङ खानाएदा युङ्‌याङ्‍ओनालो आन्‍कान्‍का बुन खाङ्‌मेत्‍नि।”

युहन्‍ना 2:20

खोन्‍कि यहुदिचिआ अ़लोवा, “ओ निनाम्‍हाङ ब़क्‍खाखिम मुमाओ निम्‍पाङ छयालिस्‌कादोङ वाङा, खोन्‍कि दि खानानिन ओ सुम्‌कालेन्‌दा मुमाचिन्‍मा त़ऱम कि?”

युहन्‍ना 5:10

खोन्‌ओसा नुसाओ मो म़ना यहुदि बुसुवाचिआ अ़लोवा, “आय़ सावातोम्‍खा-लेन ओ, खाना आम्‌इम्‍खा खुन्‍मा य़ङ्‌हुप्‌आ त़प़नान।”

युहन्‍ना 5:15

खो कानु ना येसुओ निकिना मो म़ना खाराकि यहुदि बुसुवाचि खाएत्‍तुचि।

युहन्‍ना 5:16

खोन्‌ओसा यहुदिचिआ येसु ल़क्‍मा अ़पुक्‍ता, देकिनालो खोक्‍कोसाआ ओ काचि सावातोम्‍खा-लेन्‌दा अ़मुवायुङ्‌सा।

युहन्‍ना 5:18

खोन्‌ओसा यहुदि बुसुवाचिआ येसु च़लोक सेत्‍मा अ़लाप्‍ता, देकिनालो खोक्‍कोसाआ सावातोम्‍खा-लेन काक्‍मा काचि ओन्‍ङा माआङ, मेन आप्‍पि निनाम्‍हाङ्‌एनान अ़क्‍निओ मुवान्‍चिन्‌कि खोक्‍कोसाआ निनाम्‍हाङ अ़ङ्‌पापानि म़य़ङा।

युहन्‍ना 6:41

यहुदिचि खोक्‍कोसोओ अ़चुदेङ्‌सालाप्‍पादा छुऩङ्‌वा मुमा अ़पुङ्‌सा, देकिनालो खोक्‍को म़य़ङा, “निनाम्‍मादुङ्‌का धाओ पेम्‍पाक अ़ङ्‌काङा ओ।”

युहन्‍ना 6:52

खोन्‍कि यहुदिचि आप्‍पिओ अ़चुरादा चाअ़त्‍लो दुम्‍छ़न्‍मा अ़पुक्‍ता, “ओ म़नाआ देत्‍नि आन्‍कान अ़चुपोक चामा प़मा म़ऱ?”

युहन्‍ना 7:1

खोन्‍किना येसु गालिल्‌दाङा म़कोला, मेन खोक्‍को यहुदियादा खात्‍मा मान्‍स़चि, देकिनालो यहुदि बुसुवाचिआ खोक्‍को सेत्‍मा निकिना अ़वाखाम अ़लाप्‍ताङा।

युहन्‍ना 7:11

चानुचादा यहुदि बुसुवाचिआ खोक्‍को अ़लामाङा, “खोक्‍को खादा युङ्‌याङ?”निकिना अ़सेनाङा।

युहन्‍ना 7:15

यहुदि बुसुवाचि दोम्‍तुदोचि खोन्‍कि म़य़ङा, “देम्‍खाछाङ मान्‍खिप्‌ओ ओ म़ना देत्‍नि काले लिसा?”

युहन्‍ना 8:22

खोन्‍किना यहुदिचि म़य़ङा, “ओ ना आप्‍पि सेत्‍नान्‍चिन हे देत्‍नि? देकिनालो ओसाआ ‘खादा अ़ङ्‌का खात्‍ङाङा खानानिन तामा त़ऱन्‍मिन’नि य़ङ्‌याङ।”

युहन्‍ना 8:48

यहुदिचिआ खोक्‍को अ़लासालोवा, “खाना सामरि ओ, खोन्‍कि खाना चाकावालावाआ त़लावायुङ्‌सा निकिना आन्‍कान्‍का य़ङिन्‍काओ ना अ़नुछ्‍याङा ओ!”

युहन्‍ना 8:52

यहुदिचिआ खोक्‍को अ़लोवा, “हान आन्‍कान्‍का नुछ्‍या सिन्‍तुम्‍का, खाना चाकावालावाआ त़लावाओङा ओ। अब्राहाम सुवादा, निनाम्‍हाङ्‌य़ङ खाकालुचिछाङ म़सुवादा, मेन खाना त़य़ङ्‌याङ, ‘साङ अ़ङ्‌य़ङ्‌वा च़नालो मो देम्‍खाछाङ अ़स़निन्‍दानिन।’

युहन्‍ना 8:57

खोन्‍किना यहुदिचिआ खोक्‍को अ़लोवा, “खाना पचास्‌कादोङ्‌छाङ मान्‍बात्‍त़युक, दि खाना अब्राहाम त़खा कि?”

छाम्‍माय़ङ 13:25

युहन्‍नाआ अ़काचि चिन्‍मा मुङुहिदा खोसाआ सेनुचि, ‘खानानिन अ़ङ्‌का साङ्‌नि त़मित्‍ङाङाऩङ? अ़ङ्‌का ना मसिह माआङ! मेन एनानुम, अ़ङ्‌देङ्‌दा अ़क्‍छा म़तायाङ, खोक्‍कोसोओ अ़चुलाङ्‌दाओ फेङ्‌ता हुत्‍माछाङ अ़ङ्‌का अ़खान्‍ऩङ।’

छाम्‍माय़ङ 19:4

खोन्‍कि पावल्‌आ, “युहन्‍नाआ प़चिओ अ़बप्‍तिस्‍मा हेवादाङ्‌का लामाओ बप्‍तिस्‍मा ओ। खोसाआ ‘अ़ङ्‌काएदाङ्‌का आदेङ साङ म़तायाङ्‌ओ, खो साकोङ्‌छ़ङ मुवानुम, खोक्‍कोङा येसु ओ’नि म़नाचि लोचि।”

१ युहन्‍ना 1:5

आन्‍कान्‍का निनाम्‍हाङ्‌ओ अ़चुछाएदाङ्‌का एनुम्‍काओ य़ङ्‌खान ओङा ओ, खोन्‍कि आन्‍कान्‍का खानानिन खाएत्‍निङ्‌नि, मेन निनाम्‍हाङ साम म़युङ्‌याङ खोन्‍कि खोक्‍कोएदा कुन्‌यामा मात्‍माइमात्‍द़ङ।