युहन्‍ना 1:10 - बान्‍तावा राई

¹⁰ मो य़ङ हेन्‍खामादा म़युङाङा, खोन्‍कि मो हेन्‍खामा खोक्‍कोसाआङा अ़मुया। खोन्‍नुछाङ हेन्‍खामादाओ म़नाचिआ खोक्‍को मान्‍सिन्‌अ़दा।

युहन्‍ना 1:10 ပူးပေါင်းရင်းမြစ်များ

मत्‍ति 11:27

खोन्‍किना येसु म़य़ङा, “अ़ङ्‌पापाआ झारा सामाचिएदा पाङ्‌मुमा सावा अ़ङ्‌का ऩपुवाङ्‌युङ्‌साङ। निनाम्‍हाङ्‌ओ अ़चुछा साङ निकि अ़ङ्‌पापाएदाङ्‌का साङ्‌आछाङ अ़सिन्‍तुन। अ़ङ्‌पापा साङ निकिना अ़ङ्‌काएदाङ्‌का साङ्‌आछाङ अ़सिन्‍तुन। खोन्‍कि अ़ङ्‌का साङ्‌एदा खाङ मुमानि मिन्‍ङा, मोएदाङ्‌का नि साङ्‌आछाङ अ़ङ्‌पापा साङ निकिना अ़सिन्‍तुन।

युहन्‍ना 1:11

खोक्‍को आप्‍पिओ अ़चुम़नाचिएदा म़ता, मेन खोक्‍कोसोओ अ़चुओ म़नाचिआङा खोक्‍को मान्‍लोक्‌अ़दा।

युहन्‍ना 1:18

निनाम्‍हाङ साङ्‌आछाङ देम्‍खाछाङ मान्‍खाङ्‌युक्‍तु। पापा निनाम्‍हाङ्‌ओ अ़चुकोङ्‌कोम च़क्‌दा कायुङ अ़क्‍छा ओन्‍ङाओ अ़चुछाआ निनाम्‍हाङ नुलोक खाङ्‌अ़मुसायुङ्‌सा।

युहन्‍ना 1:3

झारा सामा खोक्‍कोसाआ अ़मुया, खोन्‍कि मुयाओ खाक्‍कोछाङ सामा खोक्‍को मात्‍द़ङ मान्‍मुन।

युहन्‍ना 1:5

मो साम कुइयामादा लेत, खोन्‍कि कुइयामा मोएदा मान्‍छोयुक।

युहन्‍ना 17:25

साम्‌योक्‍मि आपो, हेन्‍खामादाओ म़नाचिआ खानानिन ऩसिन्‍तिमिन, मेन अ़ङ्‌का खानानिन सिन्‍नानिन, खोन्‍कि खानानिन्‌आ अ़ङ्‌का त़छुत्‍निओ ओ काखेङ्‌पाचिआ अ़सिन।

युहन्‍ना 5:17

खोन्‍कि येसुआ मोचि म़लासुलोचि, “अ़ङ्‌पापा ओन्‍ग़रितारि काचि म़मुयाङ, खोन्‍कि अ़ङ्‌काछाङ काचि मुङाङा।”

छाम्‍माय़ङ 14:17

खोन्‍नुछाङ खोसाआ खोक्‍को देम सोमाकातुक म़युङ्‌याङ निकिना म़नाचि खाङ्‌म़मेत्‍तुयुङ्‌सुचि। खोक्‍कोसाआ खानानिन निनाम्‍मादुङ्‌का वा खोन्‍कि अ़नुवाक चा खोन्‍कि चामायु ऩप़न्‌कि ऩङानुमाआ आम्‍नुओ साकोङ्‌वा कोङ्‌हाक्‍नि ऩमेत्‍तिन्‍प़न।”

१ कोरिन्‍थि 1:21

हेन्‍खामादाओ म़नाचिआ आप्‍पि अ़चुतायाआ निनाम्‍हाङ सिन्‍मा मान्‍ऱअ़दाओसाआ निनाम्‍हाङ्‌ओ अ़चुतायालाम्‍पा आन्‍कान्‍का खालुसुम्‍काओ नुय़ङ्‌खान्‌ओ खामान्‍सिन्‌लाम्‍पा साकोङ्‌छ़ङ कामुचि लेन्‍मा निनाम्‍हाङ्‌आ अ़छ़ङ अ़मुवा।

१ कोरिन्‍थि 2:8

ओ जुगादाओ हाङ्‌काचि कामुचि साङ्‌आछाङ ओ य़ङ मान्‍तुप्‌अ़दा। अ़तुप्‍ताओदे मोचिआ ऩङ्‌लोङ्‌मा खान्‍तुओ हाङ्‌पा क्रुस्‌दा मान्‍ख़न्‌अ़दाओ।

१ कोरिन्‍थि 8:6

मेन आन्‍को निम्‍पाङ अ़क्‍छा ओन्‍ङा निनाम्‍हाङ पापा म़युङ्‌याङ। खोक्‍कोङा झारासोओ कामुन्‍पा म़युङ्‌याङ खोन्‍कि खोक्‍कोसोओ निम्‍पाङ आन्‍कान ह़ङिन। अ़क्‍छा ओन्‍ङा आन्‍हाङ्‌पा, येसु ख्रिस्‍त म़युङ्‌याङ। खोक्‍कोलाम्‍पाङा झारा य़ङ्‌चि अ़मुया खोन्‍कि खोक्‍कोलाम्‍पाङा आन्‍कान ह़ङिन।

कलस्‍सि 1:16

देकिनालो निनाम्‍मादुओ खोन्‍कि हेन्‍खामादाओ, म़दात्‌याङ्‌ओ खोन्‍कि ऩदात्‍निनिन्‌ओ झारा सामाचि खोक्‍कोलाम्‍पाङा म़मुयाओ। लावामि सावाचि, हाङ्‌युङ्‌मिताङ्‌चि, हाङ्‌काचि कामुचि, खोन्‍कि पाङ्‌चि, ओ झारा य़ङ्‌चि खोक्‍कोलाम्‍पा खोन्‍कि खोसोओ निम्‍पाङ अ़मुयाओ।

हिब्रु 11:3

साकोङ्‌छ़ङ्‌लाम्‍पा आन्‍कान तुप्‍तुम झारा हेन्‍खामा निनाम्‍हाङ्‌ओ अ़चुय़ङ्‌लाम्‍पा मुया। खोन्‍कि ओ म़दात्‌याङ्‌ओचि अ़दात्‍निनिन्‌ओ य़ङ्‌दाङ्‌का मुया।

१ युहन्‍ना 3:1

खानुम, निनाम्‍हाङ पापाआ आन्‍कान देम ब़द्‍धे सोमाम़तुक्‍तायुङ्‌सा! खोन्‌ओसा आन्‍कान निनाम्‍हाङ्‌ओ अ़चुछाचिनि लोमादोत, खोन्‍कि अ़नुछ्‍याछाङ ओ। हेन्‍खामादाओ म़नाचिआ आन्‍कान मान्‍सिन्‍दामाङा मोचिआ निनाम्‍हाङ मान्‍सिन्‍दामा ओ।