याकुब 5:3 - बान्‍तावा राई

³ आम्‍नुओ रुपा खोन्‍कि हाराक्‌वाचिदा अ़ख़आ एत्‍तुयुङ्‌सु। मो अ़ख़ आम्‍नुओ देङ्‌सालाप्‍पादा सालुम्‍स़ङ लि, खोन्‍कि मिआवात्‍नि आम्‍नुओ याम चा। खानानिन्‌आ आदेङ्‌ओ लेन्‍चिदा चासुम्‍छेन्‍बि त़कोउम्‌युङ्‌सुम।

याकुब 5:3 ပူးပေါင်းရင်းမြစ်များ

छाम्‍माय़ङ 2:17

‘निनाम्‍हाङ म़य़ङ्‌याङ, आदेङ्‌ओ लेन्‍चिदा, झारा म़नाचि अ़ङ्‌का अ़ङ्‌लावा पाक्‍तुङ्‌प़ङ्‌च़ङ। खोन्‍कि आम्‍नुओ दुवाछा छाचिकि मेत्‍छाछा छाचि निनाम्‍हाङ्‌य़ङ म़चेप, खोन्‍कि आम्‍नुओ थाङाछाचिआ सेन्‍चिचि म़खाचि, खोन्‍कि आम्‍नुओ खोक्‍पा म़नाचिआ सेन्‍माङ्‌चि म़खाचि।

रोमि 2:5

मेन खानानिन ऱक्‍भाक त़मुन्‌येन खोन्‍कि फान्‍मान्‍चिन त़छुन्‍तिन। खोन्‌ओसा निनाम्‍हाङ्‌आ अ़चुओ माइसुङ खाङ्‌अ़मुओ लेन्‌दा खोक्‍कोसाआ खानानिन अ़न्‍नुनु चाअ़त्‍लो दन्‍दा ऩप़न। मो लेन झारासाआ निनाम्‍हाङ्‌ओ अ़चुछ़ङ्‌छेन्‍मा नुलोक अ़खाङ।

२ तिमोथि 2:17

मोचिओ अ़चुचिन्‍माय़ङ क़सावाङ्‌खात्‌ओ खोवावात्‍नि फे। मोचिएदाओ हुमेनियस खोन्‍कि फिलेतस ओ।

२ पत्रुस 3:3

झारादाङ्‌का बुया खानानिन्‌आ ओ तुप्‍माङादोत, आदेङ्‌ओ लेन कासुङ्‌चि सुङ्‌याङ्‌सा मोचिओ अ़चुअ़त्‍लो मित्‍मादा म़ता।

खाङ्‌मुमा 17:16

खाना त़खाचिओ मो दस्‌कातात खुक्‍खाचि खोन्‍कि मो साक्‍स़ङ्‌आ मो काचान्‍चामा ऩङाछिरु। मोचिआ मोएदा युङ्‌याङ्‌ओ झारा अ़ङाप्‍खात खोन्‍कि अ़दाप्‍म़ङ कालाङ्‌द़क अ़मु। मोचिआ मोसोओ अ़सा अ़चा खोन्‍कि मो मिआ अ़ह़त्‍खान।

खाङ्‌मुमा 20:15

साङ्‌कोओ अ़ऩङ ह़ङ्‌म़ङ्‌ओ छाप्‍लाखादा मान्‍छाप्‌याङ, मो लेराङाओ मिराक्‌दा वेइसादिसा।

खाङ्‌मुमा 21:8

मेन अ़चुक़मा काकात्‌चि, साकोङ्‌छ़ङ मान्‍मुकादाचि, चिप्‍माकात्‍तुओचि, म़ना कासेत्‌चि, पोप्‍कामुचि, म़क्‍फेङ कामुचि, सेम्‍पोक काब़क्‌चि खोन्‍कि म़ना काम़प्‌चि झारा मो म़नाचिओ अ़चुपाङ्‌यि लेत्‌याङ्‌ओ गन्‍दक्‌ओ मिराक्‌दा लि। ओ ह्‍वादुओदु स़मा ओ।”