याकुब 5:13 - बान्‍तावा राई

¹³ खानानिन्‌एदा साङ दुखा तोक्‌याङ? खो यामात्‍ने। साङ्‌को अ़ऩङानुयाङ? खोसाआ निनाम्‍हाङ चोन्‍मा साम्‍ऱङ लुने।

याकुब 5:13 ပူးပေါင်းရင်းမြစ်များ

मत्‍ति 26:30

खोन्‍किना खोचिआ अ़क्‌तात साम्‍ऱङ अ़लुवाकि जैतुन भ़ऱदुत्‍नि म़खारा।

लुका 22:44

खोन्‍कि अ़न्‍नुनु चाअ़त्‍लो अ़चुमिन्‍मा तुआकि येसु अ़क्‍चित क़न्‍नान्‍चिन्‍सा याम़मारा। खोक्‍कोसोओ अ़चुहाक्‍नुङ्‌वा ह़ओ अ़चोक्‌वात्‍नि लिसाकि बाखादा चोक्‍ताङा।

लुका 23:42

खोन्‍किना मोसाआ येसु लो, “येसु, खानानिन हाङ त़लिसिन्‌कि त़य़न्‌हिदा अ़ङ्‌काछाङ मित्‍नि।”

१ कोरिन्‍थि 14:15

खोन्‍नालो अ़ङ्‌का दे च़मा म़ल़क? अ़ङ्‌का अ़ङ्‌लावाआ यामात्‍ङा, खोन्‍कि अ़ङ्‌खारुआछाङ यामात्‍ङा। अ़ङ्‌लावाआ छाम्‍लु, खोन्‍कि अ़ङ्‌खारुआछाङ छाम्‍लु।

१ कोरिन्‍थि 14:26

खोन्‍नालो ब़ब़, नाना खोन्‍कि निछाचि ओ, आन्‍कान्‍का दे य़ङिन्‍का? खानानिन अ़क्‍नि त़कोविन्‍चिन्‌हिदा झाराकापाङ्‌एनान साम्‍ऱङ लुमा, चिन्‍मा, कोङ्‌दुम खालुमा, निय़ङ चेप्‍मा खोन्‍कि य़ङ्‌फान्‍मा लावामि सावा याक। ओ झारा य़ङ्‌चि साम्‍भुङ पोन्‍माओ निम्‍पाङ म़मुने।

एफिसि 5:19

अ़क्‍छा निएदा चोन्‍मा छाम, साम्‍ऱङ, खोन्‍कि लावामि छाम लुवानिन। खोन्‍कि आम्‍नुओ झारा साकोङ्‌वाचिआ हाङ्‌पाओ अ़चुसाम्‍ऱङ लुयाङ्‌सा चोन्‍तानुम।

हिब्रु 5:7

येसु अ़चुपोक्‌दा म़युङाङाहिदा खोक्‍को स़मादाङ्‌का साङ्‌आ लेन्‍मा अ़ऱ, खोक्‍कोएदा अ़न्‍नुनु पात्‌याङ्‌सा खोन्‍कि अ़चुम़क्‌वाएनान याम़मारा। खोन्‍किना खोक्‍कोसाआ सिम्‍नान्‍चिन्‍सा निनाम्‍हाङ साया अ़मेत्‍ताओसाआ अ़चुयामात्‍मा अ़एना।

याकुब 5:10

ब़ब़, नाना खोन्‍कि निछाचि ओ, दुखा आङ्‌मा खोन्‍कि हुङ्‌माओ अ़मात्‍ऩङ्‌ओ निकिना हाङ्‌पाओ अ़चुऩङ्‌दा निनाम्‍हाङ्‌य़ङ खाकालुचि मित्‍तानुम्‍च़म।

खाङ्‌मुमा 14:3

हाङ्‌युङ्‌खाओ खोन्‍कि चारकातात अ़ह़ङ साक्‍स़ङ्‌चिओ, खोन्‍कि साम्‌योक ताङ्‌पाचिओ अ़चुबुदा मोचिआ अ़क्‌तात अ़ऩङ्‌वा छाम अ़लुवाङा। हेन्‍खामादाङ्‌का अलुङ छोराकि लेन्‍माय़ङ्‌चि अ़क्‌लाखा चवालिसा हजारादाङ्‌का नि साङ्‌आछाङ मो छाम खेङ्‌मा मान्‍ऱअ़दाङा।

खाङ्‌मुमा 7:10

मोचि अ़धिवाङ य़ङ्‌आ म़पारा, “हाङ्‌युङ्‌खादा कायुङ, आन्‍निनाम्‍हाङ खोन्‍कि थुबाछाएदा लेन्‍मा सावा याक्‌याङ।”