याकुब 4:11 - बान्‍तावा राई

¹¹ ब़ब़, नाना खोन्‍कि निछाचि ओ, अ़क्‍छा निओ अ़देङ्‌सालाप्‍पादा रुफोक्‍काफोक मान्‍मुदानिन। खानानिन साकोङ्‌छ़ङ कामुओ अ़देङ्‌सालाप्‍पादा रुत़फोक्‍तुम्‍च़म माङ्‌लो लाहि त़पाक्‍तुम्‍च़म्‌नालो खानानिन य़ङ्‌हुप्‌ओ अ़देङ्‌सालाप्‍पादा त़चेविन, खोन्‍कि य़ङ्‌हुप्‌ओ छ़ङ्‌त़छेन्‍तुम। खानानिन य़ङ्‌हुप्‌ओ छ़ङ्‌त़छेन्‍तुम्‌नालो खानानिन य़ङ्‌हुप्‌वा काच़ मान्‍लित़दान, मेन य़ङ्‌हुप्‌ओ छ़ङ्‌काछेन्‌ए त़लिसिन।

याकुब 4:11 ပူးပေါင်းရင်းမြစ်များ

लुका 6:37

नि म़नाचि छ़ङ्‌मान्‍छेन्‍दानुम्‍च़म, खोन्‍कि खानानिन्‌छाङ निनाम्‍हाङ्‌आ छ़ङ्‌ऩछेन्‍तिमिन। निचि मान्‍ह़त्‍दानुम्‍च़म, खोन्‍कि निनाम्‍हाङ्‌आछाङ खानानिन ऩह़त्‍नानिमिन। निचिआ अ़फिसाओ लेत्‍तापुवानुम्‍च़म खोन्‍कि निनाम्‍हाङ्‌आछाङ खानानिन्‌आ त़फिसुम्‌ओ ऩलेत्‍तिन्‍प़न।

रोमि 2:1

खोन्‌ओसा नि छ़ङ्‌काछेन म़ना, खाना साङ्‌नुछाङ, अ़ऩङ मुमा त़तोक्‍नान, देकिनालो खाना नि छ़ङ्‌त़छेन्‍तुहिदा दिदा खाना छ़ङ्‌त़छेन्‍तु, मो य़ङ्‌दा खाना छ़ङ्‌ऩछेन, देकिनालो खाना छ़ङ्‌काछेन्‌छाङ मो काचि त़मु।

रोमि 2:13

देकिनालो य़ङ्‌हुप काएन्‌चि निनाम्‍हाङ्‌ओ अ़चुबुदा साम्‌योक्‍मि ऩकान्‍निन, मेन य़ङ्‌हुप्‌वा काच़चि अ़चुओ लिप्‍पादा साम्‌योक्‍मि म़काइसुचि।

रोमि 7:7

खोन्‍नालो आन्‍कान दे य़ङिन म़ल़क? य़ङ्‌हुप हेवा ओ? देम्‍खाछाङ माआङ! मेन य़ङ्‌हुप मात्‍द़ङ्‌याङ्‍ओदे, हेवा दि ओ अ़ङ्‌का मान्‍सिन्‍ङाओ। “खाना च़क्‍ख़य़ मान्‍मुदा”नि य़ङ्‌हुप मान्‌य़ङ्‌ओदे च़क्‍ख़य़ मुमा अ़अ़त्‍पाओ निकिना मान्‍सिन्‍ङाओ।

१ कोरिन्‍थि 4:5

खोन्‌ओसा काइसाओ ग़रिदाङ्‌का बुया दित्‍छाङ छ़ङ्‌मान्‍छेन्‌दानिन। हाङ्‌पा म़तालो हुङानुम। दि कुइयामादा कुमायुङ्‌सा, खोक्‍कोसाआ साम्‌दा म़तारुचि खोन्‍कि म़नाचिओ अ़चुसाकोङ्‌वादाओ अ़चुमित्‍चिऩङ्‌चि खाङ्‌म़मुसुचि। मोन्‍ग़रि झारा म़नाचिआ निनाम्‍हाङ्‌एदाङ्‌का अ़चुचोन्‍मा अ़तोक।

२ कोरिन्‍थि 12:20

देकिनालो अ़ङ्‌का ताङाहिदा अ़ङ्‌का मिन्‍ङावात्‍नि खानानिन अ़धित्‍नान्‍निमिन हे, खोन्‍कि खानानिन्‌आछाङ त़मिनिन्‌येन्‌वा अ़ङ्‌का त़धित्‍नाङ्‌ऩम़ङ हे निकिना अ़ङ्‌का क़ङाङा। आम्‍नुओ रादा खिमा, ऩङ्‌च़, माइसुङ, फेक्‍मान्‍चिन, सुङ्‌मा, दुम्‍लुमा, ऱक्‍भाक खोन्‍कि ङेन लि हे निकिना अ़ङ्‌क़मा कात्‌याङ।

एफिसि 4:31

झारा ख़क्‍लेप्‍पा य़ङ, माइसुङ, च़ऱपा, काचेङ्‌वा, सुङ्‌मा खोन्‍किना झाराकाखालाओ ऩङ्‌च़ छिरानुम।

१ तिमोथि 3:11

ओवात्‍निङा अ़चुखिम्‍हाङ्‌माचिछाङ सोत्‍सोत्‌वाओ, नि म़ना मान्‍सुङ्‌कादा, मेन झारा य़ङ्‌दा काक़म्‍नान्‍चिन खोन्‍कि सोम्‍कुवा मुमा खान्‍तुओ मुमादोत।

२ तिमोथि 3:3

मोचि सोमामान्‍तुक्‍कादा, मान्‍लेत्‍कादा, नि कासुङ, मान्‍क़म्‍कादान्‍चिन, ऱक्‍ऱक्‍ऱक्‌वा काच़, अ़नुवाक य़ङ ऩङाकाछित,

तितस 2:3

मोवात्‍निङा खोक्‍मा मेत्‍छामाचि सायाकातोक लिमा चिन्‍तुचि। म़नाचिओ अ़त्‍लो दुम लुमा अ़नुनिन्‌नि मोचि चिन्‍तुचि। मोचि हेङ्‌मावाओ अ़क़म्‍मादा मान्‍छुक्‍कादा लिमादोत, खोन्‍कि अ़नुवाक य़ङ्‌चि काचिन लिमादोत।

याकुब 1:16

अ़ङ्‌का सोमातुक्‍नाङ्‌नानिन्‌ओ ब़ब़, नाना खोन्‍कि निछाचि ओ, मान्‍धादानिन।

याकुब 1:19

अ़ङ्‌का सोमातुक्‍नाङ्‌नानिन्‌ओ अ़ङ्‍ब़ब़, नाना खोन्‍कि निछाचि ओ, ओ य़ङ तुप्‍तानुम, झारा म़ना एन्‍मादा च़क्‍नि, चेप्‍मादा स़लेनि खोन्‍कि माइसुङ्‌कात्‍मादा स़लेनि लिमादोत।

याकुब 1:25

मेन साङ्‌आ काफोङ ब़द्‍धे अ़नुवाक य़ङ्‌हुप नुलोक खाकि मो मुयुङ्‌सु, खोन्‍किना एनुओ य़ङ अ़मान्‍तुन्‍खाइसुन्‌किना काचि मु, मेन काचि मुनालो खोसाआ मुओ अ़काचिदा आसिखा तोक्‍तु।

याकुब 2:8

“खाना आम्‍तेन्‍पाङ आप्‍पिवाङा सोमातुक्‍तु”निओ साम्‍कालिन्‌दाओ आन्‍काओ हाङ्‌ओ अ़चुय़ङ्‌हुप अ़नुछ्‍याङा त़तासुम्‍लाम्‌योम्‌नालो खानानिन नुलोक्‌ङा त़च़न्‌येन।

याकुब 5:10

ब़ब़, नाना खोन्‍कि निछाचि ओ, दुखा आङ्‌मा खोन्‍कि हुङ्‌माओ अ़मात्‍ऩङ्‌ओ निकिना हाङ्‌पाओ अ़चुऩङ्‌दा निनाम्‍हाङ्‌य़ङ खाकालुचि मित्‍तानुम्‍च़म।

याकुब 5:7

खोन्‌ओसा ब़ब़, नाना खोन्‍कि निछाचि ओ, हाङ्‌पा ऩलानिन्‍तानिन्‌तारि हुङायुङ्‌सानुम। खानुम, व़क काचि कामुआ अ़नुवाक अ़सिवा तोक्‍मा निकिना बुयाओ खोन्‍कि देङ्‌दाओ वामान्‍तायुक्‌ओन हुङुयुङ्‌सु।

याकुब 5:9

ब़ब़, नाना खोन्‍कि निछाचि ओ, अ़क्‍छा निओ अ़देङ्‌सालाप्‍पादा छुऩङ्‌वा मान्‍मुदानिन। माङ्‌लोना खानानिन छ़ङ्‌छेन्‍मादा त़छुक्‍तिन। खानुम, छ़ङ्‌काछेन आम्‍नुओ लाप्‍तिखोप्‌दाङा म़एप्‌याङ!

१ पत्रुस 2:1

खोन्‌ओसा झारा अ़त्‍लो च़मा, झारा म़प्‍मा कोङ्‌क़त्‌वा, ऩङ्‌च़ मुमा खोन्‍कि झारा सुङ्‌मा य़ङ्‌चि छिरानुम्‍च़म।