याकुब 2:8 - बान्‍तावा राई

⁸ “खाना आम्‍तेन्‍पाङ आप्‍पिवाङा सोमातुक्‍तु”निओ साम्‍कालिन्‌दाओ आन्‍काओ हाङ्‌ओ अ़चुय़ङ्‌हुप अ़नुछ्‍याङा त़तासुम्‍लाम्‌योम्‌नालो खानानिन नुलोक्‌ङा त़च़न्‌येन।

याकुब 2:8 ပူးပေါင်းရင်းမြစ်များ

मत्‍ति 22:39

ह्‍वातात्‌ओतात्‌छाङ मोवात्‍निङा अ़च़वाङ मुयाङ, ‘खाना आम्‍तेन्‍पाङ आप्‍पिवाङा सोमातुक्‍तु।’

मत्‍ति 25:21

मोसोओ अ़हाङ्‌पाआ मो लासुलो, ‘नुलोक त़चुवा, अ़नुवाक खोन्‍कि सोम्‍कुवामुमायु हारुक। खाना उन्‍निदा सोम्‍कुवामुमायु त़लिसा, हान अ़ङ्‌का खाना ब़द्‍धे य़ङ्‌चिदा पाङ प़ना। खाना ताकि अ़ङ्‌काएनान अ़क्‍नि खाबाचादा आम्‍ऩङानुसान्‍चिन।’

मत्‍ति 25:23

मोसोओ अ़हाङ्‌पाआ मोछाङ लासुलो, ‘नुलोक त़चुवा, अ़नुवाक खोन्‍कि सोम्‍कुवामुमायु हारुक। खाना उन्‍निदा सोम्‍कुवामुमायु त़लिसा, हान अ़ङ्‌का खाना ब़द्‍धे य़ङ्‌चिदा पाङ प़ना। खाना ताकि अ़ङ्‌काएनान अ़क्‍नि खाबाचादा आम्‍ऩङानुसान्‍चिन।’

मत्‍ति 7:12

खोन्‌ओसा म़नाचिआ खानानिन देत्‍नि ऩमेत्‍तिन्‍प़न्‍नेनि त़मिनिन्‌येन मोवात्‍निङा खानानिन्‌आछाङ नि म़नाचि मुवानुम्‍च़म, देकिनालो ओङा मोसाओ अ़य़ङ्‌हुप खोन्‍कि निनाम्‍हाङ्‌य़ङ खाकालुचिओ अ़चुचिन्‍माय़ङ्‌चि ओ।

रोमि 13:10

सोमाकातुक्‌आ अ़तेन्‍पाङ अ़त्‍लो अ़मुन। खोन्‌ओसा य़ङ्‌हुप्‌आ सोमातुक्‍मा तासुला।

गलाति 5:14

देकिनालो झारा य़ङ्‌हुप अ़क्‌तात य़ङ्‌आङा तालायुङ्‌सा, “खाना आम्‍तेन्‍पाङ आप्‍पिवात्‍निङा सोमातुक्‍तु।”

गलाति 6:2

अ़क्‍छा निएदा पाङ खुन्‍मा फामुवानिन, खोन्‍कि ओवात्‍नि ख्रिस्‍तओ अ़चुलोमाय़ङ तासालानुम।

फिलिप्‍पि 4:14

खोन्‍नुछाङ, अ़ङ्‌चाअ़त्‍माचिदा खानानिन त़फानिकिना ब़द्‍धे नुलोक त़च़न।

१ थेसलोनिकि 4:9

मेन साकोङ्‌छ़ङ कामुचिएदा सोमातुक्‍मुमाओ अ़तुक्‌वादा आन्‍कान्‍का खानानिन दित्‍छाङ छाप्‍मा अ़दोत्‍निन, देकिनालो अ़क्‍छा निएदा सोमातुक्‍मुमाओ निनाम्‍हाङ्‌आङा खानानिन ऩचिन्‍तिन्‌युङ्‌सिन।

याकुब 1:25

मेन साङ्‌आ काफोङ ब़द्‍धे अ़नुवाक य़ङ्‌हुप नुलोक खाकि मो मुयुङ्‌सु, खोन्‍किना एनुओ य़ङ अ़मान्‍तुन्‍खाइसुन्‌किना काचि मु, मेन काचि मुनालो खोसाआ मुओ अ़काचिदा आसिखा तोक्‍तु।

याकुब 2:12

खोन्‌ओसा खानानिन दि त़चेविन खोन्‍कि दि काचि त़मुन, खानानिन काफोङ य़ङ्‌हुप्‌लाम्‍पा आम्‍नुओ छ़ङ्‌छेन।

याकुब 2:19

खानानिन अ़क्‌तात निनाम्‍हाङ म़युङ्‌याङ निकिना साकोङ्‌छ़ङ त़मुन। मो अ़नुवाक ओ! चाकावालावाचिछाङ साकोङ्‌छ़ङ म़मु, खोन्‍कि अ़चुक़माआ सिन्‍लुक्‍लुक्‌वा धुन्‍तुचि।

याकुब 4:11

ब़ब़, नाना खोन्‍कि निछाचि ओ, अ़क्‍छा निओ अ़देङ्‌सालाप्‍पादा रुफोक्‍काफोक मान्‍मुदानिन। खानानिन साकोङ्‌छ़ङ कामुओ अ़देङ्‌सालाप्‍पादा रुत़फोक्‍तुम्‍च़म माङ्‌लो लाहि त़पाक्‍तुम्‍च़म्‌नालो खानानिन य़ङ्‌हुप्‌ओ अ़देङ्‌सालाप्‍पादा त़चेविन, खोन्‍कि य़ङ्‌हुप्‌ओ छ़ङ्‌त़छेन्‍तुम। खानानिन य़ङ्‌हुप्‌ओ छ़ङ्‌त़छेन्‍तुम्‌नालो खानानिन य़ङ्‌हुप्‌वा काच़ मान्‍लित़दान, मेन य़ङ्‌हुप्‌ओ छ़ङ्‌काछेन्‌ए त़लिसिन।

१ पत्रुस 2:9

मेन खानानिन छेन्‍माय़ङ रावा ओ, हाङ्‌ओ अ़चुकाब़क्‍पाचि, त़सेङिन्‌येन्‌ओ म़नाचि, निनाम्‍हाङ्‌ओ आप्‍पिओ अ़चुम़नाचि ओ। खोक्‍कोसाआ खानानिन कुन्‌यामादाङ्‌का म़दोम्‍दाओ साम्‌दा ऩबुत्‍तिन, खोन्‌ओसा खोक्‍कोसोओ म़दोम्‍दाओ अ़चुकाचिचि खानानिन्‌आ खात़लुसुम्‍ने।