याकुब 2:7 - बान्‍तावा राई

⁷ येसु ख्रिस्‍तओ अ़नुवाक अ़चुऩङ कासुङ दि मोचिङा माआङ? खोक्‍कोसोओ अ़चुऩङ्‌लाम्‍पा खानानिन ऩबुत्‍तिन्‌युङ्‌सिन।

याकुब 2:7 ပူးပေါင်းရင်းမြစ်များ

मत्‍ति 1:23

“खानुम, अ़क्‍छा वारिसा मेत्‍छाछा बुक खुन्‍कि मोसाआ अ़क्‍छा दुवाछा-छा तोक्‍तु, खोन्‍कि खोक्‍कोसोओ अ़चुऩङ इम्‍मानुएल पाक्‍तु।” ओसोओ अ़तुप्‌य़ङ, “निनाम्‍हाङ आन्‍कान्‌एनान म़युङ्‌याङ।”

मत्‍ति 12:24

मेन ओ अ़एनाकि फरिसिचि म़य़ङा, “ओ म़नाआ चाकावालावाचिओ अ़चुहाङ बालजिबुल्‌ओ अ़सावालाम्‍पा चाकावालावाचि लोइसुङुचि।”

मत्‍ति 27:63

मोचिआ अ़लोवा, “हाङ्‌पो, आन्‍कान्‍का मित्‍तुम्‌योम्‍का, मो काम़प्‌आ ह़ङाङाहिदा ‘सुम्‌कालेन्‌कि अ़ङ्‌का लाङाखोन्‍ङालोन्‍ङा’नि य़ङाओ।

छाम्‍माय़ङ 11:26

खोन्‍कि खोसाआ सावल धिरुकि एन्‍तिओखिया सहरादा लासुतारु। खोन्‍किना अ़क दोङ्‌तारि साम्‍भुङ्‌दाओ म़नाचिएनान मोचि यावायोक म़मुवायुङ्‌सा, खोन्‍कि अ़धिवाङ म़ना रुहुप्‌चि अ़चिन्‍ताचुचिन। खोन्‍कि एन्‍तिओखियादाओ म़नाचिआ काखेङ्‌चि बुयाओदु ख्रिस्‍तियान्‍चिनि म़लोचि।

छाम्‍माय़ङ 15:17

खोन्‍किना म़हेनाओ म़नाचिआ निनाम्‍हाङ पापा अ़लाम, खोन्‍कि झारा निरावाचि अ़ङ्‌को लिसि बुत्‍तुङ्‌युङ्‌सुङ्‌च़ङ, मो म़नाचिआ अ़ङ्‌का ऩलाम्‍ङा।

छाम्‍माय़ङ 26:11

ब़द्‍धेकादु अ़ङ्‌का यावायोक्‍खिम-खिम्‌चिदा खाराङ्‌कि साकोङ्‌छ़ङ कामुचि दन्‍दा मुमेत्‍तुङ्‌च़ङ। खोन्‍कि खोचिओ अ़चुसाकोङ्‌छ़ङ राकाङ्‌थेत्‍नि छित्‍मेत्‍तुङ्‌च़ङ। खोन्‍कि अ़ङ्‌का खोचिएदाङ्‌का चाअ़त्‍लो अ़ङ्‌माइसुङ काराकिना खोचि दुखा प़माचि निम्‍पाङ निहेन्‍कोप्‌दाओ सहराचिदाछाङ खाराङ।

छाम्‍माय़ङ 4:12

खोन्‍कि येसुएदाङ्‌का नि साङ्‌आछाङ लेन्‍मा म़ऱनिन, देकिनालो ओ झारा हेन्‍खामादा आन्‍कान हेवादाङ्‌का लेन्‍मा निम्‍पाङ निनाम्‍हाङ्‌आ येसुओ अ़ऩङ ओन्‍ङा म़पुवायुङ्‌सा।”

एफिसि 3:15

खोक्‍कोलाम्‍पा निनाम्‍मादुओ खोन्‍कि हेन्‍खामादाओ झारा खिम्‍लुम्‍पाओ अ़नुछ्‍याओ अ़चुह़ङ्‌म़ङ अ़तोक।

१ तिमोथि 1:13

बुया अ़ङ्‌का ख्रिस्‍त रुकाफोक, काल़क खोन्‍कि खोक्‍को कासुङ मुवाङ्‌याङ्‌नुछाङ अ़ङ्‌का ओ मान्‍सिन्‍ङाङा खोन्‍कि साकोङ्‌छ़ङ मान्‍मुयुक्‍तुङ्‌हिदा मुङ्‌ओसा अ़ङ्‌का निनाम्‍हाङ्‌आ सोमाऩतुक्‍ताङ।

१ पत्रुस 4:16

मेन साङ ख्रिस्‍तियान लिकि दुखा आङ्‌तुङुनालो मोसोओ अ़लेजो अ़कात्‍निन्‍ने। मेन म़नाचिआ ख्रिस्‍तओ अ़चुऩङ्‌लाम्‍पा खानानिन ऩबुत्‍तिन्‌ओदा निनाम्‍हाङ्‌ओ अ़चुऩङ चोन्‍तानुम।

खाङ्‌मुमा 19:13

खोक्‍को ह़आ वाहोवाओ तित हुम्‍साङा। खोक्‍को ‘निनाम्‍हाङ्‌ओ अ़चुय़ङ’निकिना सिन्‍ताङा।

खाङ्‌मुमा 19:16

खोक्‍कोसोओ अ़चुतित, अ़चुओ धिलाङ्‌दा ‘हाङ्‌चिओ अ़चुहाङ खोन्‍कि हाङ्‌पाचिओ अ़चुहाङ्‌पा’नि छाप्‍ताङा।