याकुब 2:5 - बान्‍तावा राई

⁵ अ़ङ्‌का सोमातुक्‍नाङ्‌नानिन्‌ओ ब़ब़, नाना खोन्‍कि निछाचि ओ, एनानुम, दि निनाम्‍हाङ्‌आ हेन्‍खामादाओ मान्‍तोक्‍कादाचि साकोङ्‌छ़ङ्‌दा कातोक मुसि म़छेन्‍तुचिओ माआङ कि? खोक्‍को सोमाकातुक्‌चि निनाम्‍हाङ्‌आ म़हिप्‍तुचिओ हेन्‍कोप्‌ओ पाङ्‌यि दि मोचिआ ऩतोक्‍तुन कि?

याकुब 2:5 ပူးပေါင်းရင်းမြစ်များ

मत्‍ति 11:5

दोप्‍म़क्‌चि खाम़खाङ, खोन्‍कि एक्‍सोक्‌वाचि म़कोन। क़माधामा सारिमाआ लाउचिओचि म़सेङायुङ्‌सा, खोन्‍कि फेङ्‌नाबाक्‌चि खाम़एन। म़सुवादाओचि म़खोन्‍तालोन्‍तायुङ्‌सा, खोन्‍कि मान्‍तोक्‍कादाचिआ निनाम्‍हाङ्‌ओ अ़चुनुय़ङ्‌खान एन्‍मा अ़तोक्‌याङ।

मत्‍ति 25:34

खोन्‍किना हाङ्‌आ अ़चुचुप्‍ताङ्‌छुक्‍लिप्‍पाओचि म़लोचि, ‘बानानिन, अ़ङ्‌पापाओ अ़चुआसिखा कातोक्‌चि ओ! हेन्‍खामा मुन्‍माय़ङ ग़रिदाङ्‌काङा आम्‍नुओ निम्‍पाङ चुम्‍सायुङ्‌साओ हाङ्‌होन्‌दा त़वाङिन।

मत्‍ति 5:3

“लावामि य़ङ्‌दा आप्‍पि मान्‍तोक्‍कादा लिसिन्‍काओनि कातुप्‌चि आसिखा कातोक्‌चि ओ, देकिनालो निनाम्‍हाङ्‌होन मोचिओङा ओ।

मर्कुस 7:14

खोन्‍किना येसुआ म़ना मुक्‍लाचि खोक्‍कोएदा म़बुत्‍तुचि खोन्‍कि मोचि म़लोचि, “खानानिन झारासा नुलोक अ़ङ्‌य़ङ एनानुम, खोन्‍कि तुप्‍तानुम।

लुका 12:21

आप्‍पिओ निकि चासुम, छेन्‍बि काभुङ, मेन निनाम्‍हाङ्‌ओ अ़चुबुदा मान्‍तोक्‍कादा म़ना ओवात्‍निङा लि।”

लुका 12:32

अ़चुप्‍पा रुहुप्‌चिओ, मान्‍क़दानिन! देकिनालो निनाम्‍मादुओ आम्‍नुओ पापाआ खोक्‍कोसोओ अ़चुहाङ्‌होन खानानिन प़मा अ़चुऩङानुवायुङ्‌सा।

लुका 16:22

अ़क लेन मो मान्‍तोक्‍कादा म़ना सुवादा, खोन्‍कि निनाम्‍हाङ काफाचिआ मो अ़खुयाखात्‍ताकि अब्राहाम्‌ओ अ़च़क्‌दा अ़युङ्‌सा। मो कातोक म़नाछाङ सुवादाकि म़नाचिआ अ़खुम्‍ता।

लुका 16:25

मेन अब्राहाम्‌आ मो लो, ‘अ़ङ्‌छाओ, मित्‍तु। खाना आम्‍ह़ङ्‌म़ङ्‌दा अ़नुवाक-अ़नुवाक सामाचि त़याङुचि, मेन लाजरस्‌आ ना अ़न्‍नुनु चाअ़त्‍लो दुखा आङ्‌तु। खोन्‌ओसा हान ओदा लाजरस अ़ऩङानुयाङ्‌सा चानुलो युङ्‌याङ खोन्‍कि खाना अ़न्‍नुनु चाअ़त्‍लो दुखा त़तोक्‌याङ।

लुका 22:29

देत्‍नि अ़ङ्‌पापाआ अ़ङ्‌का हाङ्‌होन ऩपुवाङ, मोवात्‍निङा अ़ङ्‌काछाङ खानानिन हाङ्‌होन प़नानिन,

लुका 6:20

खोन्‍कि येसुआ अ़चुकाखेङ्‌पाचि म़चोउचिकि म़य़ङा, “मान्‍तोक्‍कादाचि ओ! खानानिन आसिखा कातोक्‌चि ओ। देकिनालो निनाम्‍हाङ्‌ओ अ़चुहाङ्‌होन आम्‍नुओङा ओ।

युहन्‍ना 7:48

दि पाङ्‌कातोक्‌चि माङ्‌लो फरिसिचिएदाओ खाक्‍को खोक्‍कोएदा साकोङ्‌छ़ङ मुवायुङ्‌सा?

छाम्‍माय़ङ 7:2

खोन्‍कि स्‍तिफनस्‌आ य़ङ्‌लासु, “अ़ङ्‍ब़ब़चि खोन्‍कि अ़ङ्‌पापाचि ओ, अ़ङ्‌का य़ङ्‌ङाङाओ एनानुम! आन्‍सुन्‍तुम अब्राहाम हारान खात्‍मा बुया मेसोपोतामियादा युङाङाहिदा अ़चुऩङ्‌लोङ्‌मा खान्‍तुओ आन्‍निनाम्‍हाङ अब्राहाम्‌एदा खाङ्‌म़मुसान्‍चिन।

रोमि 8:17

हान आन्‍कान अ़चुछाचि ओनालो आन्‍कान अ़चुपाङ्‌यिचिछाङ ओ। अ़नुछ्‍याङा निनाम्‍हाङ्‌ओ अ़चुपाङ्‌यि खोन्‍कि ख्रिस्‍तएनान अ़क्‍नि पाङ्‌यिचि ओ। खोक्‍कोएनान अ़क्‍नि आन्‍कान दुखा आङ्‌तुम्‌नालो आन्‍कान खोक्‍कोओसो अ़चुसाम्‌छाङ तोक्‍तुम।

१ कोरिन्‍थि 2:9

मेन ओवात्‍नि छाप्‌याङ, “म़नाआ देम्‍खाछाङ मान्‍खाङ्‌युक्‍तुओ, अ़नाबाक्‌आ मान्‌एन्‌युक्‍तुओ, देम्‍खाछाङ मान्‍मित्‌दोओ य़ङ निनाम्‍हाङ्‌आ खोक्‍को सोमाकातुक्‌चिओ निम्‍पाङ म़चुम्‍सुप़युङ्‌सुचि।”

२ कोरिन्‍थि 4:15

देकिनालो ओ झारा आम्‍नुओ निम्‍पाङ्‌ङा म़लिसाओ ओ, खोन्‌ओसा सोम्‍तुक्‍मा ब़द्‍धे म़नाचिएदा फेकि आलाङ प़माय़ङ पोन्‌याङ्‌सा खात्‌कि निनाम्‍हाङ्‌ओ अ़चुऩङ अ़लोङ्‌ने।

२ कोरिन्‍थि 6:10

आन्‍काओ राक स़याङ, खोन्‍नुछाङ अ़धुन आन्‍काओ ऩङानुसिन्‍चिन्‍का। मान्‍तोक्‍कादानुछाङ, ब़द्‍धेकापाङ कातोक मुम्‍च़म्‍का, दित्‍छाङ मात्‍द़ङ्‌नुछाङ आन्‍कान्‍काएदा झारा सामाचि म़याक्‌याङ।

२ कोरिन्‍थि 8:9

देकिनालो आन्‍हाङ्‌पा येसु ख्रिस्‍तओ अ़चुसोमातुक्‍मा खानानिन त़सिन्‍तुम्‌योम। खोक्‍को कातोक म़मुवाङानुछाङ आम्‍नुओ निम्‍पाङ खोक्‍को मान्‍तोक्‍कादा म़लिसा, खोन्‌ओसा खोक्‍कोसोओ अ़मान्‍तोक्‍दामादाङ्‌का खानानिन कातोक लिमा रुवानिन।

एफिसि 1:18

अ़ङ्‌का ओसोओ निम्‍पाङ्‌छाङ यामात्‍ङा, आम्‍नुओ साकोङ्‌वादाओ म़क छेङ्‌छेङ्‌छेङ्‌वा लिने, खोन्‍कि दिसु सोम्‍कुवाओ निम्‍पाङ खोक्‍कोसाआ खानानिन ऩबुत्‍तिन्‌युङ्‌सिन, खोन्‍कि निनाम्‍हाङ्‌ओ अ़चुम़नाचिएदा खोक्‍कोसोओ साम्‍स़रिओ पाङ्‌यि तोक्‍माओ चासुम्‍छेन्‍बि दि ओ, मो खानानिन्‌आ सिन्‍मा त़ऱम।

एफिसि 3:8

झारा निनाम्‍हाङ्‌ओ अ़चुम़नाचिएदा अ़ङ्‌का अ़न्‍नुनु अ़चुप्‍पा लिसाङ्‌नुछाङ ख्रिस्‍तओ तुप्‍माङा अ़ऱन्‍मिन्‌ओ अ़चुआसिखाओ नुय़ङ्‌खान निरावाचि खाएत्‍मा निम्‍पाङ अ़ङ्‌का ओ अ़वाखाम ऩपुवाङ्‌ओ।

१ थेसलोनिकि 2:12

आन्‍कान्‍का खानानिन निनाम्‍हाङ्‌ओ अ़चुऩङानुओ ह़ङ्‌म़ङ ह़ङानिन निम्‍पाङ यायोक प़नि खोन्‍कि राक प़ निकिना लोनि। खोक्‍कोसाआ खानानिन खोक्‍कोसोओ अ़चुसाम्‍स़रिओ अ़चुहाङ्‌होन्‌दा ऩबुत्‍तिन।

२ थेसलोनिकि 1:5

ओ झारासा निनाम्‍हाङ्‌ओ अ़चुछ़ङ्‌छेन्‍मा साम्‌योक्‍मि मुयाङ्‌ओ खाङ्‌मुसु। खोन्‌ओसा निनाम्‍हाङ्‌ओ अ़चुहाङ्‌होन्‌दा खानानिन अ़नुवाक ऩकाइसिन, मोसोओ निम्‍पाङ खानानिन्‌आ दुखाछाङ त़आङ्‌तुम्‌योम।

१ तिमोथि 6:18

मोचि अ़नुवाक काचि मुमा, खोन्‍कि अ़नुवाक काचिचिदा कातोक लिमा, फामामिन्‍माओ खोन्‍कि निचिएनान हामाचामा मिन्‍माओ लिसानिन्‌नि लोचि।

२ तिमोथि 4:18

हाङ्‌पाआ अ़ङ्‌का झारा अ़अ़त्‍पाचिदाङ्‌का ऩलेन्‍ङा, खोन्‍कि खोक्‍कोसोओ निनाम्‍मादुओ अ़चुहाङ्‌होन्‌ओ निम्‍पाङ अ़ङ्‌का ऩलेन्‍ङा। खोक्‍कोसोओ अ़धुन-अ़धुन्‌तारि अ़चुऩङ लोङ्‌युङ्‌ने। मोवात्‍निङा लिने।

२ तिमोथि 4:8

हान्‌दाङ्‌का मोह्‍यात्‍नि अ़ङ्‌को निम्‍पाङ साम्‌योक्‍मिओ सिरिफा युङ्‌सायुङ्‌सा। मो साम्‌योक्‍मिओ छ़ङ्‌काछेन हाङ्‌पाआ मो लेन अ़ङ्‌का ऩप़ङा, खोन्‍कि अ़ङ्‌का ओन्‍ङा माआङ, मेन खोक्‍कोसोओ अ़चुलामातामा सोमाकातुक झारा म़प़चि।

हिब्रु 11:26

मिस्र हेन्‍कोप्‌दाओ चासुम्‍छेन्‍बिदाङ्‌का ख्रिस्‍तओ निम्‍पाङ सुङ्‌लुमा मोसाआ तोक्‍पो अ़लुङ्‌ओ चासुम्‍छेन्‍बिनि मित्‍तु। देकिनालो ओ खोसाआ सिरिफादात्‍नि खा।

याकुब 1:12

चिन्‍माखाङ्‌मा काआङ म़नाआङा आसिखा तोक्‍तु। देकिनालो चिन्‍माखाङ्‌मा खोसाआ आङ्‌तुओसा खोसाआ ह़ङ्‌म़ङ्‌ओ मो ताङ्‌बोप्‍खा तोक्‍तु, निनाम्‍हाङ्‌आ खोक्‍को सोमाकातुक्‌चि मो प़माचि निम्‍पाङ म़हिप्‍तुयुङ्‌सुचि।

याकुब 1:16

अ़ङ्‌का सोमातुक्‍नाङ्‌नानिन्‌ओ ब़ब़, नाना खोन्‍कि निछाचि ओ, मान्‍धादानिन।

याकुब 1:19

अ़ङ्‌का सोमातुक्‍नाङ्‌नानिन्‌ओ अ़ङ्‍ब़ब़, नाना खोन्‍कि निछाचि ओ, ओ य़ङ तुप्‍तानुम, झारा म़ना एन्‍मादा च़क्‍नि, चेप्‍मादा स़लेनि खोन्‍कि माइसुङ्‌कात्‍मादा स़लेनि लिमादोत।

याकुब 1:9

मान्‍तोक्‍कादा साकोङ्‌छ़ङ कामुचिओ, आम्‍नुओ ऩङानुसानिन्‍चिन, देकिनालो निनाम्‍हाङ्‌आ खानानिन ऩझोइसिन।

१ पत्रुस 1:4

आम्‍नुओ निकि देम्‍खाछाङ अ़लुक्‍निन्‍खात्‍निन्‌ओ खोन्‍कि मान्‍पोप्‌ओ खोन्‍कि अ़युन्‍निन्‍खात्‍निन्‌ओ पाङ्‌यि निनाम्‍मादु युङ्‌सायुङ्‌सा।

२ पत्रुस 1:11

खोन्‍नालो खानानिन आन्‍हाङ्‌पा खोन्‍कि कालेन्‍पा येसु ख्रिस्‍तओ अ़धुन्‌ओ अ़चुहाङ्‌होन्‌दा अ़धिवो साऩङ्‌वाएनान वाङ्‌मा त़तोक्‍तुम।

खाङ्‌मुमा 2:9

अ़ङ्‌का आम्‍दुखाचि खोन्‍कि आम्‍मान्‍तोक्‍दामाचि सिन्‍तुङ्‌योङ्‌च़ङ। मेन खाना कातोक त़मुयाङ! साङ आप्‍पि यहुदिनि म़लोनानान्‍चिन, मोचिआ खानानिन ऩसुङ्‌तिन्‌येन्‌ओ अ़ङ्‌का सिन्‍तुङ्‌योङ। मोचि यहुदिचि माआङ, मेन सैतानाओ अ़रुहुप्‌चि ओ।

खाङ्‌मुमा 21:7

साङ्‌चि म़छो मोचिआ अ़ङ्‌काएदाङ्‌का ओ पाङ्‌यि अ़तोक, खोन्‍कि अ़ङ्‌का मोचिओ अ़चुनिनाम्‍हाङ लिङा, खोन्‍कि मोचि अ़ङ्‌छाचि म़लि।

खाङ्‌मुमा 3:18

खोन्‌ओसा कातोक लिमा मिआ हेङ्‌माय़ङ हाराक्‌वा, खोन्‍कि आम्‍कालाङ्‌द़क्‌ओ लेजो दिप्‍मा निम्‍पाङ ओम्‌याङ्‌ओ तित खोन्‍कि खाना खाङ्‌मा त़ऱने निकिना आम्‍म़क्‌दा पाक्‍मा ओक्‍तो, अ़ङ्‌काएदाङ्‌का खित्‍माछाङ खाना यायोक प़ना।