याकुब 2:25 - बान्‍तावा राई

²⁵ मोवात्‍निङा काचान्‍चा राहाब्‌आछाङ खाकातुप्‌चि साऩङ्‌वा मेत्‌याङ्‌सा नि लाम खाइसुचि, खोन्‍कि अ़काचिलाम्‍पा साम्‌योक्‍मि काइसाओ माआङ कि?

याकुब 2:25 ပူးပေါင်းရင်းမြစ်များ

मत्‍ति 1:5

सल्‍मोन बोअज्‌ओ अ़पा ओ। मोसोओ अ़मा राहाब ओ। बोअज ओबेद्‌ओ अ़पा ओ। मोसोओ अ़मा रुथ ओ। ओबेद यिसैओ अ़पा ओ।

मत्‍ति 21:31

हान ओ ह़वाङ्‌एदाओ खाक्‍कोसाआ अ़चुपापाओ अ़मिन्‍मावा चुवा?” बुसुवाचिआ अ़लासालोवा, “कुम्‍पाआ।” येसुआ मोचि म़लोचि, “अ़नुछ्‍या, अ़ङ्‌का खानानिन लोनानिन, दाम्‍दु कालात्‌चि खोन्‍कि काचान्‍चाचि खानानिन्‌दाङ्‌का बुया निनाम्‍हाङ्‌ओ अ़चुहाङ्‌होन्‌दु म़वाङ।

छाम्‍माय़ङ 17:7

यासोन्‌आ खोचि अ़खिम्‌दा युङ्‌सुङुचि। खोन्‍कि ‘येसु अ़ऩङ मुयाङ्‌ओ अ़क्‍छा नि हाङ युङ्‌याङ’नि य़ङ्‌याङ्‌सा कैसर तोक्‍पोहाङ्‌ओ अ़य़ङ्‌हुप्‌ओ अ़देङ्‌सालाप्‍पादा मोचि झारा काचि म़मुयाङ।”

हिब्रु 11:31

काचान्‍चामा राहाब्‌ओ अ़साकोङ्‌छ़ङ्‌आङा चिवा कामुचि नुलोक साऩङ्‌वा मेत्‍तुचिओसा लोमान्‍तेत्‍चिएनान मान्‍सेत।

याकुब 2:18

मेन अ़क्‍छा म़ना य़ङ्‌मा ऱ, “खानाएदा साकोङ्‌छ़ङ याक्‌याङ, अ़ङ्‌काएदा काचिचि। काचि मात्‍द़ङ्‌ओ आम्‍साकोङ्‌छ़ङ अ़ङ्‌का खाङ्‌मेत्‍ताङ, खोन्‍कि काचि मुङाकि अ़ङ्‌साकोङ्‌छ़ङ खाना खाङ्‌मेत्‍ना।”

याकुब 2:22

खोसोओ अ़साकोङ्‌छ़ङ खोन्‍कि अ़काचिचि अ़क्‍नि काचि म़मुवाङाओ खाना त़खा। खोन्‍कि अ़काचिचिलाम्‍पा अ़साकोङ्‌छ़ङ ताला।

याकुब 2:24

खानानिन्‌आ त़खाम, म़ना अ़काचिलाम्‍पा साम्‌योक्‍मि अ़काइसाओ, मेन साकोङ्‌छ़ङ्‌लाम्‍पा ओन्‍ङा माआङ।