याकुब 2:18 - बान्‍तावा राई

¹⁸ मेन अ़क्‍छा म़ना य़ङ्‌मा ऱ, “खानाएदा साकोङ्‌छ़ङ याक्‌याङ, अ़ङ्‌काएदा काचिचि। काचि मात्‍द़ङ्‌ओ आम्‍साकोङ्‌छ़ङ अ़ङ्‌का खाङ्‌मेत्‍ताङ, खोन्‍कि काचि मुङाकि अ़ङ्‌साकोङ्‌छ़ङ खाना खाङ्‌मेत्‍ना।”

याकुब 2:18 ပူးပေါင်းရင်းမြစ်များ

रोमि 14:23

मेन साङ मान्‍केङ मुकि चामायु चानालो मो निनाम्‍हाङ्‌आ लाहि अ़पाक, देकिनालो मोसाआ साकोङ्‌छ़ङ्‌एनान मान्‍चायुक्‍तु। साकोङ्‌छ़ङ्‍एदाङ्‌का अ़लोन्‍निन्‌ओ झारा य़ङ हेवा ओ।

रोमि 3:28

खोन्‌ओसा य़ङ्‌हुप्‌आ लोमाय़ङ्‌वा मान्‍च़माङ साकोङ्‌छ़ङ्‌लाम्‍पाङा म़ना साम्‌योक्‍मि कान्‌नि आन्‍काओ मुलो अ़तुक्‌वा ओङा ओ।

रोमि 4:6

काचि मान्‍मुमाङ्‌ङा निनाम्‍हाङ्‌आ साम्‌योक्‍मि अ़कान्‌ओ म़नाओ अ़आसिखाओ अ़तुक्‌वादा ओवात्‍नि हाङ दाउद म़य़ङ:

रोमि 8:1

खोन्‌ओसा हान ख्रिस्‍त येसुएनान अ़क्‍नि कालिचिएदा दन्‍दा मात्‍द़ङ।

रोमि 9:19

खोन्‍कि खाना अ़ङ्‌का त़लोङा, “खोन्‍नालो देकि आन्‍कान निनाम्‍हाङ्‌आ लाहि म़पाक्‌याङ? देकिनालो खोक्‍कोसोओ अ़चुमित्‍चिऩङ्‌दा साङ्‌आ खोक्‍को छेक्‍मा अ़ऱ?”

१ कोरिन्‍थि 13:2

अ़ङ्‌काएदा निनाम्‍हाङ्‌य़ङ खालुमा सावा याक्‌याङ खोन्‍कि झारा अ़कोङ्‌दुम्‌चि खोन्‍कि झारा ताया तुप्‍मा ऱङ्‌च़ङ, खोन्‍कि भ़ऱचि सोत्‍मातारिओ झारा सोम्‍कुवा अ़ङ्‌काएदा याक्‌याङ्‌नुछाङ अ़ङ्‌काएदा सोम्‍तुक्‍मा मात्‍द़ङ्‌नालो अ़ङ्‌का दित्‍छाङ माआङ।

२ कोरिन्‍थि 5:17

देकिनालो साङ ख्रिस्‍तदा युङ्‌याङ, खो अ़ऩङ्‌वा मुन्‍माय़ङ ओ। बुयाओ खाराचिआयुङ्‌सा, खानुम, अ़ऩङ्‌वा तायुङ्‌सा।

२ कोरिन्‍थि 7:1

खोन्‌ओसा सोमातुक्‍निङ्‌निओ यावाचि ओ, आन्‍कान्‌एदाओ हिप्‍माय़ङ्‌चि म़युङ्‌याङ्‌ओसा आन्‍पोक खोन्‍कि आन्‍लावा झारा पोप्‍मादाङ्‌का आन्‍कान आप्‍पि सेङ्‌सिन्‍चिन्‍ने, खोन्‍कि निनाम्‍हाङ्‌ओ अ़चुकित्‍मादा झारा सेङिन्‍ने।

गलाति 5:6

ख्रिस्‍त येसुएदा सिप्‍मायाम्‍बुन पाक्‍तुम्‌नुछाङ अ़पाक्‍तिमिन्‌नुछाङ मो अ़च़वाङ य़ङ माआङ। मेन साकोङ्‌छ़ङ सोमातुक्‍मालाम्‍पा खाङ्‌मु।

१ तिमोथि 1:5

अ़ङ्‌को ओ लोमाय़ङ्‌ओ मित्‍चिऩङ ओवाको ओ: सेङ्‌याङ्‌ओ साकोङ्‌वा, अ़नुवाक छेन्‍खाताया खोन्‍कि अ़नुछ्‍याओ साकोङ्‌छ़ङ्‌लाम्‍पा ताओ सोमातुक्‍माआ म़भेप्‍तुचिने।

तितस 2:7

खानाङा झारा य़ङ्‌दा अ़नुवाक काचिओ अ़मात्‍ऩङ लिसाकि मोचि खाङ्‌मेत्‍तुचि खोन्‍कि सोत्‍सोत्‌वाकि ताङ्‌च़क्‍तान्‍चिन्‌ओ लिसाकि ताया प़चि।

हिब्रु 11:31

काचान्‍चामा राहाब्‌ओ अ़साकोङ्‌छ़ङ्‌आङा चिवा कामुचि नुलोक साऩङ्‌वा मेत्‍तुचिओसा लोमान्‍तेत्‍चिएनान मान्‍सेत।

हिब्रु 11:33

खोचिओ अ़चुसाकोङ्‌छ़ङ्‌लाम्‍पा हेन्‍कोप्‌चिदा म़छोसा, तोङालो छ़ङ म़छेन्‍ताकि म़हिप्‍तुचिओचि म़तोक्‍तुचि। मोचिआ धिनाराचिओ अ़चुदोचि म़ह़सुप़चि।

हिब्रु 11:6

साकोङ्‌छ़ङ मान्‍मुमाङ निनाम्‍हाङ्‌ओ अ़चुऩङानुमा अ़ऱन्‍मिन। देकिनालो साङ निनाम्‍हाङ्‌ओ अ़चुच़क्‌दा ता, खोसाआ निनाम्‍हाङ म़युङ्‌याङ खोन्‍कि खोक्‍को कालाम्‌चि खोक्‍कोसाआ सिरिफा म़प़चि निकिना अ़नुछ्‍या साकोङ्‌छ़ङ मुमादोत।

याकुब 2:14

अ़ङ्‍ब़ब़, नाना खोन्‍कि निछाचि ओ, अ़क्‍छा म़ना “अ़ङ्‌का साकोङ्‌छ़ङ मुङा”नि य़ङ, मेन काचि अ़नुनिन्‌नालो मोदाङ्‌का दि तोक्‍तु कि? खोसोओ अ़साकोङ्‌छ़ङ्‌आ खो लेन्‍मा ऱ?

याकुब 3:13

खानानिन्‌एदा खारु कातोक खोन्‍कि कातुप साङ युङ्‌याङ? खोसोओ अ़खारुदाङ्‌का ताओ अ़सिम्‍मान्‍चिन्‌आ अ़काचिचि मुचिकि अ़नुवाक अ़च़माथाङ्‌मा खाङ्‌मुसुचिने।