याकुब 2:14 - बान्‍तावा राई

¹⁴ अ़ङ्‍ब़ब़, नाना खोन्‍कि निछाचि ओ, अ़क्‍छा म़ना “अ़ङ्‌का साकोङ्‌छ़ङ मुङा”नि य़ङ, मेन काचि अ़नुनिन्‌नालो मोदाङ्‌का दि तोक्‍तु कि? खोसोओ अ़साकोङ्‌छ़ङ्‌आ खो लेन्‍मा ऱ?

याकुब 2:14 ပူးပေါင်းရင်းမြစ်များ

मत्‍ति 5:20

देकिनालो अ़ङ्‌का खानानिन लोनानिन, आम्‍नुओ साम्‌योक्‍मि य़ङ्‌हुप काचिन्‍पाचि खोन्‍कि फरिसिचिदाङ्‌का च़लोक अ़नुवाक मान्‍लिमाङ्‌तारि खानानिन देम्‍खाछाङ निनाम्‍हाङ्‌होन्‌दा वाङ्‌मा त़ऱन्‍मिन।

लुका 3:11

खोसाआ मोचिओ अ़चुय़ङ लासु, “ह्‍वातात तित कातोक्‌आ मान्‍तोक्‍कादा अ़क्‌तात प़ने, खोन्‍कि चामायु कातोक्‌आ मान्‍तोक्‍कादा प़ने।”

लुका 6:49

मेन साङ्‌आ अ़ङ्‌य़ङ एनुकि मोवात्‍नि अ़च़निन, मो छ़ङ मात्‍द़ङ्‌ओ बाखादा खिम कामु म़नावात्‍निङा ओ। चाक्‌वा मो खिम्‌दा धुङ्‌सा खोन्‍किना च़क्‍नि तेइसुकि चाअ़त्‍लो भुङ्‌साखारा।”

छाम्‍माय़ङ 15:9

निनाम्‍हाङ्‌आ आन्‍कान यहुदिचि खोन्‍कि निरावाचि मान्‍हाम़दोचि, देकिनालो येसुएदा साकोङ्‌छ़ङ म़मुवाकि मोचिओ अ़चुसाकोङ्‌वा म़सेङ्‌सुप़चि।

छाम्‍माय़ङ 8:13

सिमोन्‌छाङ साकोङ्‌छ़ङ मुवाकि बप्‍तिस्‍मा लोआ। खोन्‍कि खो फिलिप्‌एनान अ़धुन युङा। खोन्‍कि अ़धिवा बुन्‍चिकिना म़दोम्‍दाओ काचिचि मुचिओ खाचिकि खो दोम्‍तुदो।

छाम्‍माय़ङ 8:21

ओ काचि खाना मुमा त़ऱनान, देकिनालो निनाम्‍हाङ्‌ओ अ़चुबुदा आम्‍साकोङ्‌वा अ़नुवाक अ़मुनिनिन।

रोमि 2:25

निनाम्‍हाङ्‌ओ अ़चुय़ङ्‌हुप य़ङ्‌याङ्‌वात्‍नि त़च़न्‌नालो सिप्‍मायाम्‍बुन्‌दाङ्‌का नुलोक लि, मेन य़ङ्‌हुप य़ङ्‌याङ्‌वात्‍नि त़च़न्‍मिन्‌नालो सिप्‍मायाम्‍बुन मान्‍मुकादा निरावाचिवा त़लिसिन।

१ कोरिन्‍थि 15:2

अ़ङ्‌का खानानिन खाएत्‍नानिन्‌ओ य़ङ्‌दा नुलोक त़युङिन्‌नालो ओ नुय़ङ्‌खान्‌लाम्‍पा खानानिन त़लेरिन्‌युङ्‌सिन। माङ्‌नालोना खानानिन मोहाङा साकोङ्‌छ़ङ त़मुम।

१ कोरिन्‍थि 16:22

साङ्‌आ हाङ्‌पा सोमाअ़तुक्‍तुन्‌नालो मो माङ्‌हिम्‍ने! आन्‍काओ हाङ्‌पो, तानिन!

गलाति 5:13

ब़ब़, नाना खोन्‍कि निछाचि ओ, खानानिन ना य़ङ्‌हुप्‌दाङ्‌का फोङ्‌माओ निम्‍पाङ ऩबुत्‍तिन्‌ओ। मेन ओ फोङ्‌माय़ङ पोक्‌ओ हेवामि च़माथाङ्‌मादा मान्‌याङ्‌दानुम। मेन सोम्‍तुक्‍मादा अ़क्‍छा निएदा खानानिन ब़त्‍काब़त मुवानिन।

गलाति 5:6

ख्रिस्‍त येसुएदा सिप्‍मायाम्‍बुन पाक्‍तुम्‌नुछाङ अ़पाक्‍तिमिन्‌नुछाङ मो अ़च़वाङ य़ङ माआङ। मेन साकोङ्‌छ़ङ सोमातुक्‍मालाम्‍पा खाङ्‌मु।

१ थेसलोनिकि 1:3

आन्‍निनाम्‍हाङ पापाओ अ़चुबुदा आम्‍नुओ साकोङ्‌छ़ङ्‌दाङ्‌का त़मुम्‌ओ काचि, खोन्‍कि सोमातुक्‍माआ त़मुम्‌ओ काचि खोन्‍कि आन्‍हाङ्‌पा येसु ख्रिस्‍तएदा त़मुम्‌ओ सोम्‍कुवाआ खानानिन त़छोसिन्‌ओ आन्‍कान्‍का अ़धुन मित्‍तुम्‌युङ्‌सुम्‍का।

१ तिमोथि 1:5

अ़ङ्‌को ओ लोमाय़ङ्‌ओ मित्‍चिऩङ ओवाको ओ: सेङ्‌याङ्‌ओ साकोङ्‌वा, अ़नुवाक छेन्‍खाताया खोन्‍कि अ़नुछ्‍याओ साकोङ्‌छ़ङ्‌लाम्‍पा ताओ सोमातुक्‍माआ म़भेप्‍तुचिने।

१ तिमोथि 4:8

पोक्‌योक्‍मा थोरेत नुलोक लि, मेन लावामि योक्‍मादा झारादाङ्‌का अ़नुवाक मु, देकिनालो ओसाआ आइमित्‌ओ खोन्‍कि माय़ङ तोक्‍तुम्‌ओ ह़ङ्‌म़ङ ह्‍वातात्‍माङ्‌दा म़हिप।

तितस 1:16

मोचि “निनाम्‍हाङ सिन्‍तुङ्‌योङ”नि ना म़य़ङ, मेन मोचिओ अ़चुकाचिआ ओन निनाम्‍हाङ ऩङाअ़छित निकिना खाङ्‌मुसु। मोचि ना चिप्‍माकात्‍तुचिओ, लोमान्‍तेत खोन्‍कि खाक्‍कोछाङ अ़नुवाक काचि मुमा खान्‍तुओचि मात्‍द़ङ्‌चि।

तितस 3:8

ओ अ़नुछ्‍याओ य़ङ ओ। निनाम्‍हाङ्‌एदा साकोङ्‌छ़ङ कामु झारासा अ़नुवाक काचि मुमादा मिन्‍मा अ़पाक्‍ने निकिना खाना त़छ़म्‍तुचिनेनि अ़ङ्‌का लोना। ओवाको काचिचि अ़नुवाक म़मु खोन्‍कि झारा म़नाचिओ निकि अ़नुवाक य़ङ ओ।

हिब्रु 11:17

निनाम्‍हाङ्‌आ अब्राहाम अ़चिन्‍ताखाहिदा खोसाआ साकोङ्‌छ़ङ्‌लाम्‍पा अ़क्‍छा ओन्‍ङा ओ अ़छा इसहाक हेन्‍खोक्‌वा प़सि चुम्‍सान्‍चिन।

हिब्रु 13:9

अ़खाला-खालाओ मान्‍सिन्‍माय़ङ्‌ओ चिन्‍माय़ङ्‌चिआ खानानिन ऩतित्‍तिन्‍खातिमिन्‍ने। देकिनालो चामायु दुङ्‌मायुओ य़ङ्‌हुप्‌आ माआङ, मेन निनाम्‍हाङ्‌ओ अ़चुसोमातुक्‍माआ साकोङ्‌वा छोलो मुमादा अ़नुवाक मु। चामायु दुङ्‌मायुओ य़ङ्‌हुप्‌आ मो य़ङ्‌हुप कात़ङ्‌चि नुलोक मान्‍मुयुक्‍तुचि।

याकुब 1:16

अ़ङ्‌का सोमातुक्‍नाङ्‌नानिन्‌ओ ब़ब़, नाना खोन्‍कि निछाचि ओ, मान्‍धादानिन।

याकुब 2:16

खानानिन्‌एदाओ अ़क्‍छाआ खो, “नुलोक खारा, हाक्‍लो युङा, आम्‍बुक खालो चा”नि ओन्‍ङा लो, मेन खोसोओ अ़पोक्‌ओ निकि दोत्‌ओ सामाचि अ़प़न्‌नालो खोसाआ दि तोक्‍तु कि?

याकुब 2:18

मेन अ़क्‍छा म़ना य़ङ्‌मा ऱ, “खानाएदा साकोङ्‌छ़ङ याक्‌याङ, अ़ङ्‌काएदा काचिचि। काचि मात्‍द़ङ्‌ओ आम्‍साकोङ्‌छ़ङ अ़ङ्‌का खाङ्‌मेत्‍ताङ, खोन्‍कि काचि मुङाकि अ़ङ्‌साकोङ्‌छ़ङ खाना खाङ्‌मेत्‍ना।”

याकुब 2:26

देत्‍नि याम लावादाङ्‌का फेक्‌हिदा स़दा, मोवात्‍निङा साकोङ्‌छ़ङ्‌छाङ काचिदाङ्‌का फेक्‌हिदा स़दा।

२ पत्रुस 1:5

मोवात्‍निओसाआङा, झाराकापाराओ मुमालाम्‍पा आम्‍नुओ साकोङ्‌छ़ङ्‌दा अ़नुवाक नुमा खोन्‍कि अ़नुवाक नुमादा ताया तेप्‍तानुम।