याकुब 1:9 - बान्‍तावा राई

⁹ मान्‍तोक्‍कादा साकोङ्‌छ़ङ कामुचिओ, आम्‍नुओ ऩङानुसानिन्‍चिन, देकिनालो निनाम्‍हाङ्‌आ खानानिन ऩझोइसिन।

याकुब 1:9 ပူးပေါင်းရင်းမြစ်များ

लुका 1:52

खोक्‍कोसाआ हाङ्‌चि हाङ्‌युङ्‌खाचोक्‌दुङ्‌का म़धान्‍तुयुङ्‌सुचि खोन्‍कि अ़चुप्‍पो म़नाचि म़झोइसुलोइसुयुङ्‌सुचि।

लुका 10:20

खोन्‍नुछाङ चाकावालावाचि आम्‍नुओ क़म्‍मादा म़याक्‌याङ निकि आम्‍नुओ ऩङानुमा माआङ, मेन आम्‍नुओ ऩङ निनाम्‍मादु छाप्‍तायुङ्‌सा निकि आम्‍नुओ ऩङानुने।”

लुका 14:11

देकिनालो साङ आप्‍पि झोन्‍नान्‍चिन, मो सिम, खोन्‍कि साङ आप्‍पि सिम्‍नान्‍चिन, मो झोन।”

लुका 9:48

खोन्‍कि मोचि म़लोचि, “साङ्‌आ अ़ङ्‌ऩङ्‌दा ओवाको छा लोउ, मोसाआ अ़ङ्‌का अ़लोक्‍ङा। खोन्‍कि साङ्‌आ अ़ङ्‌का अ़लोक्‍ङा, मोसाआ अ़ङ्‌का काछुत्‍पा लोउ। खानानिन्‌एदा झारादाङ्‌का अ़चुप्‍पो झारादाङ्‌का अ़धुवा ओ।”

रोमि 8:17

हान आन्‍कान अ़चुछाचि ओनालो आन्‍कान अ़चुपाङ्‌यिचिछाङ ओ। अ़नुछ्‍याङा निनाम्‍हाङ्‌ओ अ़चुपाङ्‌यि खोन्‍कि ख्रिस्‍तएनान अ़क्‍नि पाङ्‌यिचि ओ। खोक्‍कोएनान अ़क्‍नि आन्‍कान दुखा आङ्‌तुम्‌नालो आन्‍कान खोक्‍कोओसो अ़चुसाम्‌छाङ तोक्‍तुम।

२ कोरिन्‍थि 6:10

आन्‍काओ राक स़याङ, खोन्‍नुछाङ अ़धुन आन्‍काओ ऩङानुसिन्‍चिन्‍का। मान्‍तोक्‍कादानुछाङ, ब़द्‍धेकापाङ कातोक मुम्‍च़म्‍का, दित्‍छाङ मात्‍द़ङ्‌नुछाङ आन्‍कान्‍काएदा झारा सामाचि म़याक्‌याङ।

फिलिप्‍पि 3:14

खोन्‌ओसा निनाम्‍मादुओ सिरिफा तोक्‍मा मित्‍चिऩङ्‌आ बुया लोत्‍ङाङा। निनाम्‍हाङ्‌आ ओसोओ निम्‍पाङ ख्रिस्‍त येसुलाम्‍पा निनाम्‍मादुत्‍नि ऩबुत्‍ताङ्‌ओ।

फिलिप्‍पि 3:3

देकिनालो सेङ्‌लावालाम्‍पा काब़क आन्‍कान्‌ङा ओ, खोन्‍कि ख्रिस्‍त येसुआ दि अ़मुवायुङ्‌सा मोदा आन्‍कान तोक्‍पो कालि खोन्‍कि च़माथाङ्‌मादा सोम्‍कुवा मान्‍मुकादा अ़नुछ्‍याओ सिप्‍मायाम्‍बुन कापाक आन्‍कान्‌ङा ओ।

१ पत्रुस 2:9

मेन खानानिन छेन्‍माय़ङ रावा ओ, हाङ्‌ओ अ़चुकाब़क्‍पाचि, त़सेङिन्‌येन्‌ओ म़नाचि, निनाम्‍हाङ्‌ओ आप्‍पिओ अ़चुम़नाचि ओ। खोक्‍कोसाआ खानानिन कुन्‌यामादाङ्‌का म़दोम्‍दाओ साम्‌दा ऩबुत्‍तिन, खोन्‌ओसा खोक्‍कोसोओ म़दोम्‍दाओ अ़चुकाचिचि खानानिन्‌आ खात़लुसुम्‍ने।

खाङ्‌मुमा 2:9

अ़ङ्‌का आम्‍दुखाचि खोन्‍कि आम्‍मान्‍तोक्‍दामाचि सिन्‍तुङ्‌योङ्‌च़ङ। मेन खाना कातोक त़मुयाङ! साङ आप्‍पि यहुदिनि म़लोनानान्‍चिन, मोचिआ खानानिन ऩसुङ्‌तिन्‌येन्‌ओ अ़ङ्‌का सिन्‍तुङ्‌योङ। मोचि यहुदिचि माआङ, मेन सैतानाओ अ़रुहुप्‌चि ओ।