याकुब 1:27 - बान्‍तावा राई

²⁷ आन्‍निनाम्‍हाङ पापाओ अ़चुबुदा सेङ्‌याङ्‌ओ खोन्‍कि मान्‍पोप्‌ओ साम्‌योक ओङा ओ: अ़चाअ़त्‍मादा म़छुक्‍ताओ हेत्‍छाकुवाचि खोन्‍कि मेन्‍मित्‍माचि खाङ्‌माचि खोन्‍कि हेन्‍खामादाओ अ़अ़त्‍पा य़ङ्‌चिदाङ्‌का मान्‍पोप्‌दामान्‍चिन ओ।

याकुब 1:27 ပူးပေါင်းရင်းမြစ်များ

मत्‍ति 12:32

साङ म़नाओ अ़छाओ अ़देङ्‌सालाप्‍पादा चेप, मो अ़लेत। मेन साङ सेङ्‌लावाओ अ़देङ्‌सालाप्‍पादा चेप, मो ओ जुगादा खोन्‍कि तायाङ्‌ओ जुगादाछाङ अ़लेत्‍निन।

मत्‍ति 5:8

सेङ्‌याङ्‌ओ अ़चुसाकोङ्‌वा याक्‌याङ्‌ओचि आसिखा कातोक्‌चि ओ, देकिनालो मोचिआ निनाम्‍हाङ अ़खाङ।

लुका 1:6

मोचि ह़वाङ्‌साआ निनाम्‍हाङ्‌ओ अ़चुमिन्‍मावात्‍नि अ़नुवाक ह़ङ्‌म़ङ ह़ङाङाचि। निनाम्‍हाङ्‌ओ झारा लोमाय़ङ्‌चि खोन्‍कि य़ङ्‌हुप्‌चि खोचिआ मान्‍धान्‍केमाङ अ़मुवाचुचि।

रोमि 12:2

ओ हेन्‍खामादाओ अ़च़माथाङ्‌माचिवा मान्‍च़दानिन, मेन आम्‍नुओ मिन्‍मादा अ़ऩङ्‌वा लिसानिन्‌कि झारा फान्‍तानिन्‍चिन। खोन्‍किना निनाम्‍हाङ्‌ओ अ़नुवाक, अ़चुऩङानुओ खोन्‍कि अ़छ़ङ अ़चुमिन्‍मा दि ओ, मो खानानिन्‌आ सिन्‍मा त़ऱम।

रोमि 2:13

देकिनालो य़ङ्‌हुप काएन्‌चि निनाम्‍हाङ्‌ओ अ़चुबुदा साम्‌योक्‍मि ऩकान्‍निन, मेन य़ङ्‌हुप्‌वा काच़चि अ़चुओ लिप्‍पादा साम्‌योक्‍मि म़काइसुचि।

गलाति 1:4

आन्‍निनाम्‍हाङ पापाओ अ़चुमिन्‍मावा येसु ख्रिस्‍तआ आइमित्‌ओ अ़अ़त्‍पा हेन्‍खामादाङ्‌का आन्‍कान फोङ्‌लोइसि आन्‍हेवाचिओ अ़फान्‌दा खोक्‍को आप्‍पि म़पुवान्‍चिन।

गलाति 3:11

निनाम्‍हाङ्‌ओ अ़चुबुदा य़ङ्‌हुप्‌लाम्‍पा खाक्‍कोछाङ म़ना साम्‌योक्‍मि अ़कान्‍निन्‌ओ य़ङ छेङ्‌छेङ्‌छेङ्‌वा मुयाङ। देकिनालो “साम्‌योक्‍मि साकोङ्‌छ़ङ्‌लाम्‍पा ह़ङ।”

गलाति 5:6

ख्रिस्‍त येसुएदा सिप्‍मायाम्‍बुन पाक्‍तुम्‌नुछाङ अ़पाक्‍तिमिन्‌नुछाङ मो अ़च़वाङ य़ङ माआङ। मेन साकोङ्‌छ़ङ सोमातुक्‍मालाम्‍पा खाङ्‌मु।

गलाति 6:14

मेन आन्‍हाङ्‌पा येसु ख्रिस्‍तओ अ़चुक्रुस्‌दाङ्‌का नि खाक्‍कोछाङ य़ङ्‌दा तोक्‍पो लिमा अ़ङ्‌काएदाङ्‌का अ़थाया लिने। मो क्रुस्‌लाम्‍पा हेन्‍खामाओ अ़तुक्‌वादा अ़ङ्‌का सुवाङ। हेन्‍खामा अ़ङ्‌काएदा अ़सावा मात्‍द़ङ लिसायुङ्‌सा।

एफिसि 2:2

मोन्‍ग़रि खानानिन ओ हेन्‍खामादाओ अ़अ़त्‍पा लाम्‌दा त़कोलिन्‌येन। खानानिन्‌आ नाम्‍छ़ऱदुओ सावाओ अ़हाङ्‌पा त़त़ङ्‌तुम्‌योम, मो लावाङा निनाम्‍हाङ्‌आ लोमाय़ङ्‌वा मान्‍च़कादा छाचिएदा आइमित काचि मुयाङ।

१ तिमोथि 1:5

अ़ङ्‌को ओ लोमाय़ङ्‌ओ मित्‍चिऩङ ओवाको ओ: सेङ्‌याङ्‌ओ साकोङ्‌वा, अ़नुवाक छेन्‍खाताया खोन्‍कि अ़नुछ्‍याओ साकोङ्‌छ़ङ्‌लाम्‍पा ताओ सोमातुक्‍माआ म़भेप्‍तुचिने।

१ तिमोथि 5:4

अ़क्‍छा मेन्‍मित्‍माओ अ़छाचि माङ्‌लो अ़छुन्‍छाचि म़युङ्‌याङ्‌नालो मोचिआ बुया अ़चुखिम्‍लुम्‍पादा अ़चुओ साम्‌योक्‍मि काचि मुमा म़चिन्‍नान्‍चिन्‍ने, खोन्‍कि मोवात्‍नि अ़चुमा पाचिओ खोन्‍कि अ़चुदिवादिमाचिओ अ़चुनाक अ़लाछोन्‍ने, देकिनालो ओ निनाम्‍हाङ्‌ओ अ़चुखाङ्‌मादा लोक्‍मा खान्‍तुओ मुयाङ।

तितस 2:12

ओ सोम्‍तुक्‍माआ आन्‍कान खान्‌अ़त्‌ओ ह़ङ्‌म़ङ खोन्‍कि हेन्‍खामादाओ च़क्‍ख़य़ छित्‍म़मेत, खोन्‍कि ओ सोम्‍तुक्‍माआ आन्‍कान आप्‍पि क़म्‍तिन्‍चिन्‌कि ओ हेन्‍खामादा निनाम्‍हाङ्‌ओ अ़चुमिन्‍मावा च़मा खोन्‍कि निनाम्‍हाङ्‌एनान तोङ्‌ओ ह़ङ्‌म़ङ क़प्‍मा ऱम।

याकुब 3:17

मेन निनाम्‍मादुङ्‌का य़ओ खारु बुयाङा अ़च़क़ल़क खोन्‍कि मो तोङ्‌मा काऱ मु, हुङ्‌मा काऱ मु, लोमावा काकाङ मु, सोमाकातुक मु, अ़नुवाक सिवा कासि मु, लिप्‍पा मान्‌वाङ्‌कादा मु खोन्‍कि कोङ्‌क़त्‌वा अ़मुनिन।

याकुब 3:9

ओ लेम्‌आ आन्‍कान हाङ्‌पा खोन्‍कि निनाम्‍हाङ पापा चोन्‍तुम्‌योम, खोन्‍कि ओ लेम्‌आङा आन्‍कान निनाम्‍हाङ्‌ओ अ़चुकात्‍मादा म़मुयुचिओ म़नाचि माङ्‌हिम्‍सुम्‍च़म।

याकुब 4:4

ताङ्‌लान कामु म़नाचि ओ, हेन्‍खामाएनान यावाकामु ना निनाम्‍हाङ्‌ओ अ़चुङेङ्‌ओनि दि खानानिन त़सिन्‍तिमिन्‌येन? खोन्‌ओसा साङ हेन्‍खामाओ अ़यावा लिमा लाम, मो निनाम्‍हाङ्‌ओ अ़चुङेङ लि।

२ पत्रुस 1:4

ओलाम्‍पाङा अ़लुङ्‌स़रिओ खोन्‍कि तोक्‍पो अ़चुहिप्‍माय़ङ्‌चि आन्‍कान म़पुवायुङ्‌सा, खोन्‌ओसा ओ हेन्‍खामादाओ पोप्‍माय़ङ अ़अ़त्‍पा मित्‍माचिदाङ्‌का फुङ्‌सानिन खोन्‍किना खानानिन निनाम्‍हाङ्‌ओ अ़चुच़माथाङ्‌मादा वाङानिन।

२ पत्रुस 2:20

मेन मोचि आन्‍हाङ्‌पा खोन्‍कि कालेन्‍पा येसु ख्रिस्‍त अ़सिन्‌किछाङ हेन्‍खामादाओ अ़अ़त्‍पा य़ङ्‌चिदाङ्‌का म़फ़न्‍नान्‍चिन्‌कि हेवादा म़लावाङ खोन्‍कि मोसाआ क़म्‍तुचिनालो मोचि बुयाओदाङ्‌का आदेङ च़लोक अ़त्‍लो म़लि।

२ पत्रुस 3:14

खोन्‌ओसा सोमातुक्‍नाङ्‌नानिन्‌ओ अ़ङ्‌यावाचि ओ, ओ य़ङ्‌चि काहुङ्‌चिओसा निनाम्‍हाङ्‌ओ अ़चुखाङ्‌मादा खानानिन थुपि खोन्‍कि ह़त्‍माय़ङ मात्‍द़ङ्‌ओ सेवाङ्‌निओ ह़ङ्‌म़ङ ह़ङानिन।

१ युहन्‍ना 5:18

आन्‍कान सिन्‍तुम्‌योम, आन्‍कान निनाम्‍हाङ्‌एदाङ्‌का लिसिन्‌ओ साङ्‌छाङ हेवा अ़मुनिन, मेन निनाम्‍हाङ्‌आङा मो अ़रात, खोन्‍कि सैतानाआ मो नोप्‍मा अ़ऱन।