याकुब 1:14 - बान्‍तावा राई

¹⁴ मेन झारा म़नाचि अ़चुअ़अ़त्‍पा मित्‍माओ च़क्‍ख़य़लाम्‍पा चिन्‍माखाङ्‌मादा म़छुक।

याकुब 1:14 ပူးပေါင်းရင်းမြစ်များ

मत्‍ति 15:18

मेन खाक्‍को य़ङ्‌चि दोदाङ्‌का म़लोन, मोचि साकोङ्‌वादाङ्‌का म़लोन, खोन्‍कि मो य़ङ्‌चिआ मो म़ना पोप्‍तु।

मत्‍ति 15:20

ओ य़ङ्‌चिआ म़नाचि पोप्‍तुचि। मेन छुक वामान्‍स़माङ चामाआ म़नाचि अ़पोप्‍तुन्‍चिन।”

मत्‍ति 4:1

खोन्‍किना येसु सैतानाओ अ़धान्‍मा लाप्‍मादा छुक्‍माओ निम्‍पाङ सेङ्‌लावाआ खोक्‍को लेक्‍लेक्‍लेक्‌वाओदा अ़खात्‍ता।

मत्‍ति 5:28

मेन अ़ङ्‌का लोनाङ्‌नानिन, साङ्‌आ खाक्‍को मेत्‍छामा अ़त्‍लो अ़मित्‍माआ खा, खोसाआ बुयाङा अ़साकोङ्‌वादा मोएनान ताङ्‌लान मुचिउ।

रोमि 7:11

देकिनालो हेवाआ लोमाय़ङ्‌लाम्‍पा अ़वाखाम तोक्‍तुकि अ़ङ्‌का अ़म़प्‍ताङ, खोन्‍कि मो लोमाय़ङ्‌लाम्‍पा अ़ङ्‌का अ़सेराङ।

रोमि 7:13

खोन्‍नालो दि अ़नुवाक मुयाङ, मोसाआ अ़ङ्‌को निम्‍पाङ स़मा तारु म़ल़क? देम्‍खाछाङ माआङ! मेन हेवा, हेवावात्‍नि सिन्‍ने निम्‍पाङ अ़नुवाक य़ङ्‌लाम्‍पा हेवाआ अ़ङ्‌काएदा स़मा तारुयुङ्‌सु, खोन्‌ओसा लोमाय़ङ्‌लाम्‍पा हेवा अ़न्‍नुनु हेवामि लिमा ऱने।

एफिसि 4:22

म़प्‍मा मित्‍माआ अ़त्‍लो लिसाओ आम्‍नुओ बुयाओ ह़ङ्‌म़ङ्‌ओ च़माथाङ्‌माओ अ़तुक्‌वादा बुयाओ आम्‍नुओ ह़ङ्‌म़ङ छिरानुम,

हिब्रु 3:13

मेन “आय़ओ लेन”निओ य़ङ युङ्‌याङ्‌तारि अ़लेन्‍खिन्‍तुम अ़क्‍छा निएदा राक प़मुवानिन, खोन्‌ओसा हेवाओ म़प्‍माआ आम्‍नुओ साङ्‌कोछाङ साकोङ्‌वा छाक्‍लो अ़लिनिन्‍ने।

याकुब 1:13

साङ्‌छाङ चिन्‍माखाङ्‌मादा छुक्‌ओ ग़रि “निनाम्‍हाङ्‌लाम्‍पा अ़ङ्‌चिन्‍माखाङ्‌मा लिसाओ”नि अ़य़ङ्‌निन्‍ने। देकिनालो निनाम्‍हाङ्‌ओ अ़चुचिन्‍माखाङ्‌मा अ़अ़त्‍पालाम्‍पा अ़लिनिन, खोन्‍कि खोक्‍कोसाआछाङ खाक्‍कोछाङ म़ना ऩचिन्‍तुन्‍खान।

याकुब 1:15

खोन्‍किना अ़अ़त्‍पा मित्‍माआ हेवा म़मेत्‍तुचि, खोन्‍कि हेवा पोन्‍किना स़खादा तित्‍तुचि।