हिब्रु 9:7 - बान्‍तावा राई

⁷ मेन थेम्‍खातित्‌ओ अ़देङ्‌दाओ खोप्‌दा मुलो काब़क्‍पा ओन्‍ङा अ़क दोङ्‌दा अ़क्‍दु वाङाङा। ह़ मात्‍द़ङ देम्‍खाछाङ मान्‌वाङ्‌याङ। खोन्‍कि मो ह़ खोसोओ निम्‍पाङ खोन्‍कि म़नाचि मान्‍सिन्‍माङ अ़मुवाओ अ़चुहेवाचिओ निम्‍पाङ अ़पुवाङा।

हिब्रु 9:7 ပူးပေါင်းရင်းမြစ်များ

एफिसि 4:18

मोचिओ अ़चुसाकोङ्‌वाओ अ़छाक्‍माआ तारुओ अ़चुखामान्‍सिन्‍दामाआ मोचि निनाम्‍हाङ्‌ओ अ़चुह़ङ्‌मादाङ्‌का अ़थाया म़लिसायुङ्‌सा, खोन्‍कि मोचिओ अ़चुछेन्‍खाताया कुइयामा लिसायुङ्‌सा।

हिब्रु 10:3

मेन मो हेन्‍खोक्‌वाचिआ अ़दोङ्‌खिन्‍तुम हेवा मित्‍म़मेत।

हिब्रु 6:19

ओ सोम्‍कुवा आन्‍लावाओ निम्‍पाङ अ़तुङ्‌निन्‌ओ क़क्‍खावाको मुयाङ। ओ सोम्‍कुवाआ आन्‍कान अ़चुथेम्‍खातित हुत्‌दाओ सेङ्‌याङ्‌ओदा म़तित।

हिब्रु 7:27

नि मुलो काब़क्‍पाचिआ बुया अ़चुहेवाचिओ निम्‍पाङ खोन्‍कि म़नाचिओ अ़चुहेवाओ निम्‍पाङ अ़लेन्‍खिन्‍तुम हेन्‍खोक्‌वा प़मायुङ्‌मा दोराङा। मेन येसुआ मान्‍दोत। खोक्‍को आप्‍पि हेन्‍खोक्‌वा म़लिसाकि म़नाचिओ अ़चुहेवाचिओ निम्‍पाङ खोक्‍कोसाआ मो काचि अ़धुन्‌ओ निम्‍पाङ अ़क्‍धुवा अ़मुवा।

हिब्रु 9:3

मो ह्‍वा खोप्‌ओ अ़चुकाप्‌दा अ़क्‌तात थेम्‍खातित क़ङ्‌सायुङ्‌सा। मोसोओ अ़देङ्‌लिप्‍पा तोक्‍पो सेङ्‌याङ्‌ओ खोप्‌नि लोवाङा।