हिब्रु 8:6 - बान्‍तावा राई

⁶ मेन येसुआ अ़तोक्‍ताओ ब़क्‍मा काचि नि तोक्‍पो काब़क्‌चिदाङ्‌का च़लोक तोक्‍पो मुयाङ। मोवात्‍निङा निनाम्‍हाङ खोन्‍कि खोक्‍कोसोओ अ़चुम़नाचिएदा येसुआ तुम्‍माय़ङ अ़ऩङ्‌वा य़ङ्‌छ़ङ अ़मुवाओ बुया मुमाय़ङ य़ङ्‌छ़ङ्‌दाङ्‌का तोक्‍पो मुयाङ। देकिनालो ओ य़ङ्‌छ़ङ्‌चिदा अ़नुवाक हिप्‍माय़ङ्‌चि म़याक्‌याङ।

हिब्रु 8:6 ပူးပေါင်းရင်းမြစ်များ

लुका 22:20

अ़नाम्‍प़क्‌ओ चा म़चाचिआकि येसुआ मोवात्‍निङा लाङ्‌चोक्‍खुङ अ़क़क्‍ताकि म़लोचि, “ओ लाङ्‌चोक्‍खुङ्‌दाओ अङ्‌गुरा माङ्‌वा आम्‍नुओ निकि सोन्‌ओ अ़ङ्‌ह़लाम्‍पा मुमाय़ङ अ़ऩङ्‌वा य़ङ्‌छ़ङ ओ।

रोमि 9:4

मोचि इस्राएलिचि ओ, खोन्‍कि मोचि निनाम्‍हाङ्‌आ म़छेन्‍तुचिओ अ़चुतात्‍मा छाचि ओ। निनाम्‍हाङ्‌आ मोचि खोक्‍कोसोओ अ़चुसाम खाङ्‌म़मेत्‍तुचि। खोक्‍कोसाआ मोचि अ़छ़ङ म़हिप्‍तुचि, खोन्‍कि य़ङ्‌हुप म़प़चि। खोक्‍कोसाआ खोक्‍को ब़क्‍मा खोन्‍कि हिप्‍माय़ङ्‌चि तोक्‍माओ अ़वाखाम म़प़चि।

एफिसि 2:12

मित्‍तानुम, मोन्‍ग़रि खानानिन ख्रिस्‍त मात्‍द़ङ त़युङिन्‌येन। इस्राएल्‌दाओ ताङ्‌युङ्‌दाङ्‌का ऩलोइसिन्‍खाइसिन, खोन्‍कि हिप्‍माय़ङ्‌ओ अ़छ़ङ दुम्‌चिदाङ्‌का तावाङ्‌चि, सोम्‍कुवा मात्‍द़ङ्‌ओ खोन्‍कि ओ हेन्‍खामादा निनाम्‍हाङ मात्‍द़ङ त़लिसिन्‌युङ्‌सिन।

१ तिमोथि 2:5

देकिनालो निनाम्‍हाङ अ़क्‍छा ओन्‍ङा म़युङ्‌याङ, निनाम्‍हाङ खोन्‍कि म़नाचिओ अ़चुरादा कातुम अ़क्‍छा ओन्‍ङा म़युङ्‌याङ, म़ना ख्रिस्‍त येसु।

तितस 1:2

ओ साकोङ्‌छ़ङ्‌लाम्‍पा आन्‍कान अ़लुक्‍निन्‌ओ ह़ङ्‌म़ङ तोक्‍तुम निकिना तामामित्‍मा मुन। देम्‍खाछाङ सोज्‍जेओ मान्‍चेप्‍कादा निनाम्‍हाङ्‌आ निनाम्‍मा हेन्‍खामा मुन्‍मा बुयाङा आन्‍कान ओ ह़ङ्‌म़ङ प़नानिन निकिना म़हिप्‍तायुङ्‌साओ।

हिब्रु 12:24

खानानिन अ़ऩङ्‌वा य़ङ्‌छ़ङ कातुम येसुएदा त़तान्‌युङ्‌सिन। रेम्‍माय़ङ खोक्‍कोसोओ अ़चुह़ हाबिल्‌ओ अ़ह़दाङ्‌का च़लोक अ़नुवाक य़ङ खालुसु।

हिब्रु 7:22

ओ किरेआ येसुआ निनाम्‍हाङ्‌एनान अ़नुवाक य़ङ्‌छ़ङ आन्‍कान अ़छ़ङ म़मेत्‍प़।

२ पत्रुस 1:4

ओलाम्‍पाङा अ़लुङ्‌स़रिओ खोन्‍कि तोक्‍पो अ़चुहिप्‍माय़ङ्‌चि आन्‍कान म़पुवायुङ्‌सा, खोन्‌ओसा ओ हेन्‍खामादाओ पोप्‍माय़ङ अ़अ़त्‍पा मित्‍माचिदाङ्‌का फुङ्‌सानिन खोन्‍किना खानानिन निनाम्‍हाङ्‌ओ अ़चुच़माथाङ्‌मादा वाङानिन।