हिब्रु 8:3 - बान्‍तावा राई

³ झारा मुलो काब़क्‍पाचि छुक्‍दाम खोन्‍कि हेन्‍खोक्‌वा प़सि म़छेन्‍तुचि, मोवात्‍निङा आन्‌येसु मुलो काब़क्‍पा म़मुयाङ, खोक्‍कोसाआछाङ छुक्‍दाम प़मा दोराङा।

हिब्रु 8:3 ပူးပေါင်းရင်းမြစ်များ

युहन्‍ना 6:51

निनाम्‍मादुङ्‌का धाओ अ़ह़ङ पेम्‍पाक अ़ङ्‌काङा ओ। साङ्‌आ ओ पेम्‍पाक चा, मो अ़धुन्‌तारि ह़ङ। खोन्‍कि खाक्‍को पेम्‍पाक अ़ङ्‌का हेन्‍खामादाओ ह़ङ्‌म़ङ्‌ओ निम्‍पाङ प़ङ, मो अ़ङ्‌पोक ओ।”

रोमि 4:25

येसु आन्‍हेवाचिओ निम्‍पाङ म़सुवा खोन्‍कि आन्‍कान साम्‌योक्‍मि कान्‍माओ निम्‍पाङ म़सुवादाओदाङ्‌का निनाम्‍हाङ्‌आ अ़लासाखोन्‍तालोइसा।

रोमि 5:6

देकिनालो आन्‍कान मान्‍ऱदान्‌येन्‌्‌हिदाङा ख्रिस्‍त मान्‍साम्‌योक्‍मिचिओ निम्‍पाङ तोङाङाओ ग़रि म़सुवा।

रोमि 5:8

मेन निनाम्‍हाङ्‌आ आन्‍कान्‌एदा खोक्‍कोसोओ तोक्‍पो अ़चुसोम्‍तुक्‍मा ओवात्‍नि खाङ्‌अ़मुसा, आन्‍कान हेवामि युङिन्‌येन्‌हिदाङा ख्रिस्‍त आन्‍को निम्‍पाङ म़सुवा।

गलाति 2:20

अ़ङ्‌का ख्रिस्‍तएनान क्रुस्‌दा ख़न्‍ताङ्‌युङ्‌साङ। हान्‌दाङ्‌का काह़ङ अ़ङ्‌का माआङ, मेन ख्रिस्‍त अ़ङ्‌काएदा म़ह़ङ। ओन्‍ग़रि अ़ङ्‌का पोक्‌दा ह़ङ्‌ङाङा, मो ह़ङ्‌म़ङ निनाम्‍हाङ्‌ओ अ़चुछाएदा सोम्‍कुवालाम्‍पा ह़ङ्‌ङा। खोक्‍कोसाआ अ़ङ्‌का सोमाऩतुक्‍ताङ खोन्‍कि अ़ङ्‌को निम्‍पाङ खोक्‍को आप्‍पि म़पुवान्‍लावान्‍चिन।

एफिसि 5:2

देत्‍नि ख्रिस्‍तआ आन्‍कान सोमाम़तुक्‍ता खोन्‍कि निनाम्‍हाङ्‌ओ निम्‍पाङ नाम्‍नुयाङ्‌ओ छुक्‍दाम खोन्‍कि हेन्‍खोक्‌वावात्‍नि म़लिसाकि खोक्‍को आप्‍पि आन्‍को निम्‍पाङ म़सुवा, मोवात्‍नि खानानिन्‌छाङ सोमातुक मुवानिन।

तितस 2:14

झाराकापाराओ आन्‍हेवादाङ्‌का आन्‍कान फोङ्‌सि, आन्‍कान सेङ्‌सि, खोन्‍कि अ़नुवाक काचि मुमा कास़ आप्‍पिओ अ़चुम़ना मुसि येसु ख्रिस्‍तआ आन्‍को निकि अ़चुह़ङ्‌म़ङ म़पुवा।

हिब्रु 2:17

खोन्‌ओसा खोक्‍को सोमाकातुक खोन्‍कि सोम्‍कुवा मुमायु मुलो काब़क्‍पा म़लिसाकि निनाम्‍हाङ अ़ब़क्‍ने निकिना झारा य़ङ्‌चिदा अ़चुनिछाचिवात्‍नि लिमादोरा। मोवात्‍नि म़लिसाकिना खोक्‍को म़नाचिओ अ़चुहेवाचि लेत्‍मा हेन्‍खोक्‌वा काप़ म़लिसा।

हिब्रु 3:1

खोन्‌ओसा निनाम्‍हाङ्‌आ ऩबुत्‍तिन्‌ओ त़सेङियेन्‌ओ अ़ङ्‍ब़ब़, नाना, खोन्‍कि निछाचि ओ, निनाम्‍हाङ्‌आ अ़छाम्‍साओ खोन्‍कि मुलो काब़क्‍पानि आन्‍कान य़ङिन्‌ओ येसु मित्‍तानुम।

हिब्रु 5:1

झारा मुलो काब़क्‍पा अ़चुओ म़नाचिदाङ्‌का म़छेन्‍तुचि। खोन्‍कि म़नाचिओ लिप्‍पादा हेवाओ निम्‍पाङ निनाम्‍हाङ्‌एदा छुक्‍दाम खोन्‍कि हेन्‍खोक्‌वाचि प़सि म़पाउचि।

हिब्रु 7:27

नि मुलो काब़क्‍पाचिआ बुया अ़चुहेवाचिओ निम्‍पाङ खोन्‍कि म़नाचिओ अ़चुहेवाओ निम्‍पाङ अ़लेन्‍खिन्‍तुम हेन्‍खोक्‌वा प़मायुङ्‌मा दोराङा। मेन येसुआ मान्‍दोत। खोक्‍को आप्‍पि हेन्‍खोक्‌वा म़लिसाकि म़नाचिओ अ़चुहेवाचिओ निम्‍पाङ खोक्‍कोसाआ मो काचि अ़धुन्‌ओ निम्‍पाङ अ़क्‍धुवा अ़मुवा।

हिब्रु 8:4

खोक्‍को ओ हेन्‍खामादाङा म़युङाङाओदे ना खोक्‍को काब़क्‍पा मान्‍लिचिओ। देकिनालो यहुदि य़ङ्‌हुप्‌दा याक्‌याङ्‌वा छुक्‍दाम काप़ काब़क्‍पाचि ना म़युङ्‌याङ्‌ङा।

हिब्रु 9:14

ओ अ़छ़ङ य़ङ ओनालो, ख्रिस्‍तओ अ़चुह़आ देम च़लोक आन्‍छेन्‍खाताया हेवा काचिचिदाङ्‌का सेङ, खोन्‌ओसा आन्‍कान अ़ह़ङ निनाम्‍हाङ ब़क्‍मा ऱम। देकिनालो खोक्‍कोसाआ अ़धुन्‌ओ लावाओ सावाआ आप्‍पि अ़च़क़ल़क हेन्‍खोक्‌वा म़लिसाकि निनाम्‍हाङ अ़पुवालावा।