हिब्रु 8:10 - बान्‍तावा राई

¹⁰ हाङ्‌पा निनाम्‍हाङ म़य़ङ्‌याङ, मो लेन अ़ङ्‌का इस्राएल्‌दाओ म़नाचिएनान ओ य़ङ्‌छ़ङ मुङ, मोचिओ अ़चुमिन्‍माचिदा अ़ङ्‌य़ङ्‌हुप युङ्‌सुङ, खोन्‍कि अ़चुओ साकोङ्‌वाचिदा मोचि छाप्‍तुङ्‌प़ङ्‌च़ङ, खोन्‍कि अ़ङ्‌का मोचिओ अ़चुनिनाम्‍हाङ लिङा, खोन्‍कि मोचि अ़ङ्‌म़नाचि म़लि।

हिब्रु 8:10 ပူးပေါင်းရင်းမြစ်များ

२ कोरिन्‍थि 3:3

खानानिन ख्रिस्‍तआ आन्‍काओ काचिलाम्‍पा ऩछाप्‍तिन्‌ओ अ़चुछाप्‍लावाचिओ निओ य़ङ छेङ्‌छेङ्‌छेङ्‌वा मुयाङ। ओ छाप्‍लावा च़क्‍मावाआ माआङ, मेन अ़ह़ङ निनाम्‍हाङ्‌ओ अ़चुलावालाम्‍पा छाप्‍ताओ। लुङ्‌ओ छाप्‍खाचिदा माआङ, मेन म़नाओ अ़चुसाकोङ्‌वाचिदाओ छाप्‍खाचिदा।

१ पत्रुस 2:9

मेन खानानिन छेन्‍माय़ङ रावा ओ, हाङ्‌ओ अ़चुकाब़क्‍पाचि, त़सेङिन्‌येन्‌ओ म़नाचि, निनाम्‍हाङ्‌ओ आप्‍पिओ अ़चुम़नाचि ओ। खोक्‍कोसाआ खानानिन कुन्‌यामादाङ्‌का म़दोम्‍दाओ साम्‌दा ऩबुत्‍तिन, खोन्‌ओसा खोक्‍कोसोओ म़दोम्‍दाओ अ़चुकाचिचि खानानिन्‌आ खात़लुसुम्‍ने।

रोमि 11:27

खोन्‍कि मोचिएनान अ़ङ्‌हिप्‍माय़ङ ओङा लि, मोन्‍ग़रि अ़ङ्‌का मोचिओ अ़चुहेवाचि खाइसुङ्‌प़ङ्‌च़ङ।”

याकुब 1:21

खोन्‌ओसा झारा अ़त्‍लो य़ङ खोन्‍कि झारा अ़अ़त्‍पादाङ्‌का फेआनिन्‍चिन, आम्‍नुओ साकोङ्‌वादा लित्‍ताओ निनाम्‍हाङ्‌ओ अ़चुय़ङ सिम्‍नान्‍चिन्‍सा लोआनुम। देकिनालो निनाम्‍हाङ्‌ओ अ़चुय़ङ्‌आ आम्‍नुओ ह़ङ्‌म़ङ रात्‍तु।

तितस 2:14

झाराकापाराओ आन्‍हेवादाङ्‌का आन्‍कान फोङ्‌सि, आन्‍कान सेङ्‌सि, खोन्‍कि अ़नुवाक काचि मुमा कास़ आप्‍पिओ अ़चुम़ना मुसि येसु ख्रिस्‍तआ आन्‍को निकि अ़चुह़ङ्‌म़ङ म़पुवा।

१ पत्रुस 1:23

निनाम्‍हाङ्‌ओ अ़ह़ङ खोन्‍कि अ़धुन युङ्‌युङ्‌ओ अ़चुय़ङ्‌लाम्‍पा, लुक्‍खात्‌ओ माआङ, मेन देम्‍खाछाङ अ़लुक्‍निन्‌ओ बिउलाम्‍पा खानानिन अ़ऩङ्‌वा त़लासिन्‍पुक्‍तिन्‌युङ्‌सिन्‍चिन।

याकुब 1:18

खोक्‍कोसोओ तोक्‍पो अ़चुमित्‍चिऩङ्‌ओ अ़छ़ङ य़ङ्‌लाम्‍पा आन्‍कान म़मुया। खोवात्‍निओसा आन्‍कान खोक्‍कोसोओ झारा अ़चुमुन्‍माय़ङ्‌चिदाओ बुयाओ अ़सिवा लिसिन्‌युङ्‌सिन।

मत्‍ति 22:32

खोक्‍को म़य़ङायुङ्‌सा, ‘अ़ङ्‌का अब्राहाम्‌ओ अ़निनाम्‍हाङ, इसहाक्‌ओ अ़निनाम्‍हाङ खोन्‍कि याकुब्‌ओ अ़निनाम्‍हाङ ओ।’ खोक्‍को म़सुवादाओचिओ अ़चुनिनाम्‍हाङ माआङ, मेन अ़ह़ङ्‌चिओ अ़चुनिनाम्‍हाङ ओ।”

हिब्रु 11:16

मेन मोचिआ अ़क्‌तात च़लोक अ़नुवाक हेन्‍कोप निनाम्‍मादुओ खिम अ़लामाङा। खोन्‌ओसा निनाम्‍हाङ मोचिओ अ़चुनिनाम्‍हाङ्‌नि लोलुमा अ़चुलेजो अ़कात्‍निन। खोन्‍कि खोक्‍कोसाआ मोचिओ निकिना अ़क्‌तात सहरा म़चुम्‍सुप़युङ्‌सुचि।

१ कोरिन्‍थि 6:16

काचान्‍चामाएदा काखात म़ना खो मोएनान अ़क पोक लिचि निकिना दि खानानिन त़सिन्‍तिमिन्‌येन? देकिनालो साम्‍कालिन्‌दा ओवात्‍नि छाप्‌याङ, “मो ह़वाङ्‌माङ अ़क पोक लिचि।”