हिब्रु 8:1 - बान्‍तावा राई

¹ आन्‍कान्‍का य़ङिन्‌येन्‍काओसो अ़मुलो य़ङ ओङा ओ, आन्‍को ओवाको मुलो काब़क्‍पा म़युङ्‌याङ, खोक्‍को निनाम्‍मादुओ तोक्‍पो निनाम्‍हाङ्‌ओ हाङ्‌युङ्‌खाओ अ़चुचुप्‍ताङ्‌छुक्‌लिप्‍पा म़युङ्‌याङ।

हिब्रु 8:1 ပူးပေါင်းရင်းမြစ်များ

मर्कुस 16:19

खोन्‍किना हाङ्‌पा येसु अ़चुकाखेङ्‌चिएनान म़चेवाचिआकि खोक्‍को निनाम्‍मादुत्‍नि अ़थेन्‍ताखात्‍ता, खोन्‍कि खोक्‍को निनाम्‍हाङ्‌ओ अ़चुप्‍ताङ्‌छुक्‌लिप्‍पा म़युङा।

एफिसि 6:20

देकिनालो ओसोओ निम्‍पाङ अ़ङ्‌का चोक्‍माय़आ छुम्‍माय़ङ अ़क्‍छा हाङ्‌य़ङ्‌काखुन ओ, खोन्‍कि अ़ङ्‌का देत्‍नि चेप्‍मादोत ओ, मोवात्‍नि अ़ङ्‌का मो राक्‌एनान चेप्‍मा ऱङाने।

कलस्‍सि 3:1

खोन्‌ओसा खानानिन ख्रिस्‍तएनान त़खोन्‍तिन्‍लोन्‍तिन्‌ओसाआ, निनाम्‍मादुओ य़ङ्‌चि लामानुम। मोदा निनाम्‍हाङ्‌ओ अ़चुचुप्‍ताङ्‌छुक्‌लिप्‍पा ख्रिस्‍त म़युङ्‌याङ।

हिब्रु 1:13

मेन निनाम्‍हाङ्‌आ खाक्‍कोछाङ निनाम्‍हाङ काफा, “खाना अ़ङ्‌चुप्‍ताङ्‌छुक्‌लिप्‍पा युङा, देम्‍खातारि आम्‍ङेङ्‌चि आम्‍लाङ्‌थेम्‍भेन्‌यु अ़मुऩङ्‌च़ङ”नि देम्‍खा अ़लोवा कि?

हिब्रु 1:3

येसुङा निनाम्‍हाङ्‌ओ अ़चुसाम्‌ओ अ़लेत्‍माओ, खोन्‍कि निनाम्‍हाङ देत्‍नि म़मुयाङ येसुछाङ मोवात्‍निङा म़मुयाङ। झारा हेन्‍खामा आप्‍पि अ़चुसावापोरिओ य़ङ्‌आ अ़क़क्‌याङ। आन्‍हेवाचि येसुआ वाअ़सुवाचिआकि साम्‍स़रिओ निनाम्‍हाङ्‌ओ अ़चुचुप्‍ताङ्‌छुक्‌लिप्‍पा निनाम्‍मादु खोक्‍को म़युङा।

हिब्रु 10:12

मेन ख्रिस्‍तआ ना हेवाचि अ़धुन चुम्‍माखान्‍माओ निम्‍पाङ अ़क्‌तात्‌ङा हेन्‍खोक्‌वा अ़पुवा, खोन्‍किना खोक्‍को निनाम्‍हाङ्‌ओ अ़चुचुप्‍ताङ्‌लिप्‍पा म़युङायुङ्‌सा।

हिब्रु 12:2

आन्‍साकोङ्‌छ़ङ कापुङ खोन्‍कि काताला येसु नुलोक आन्‍म़क्‌आ खाम्‍ने। खोक्‍कोसाआ आदेङ तोक्‍माय़ङ अ़चुऩङ्‌नुमा अ़मित्‍ताकि सायापेप्‍माय़ङ क्रुस्‌दा स़माओ अ़तुक्‌वादा दित्‍छाङ मान्‍मित्‌अ़दा। खोन्‌ओसा ओन्‍ग़रि खोक्‍को निनाम्‍हाङ्‌ओ अ़चुहाङ्‌युङ्‌खाओ अ़चुचुप्‍ताङ्‌छुक्‌लिप्‍पा म़युङ्‌याङ।

हिब्रु 2:17

खोन्‌ओसा खोक्‍को सोमाकातुक खोन्‍कि सोम्‍कुवा मुमायु मुलो काब़क्‍पा म़लिसाकि निनाम्‍हाङ अ़ब़क्‍ने निकिना झारा य़ङ्‌चिदा अ़चुनिछाचिवात्‍नि लिमादोरा। मोवात्‍नि म़लिसाकिना खोक्‍को म़नाचिओ अ़चुहेवाचि लेत्‍मा हेन्‍खोक्‌वा काप़ म़लिसा।

हिब्रु 3:1

खोन्‌ओसा निनाम्‍हाङ्‌आ ऩबुत्‍तिन्‌ओ त़सेङियेन्‌ओ अ़ङ्‍ब़ब़, नाना, खोन्‍कि निछाचि ओ, निनाम्‍हाङ्‌आ अ़छाम्‍साओ खोन्‍कि मुलो काब़क्‍पानि आन्‍कान य़ङिन्‌ओ येसु मित्‍तानुम।

हिब्रु 4:14

मोवात्‍नि निनाम्‍मादु काखात निनाम्‍हाङ्‌ओ अ़चुछा येसु आन्‍को झारादाङ्‌का तोक्‍पो मुलो काब़क्‍पा म़युङ्‌याङ्‌ओसा आन्‍कान लोउम्‌ओ ओ साकोङ्‌छ़ङ नुलोक आन्‍कान क़क्‍तुम्‌युङ्‌सुम्‍ने।

खाङ्‌मुमा 3:21

साङ छो, खो अ़ङ्‌का अ़ङ्‌हाङ्‌मुखादा अ़ङ्‌काएनान युङ्‌मा प़ङ, देत्‍नि अ़ङ्‌का आप्‍पिछाङ छोसाङ खोन्‍कि अ़ङ्‌पापाएनान खोक्‍कोसोओ अ़चुहाङ्‌युङ्‌खादा युङ्‌ङाङा।