हिब्रु 7:26 - बान्‍तावा राई

²⁶ आन्‍कान दोत्‌ओ मुलो काब़क्‍पा येसुङा ओ। खोक्‍को म़सेङ्‌याङ्‌ओ, थुपि मात्‍द़ङ्‌ओ, अ़च़क़ल़क, हेवामिचिदाङ्‌का अ़फेआकि निनाम्‍माचिदाङ्‌का धाना अ़झोइसा।

हिब्रु 7:26 ပူးပေါင်းရင်းမြစ်များ

मत्‍ति 27:18

देकिनालो यहुदिचिओ अ़चुसाम्‌योक्‍मि अ़चुबुसुवाचिओ अ़चुऩङ्‌च़आ येसु खो अ़पुवालावाओ निकिना खोसाआ नुलोक सिन्‍तुङु।

मर्कुस 16:19

खोन्‍किना हाङ्‌पा येसु अ़चुकाखेङ्‌चिएनान म़चेवाचिआकि खोक्‍को निनाम्‍मादुत्‍नि अ़थेन्‍ताखात्‍ता, खोन्‍कि खोक्‍को निनाम्‍हाङ्‌ओ अ़चुप्‍ताङ्‌छुक्‌लिप्‍पा म़युङा।

लुका 1:35

निनाम्‍हाङ काफाआ लो, “सेङ्‌लावा खानाएदा म़ता। झारादाङ्‌का तोक्‍पो निनाम्‍हाङ्‌ओ अ़चुसावा खानाएदा छुक। खोन्‌ओसा पुक्‍नान्‍चिन्‌ओ नुनु सेङ्‌लो लि, खोन्‍कि खोक्‍को निनाम्‍हाङ्‌ओ अ़चुछानि अ़लो।

लुका 23:22

खोन्‍किना सुम्‌कादुओदु पिलातस्‌आ लासुलोचि, “देकि? दि ओ म़नाआ अ़त्‍लो काचि मुयुङ्‌सु कि? अ़ङ्‌का ना ओसाआ स़मा दन्‍दा तोक्‍मायु खाक्‍कोछाङ फिसुओ य़ङ मान्‍धित्‌ङा। खोन्‌ओसा अ़ङ्‌का य़हुप पाक्‍तुङ्‌कि लेरुङ्‌खाइसुङ।”

लुका 23:41

मोचिआ आन्‍काचि तोङ्‌लो दन्‍दा ऩप़चिङ्‌चि। आन्‍काचि ना आन्‍चुओ काचिओ अ़खान्‍मा अ़सिवा तोक्‍चुङ्‌चु, मेन ओ म़नाआ ना दित्‍छाङ अ़त्‍लो काचि मान्‍मुयुक।”

लुका 23:47

ओवात्‍नि लिसाओ झारा अ़खाकि रात्‍खामिचिओ अ़चुकप्‍तानाआ ओवात्‍नि य़ङ्‌याङ्‌सा निनाम्‍हाङ्‌ओ अ़चुऩङ लोङ्‌सु: “अ़नुछ्‍याङा ओ म़ना ना साम्‌योक्‍मि मुवाङा!”

लुका 24:26

दि निनाम्‍मादु ख्रिस्‍तओ अ़चुऩङ तोक्‍पो लिमा बुया ओ दुखाचि आङ्‌मा मान्‍दोत्‌याङ्‌चि कि?”

युहन्‍ना 14:30

अ़ङ्‌का खानानिन्‌एनान हान ब़द्‍धे अ़चेप्‍ऩङ, देकिनालो ओ हेन्‍खामाओ हाङ्‌काचि कामु तायाङ। मोसोओ अ़सावा अ़ङ्‌काएदा दित्‍छाङ मात्‍द़ङ।

युहन्‍ना 8:29

अ़ङ्‌का काछुत अ़ङ्‌काएदा म़युङ्‌याङ। खोक्‍कोसाआ अ़ङ्‌का अ़ङ्‌दाप्‍म़ङ मान्‍छित्‌दाऩयुक्‍ङा, देकिनालो अ़ङ्‌का अ़धुन खोक्‍कोसोओ अ़चुऩङानुसुङ।”

छाम्‍माय़ङ 3:14

मेन खानानिन सेङ्‌याङ्‌ओ खोन्‍कि साम्‌योक्‍मि येसु ऩङात़छिरुम्‌कि आम्‍नुओ निकि पिलातस्‌एदा अ़क्‍छा म़नाकासेत लेत्‍प़त़लुन।

छाम्‍माय़ङ 4:27

अ़नुछ्‍याङा खानानिन्‌आ त़छेन्‍तुम्‌ओ म़सेङ्‌याङ्‌ओ आम्‍नुओ हारुक येसुओ अ़चुदेङ्‌सालाप्‍पादा थालि बाङ्‌सि हाङ हेरोद खोन्‍कि पन्‍तियस पिलातस इस्राएलि म़नाचि खोन्‍कि निरावाचिएनान म़तोङाकि ओ सहरादा म़कोवान्‍चिन।

२ कोरिन्‍थि 5:21

खोन्‌ओसा आन्‍कान खोक्‍कोएदा निनाम्‍हाङ्‌आ अ़नुवाक कान्‍मा म़ऱने निम्‍पाङ हेवाङा मान्‍मुकादा ख्रिस्‍त निनाम्‍हाङ्‌आ आन्‍को निम्‍पाङ हेवाओ हेन्‍खोक्‌वा अ़मुवा।

हिब्रु 1:3

येसुङा निनाम्‍हाङ्‌ओ अ़चुसाम्‌ओ अ़लेत्‍माओ, खोन्‍कि निनाम्‍हाङ देत्‍नि म़मुयाङ येसुछाङ मोवात्‍निङा म़मुयाङ। झारा हेन्‍खामा आप्‍पि अ़चुसावापोरिओ य़ङ्‌आ अ़क़क्‌याङ। आन्‍हेवाचि येसुआ वाअ़सुवाचिआकि साम्‍स़रिओ निनाम्‍हाङ्‌ओ अ़चुचुप्‍ताङ्‌छुक्‌लिप्‍पा निनाम्‍मादु खोक्‍को म़युङा।

हिब्रु 12:2

आन्‍साकोङ्‌छ़ङ कापुङ खोन्‍कि काताला येसु नुलोक आन्‍म़क्‌आ खाम्‍ने। खोक्‍कोसाआ आदेङ तोक्‍माय़ङ अ़चुऩङ्‌नुमा अ़मित्‍ताकि सायापेप्‍माय़ङ क्रुस्‌दा स़माओ अ़तुक्‌वादा दित्‍छाङ मान्‍मित्‌अ़दा। खोन्‌ओसा ओन्‍ग़रि खोक्‍को निनाम्‍हाङ्‌ओ अ़चुहाङ्‌युङ्‌खाओ अ़चुचुप्‍ताङ्‌छुक्‌लिप्‍पा म़युङ्‌याङ।

हिब्रु 2:10

झारा सामाचि निनाम्‍हाङ्‌आ अ़मुया ओ, खोन्‍कि मोचि निनाम्‍हाङ्‌ओङा ओ। ब़द्‍धे म़नाचि साम्‌दा तात्‍मा निम्‍पाङ निनाम्‍हाङ्‌आ येसु स़मा आङ्‍अ़मेत्‍ताकि अ़च़क़ल़क अ़मुवाओ तोङा। देकिनालो म़नाचि लेन्‍मादा कातित येसुङा ओ।

हिब्रु 2:17

खोन्‌ओसा खोक्‍को सोमाकातुक खोन्‍कि सोम्‍कुवा मुमायु मुलो काब़क्‍पा म़लिसाकि निनाम्‍हाङ अ़ब़क्‍ने निकिना झारा य़ङ्‌चिदा अ़चुनिछाचिवात्‍नि लिमादोरा। मोवात्‍नि म़लिसाकिना खोक्‍को म़नाचिओ अ़चुहेवाचि लेत्‍मा हेन्‍खोक्‌वा काप़ म़लिसा।

हिब्रु 3:1

खोन्‌ओसा निनाम्‍हाङ्‌आ ऩबुत्‍तिन्‌ओ त़सेङियेन्‌ओ अ़ङ्‍ब़ब़, नाना, खोन्‍कि निछाचि ओ, निनाम्‍हाङ्‌आ अ़छाम्‍साओ खोन्‍कि मुलो काब़क्‍पानि आन्‍कान य़ङिन्‌ओ येसु मित्‍तानुम।

हिब्रु 7:11

मोवात्‍नि मोसाओ अ़य़ङ्‌हुप्‌आ लेबिओ अ़छाचि काब़क लिमादोत्‌नि य़ङ्‌नुछाङ मो काब़क्‌चिआ साङ्‌छाङ सेङ्‌मा ऩऱन। खोन्‌ओसा हारुन्‌ओ अ़खिम्‍लुम्‍पादाङ्‌का काब़क ताओ माआङ, आन्‍कान मल्‍किसेदेक्‌ओ छान्‌वा नि काब़क दोत।

हिब्रु 8:1

आन्‍कान्‍का य़ङिन्‌येन्‍काओसो अ़मुलो य़ङ ओङा ओ, आन्‍को ओवाको मुलो काब़क्‍पा म़युङ्‌याङ, खोक्‍को निनाम्‍मादुओ तोक्‍पो निनाम्‍हाङ्‌ओ हाङ्‌युङ्‌खाओ अ़चुचुप्‍ताङ्‌छुक्‌लिप्‍पा म़युङ्‌याङ।

हिब्रु 9:14

ओ अ़छ़ङ य़ङ ओनालो, ख्रिस्‍तओ अ़चुह़आ देम च़लोक आन्‍छेन्‍खाताया हेवा काचिचिदाङ्‌का सेङ, खोन्‌ओसा आन्‍कान अ़ह़ङ निनाम्‍हाङ ब़क्‍मा ऱम। देकिनालो खोक्‍कोसाआ अ़धुन्‌ओ लावाओ सावाआ आप्‍पि अ़च़क़ल़क हेन्‍खोक्‌वा म़लिसाकि निनाम्‍हाङ अ़पुवालावा।

१ पत्रुस 1:19

मेन खेन मान्‌वान्‍माय़ङ खोन्‍कि थुपि मात्‍द़ङ्‌ओ अ़क्‌तात थुबाछावाको ख्रिस्‍तओ छ़ओ अ़चुह़आ खानानिन ऩफोङ्‌सिन्‌ओ।

१ पत्रुस 2:22

“खोक्‍को ना हेवाङा म़मुवा, ना खोक्‍कोसोओ अ़चुदोदाङ्‌का म़प्‍मा य़ङ्‌ङा लोन्‍ता।”

१ पत्रुस 3:22

खोक्‍को निनाम्‍मादु म़खारायुङ्‌सा खोन्‍कि निनाम्‍हाङ काफाचि, पाङ्‌चि खोन्‍कि सावाकातोक लावाचि म़क़म्‍तुचि खोन्‍कि निनाम्‍हाङ्‌ओ अ़चुचुप्‍ताङ्‌छुक्‌लिप्‍पा म़युङ्‌याङ।

१ युहन्‍ना 2:2

खोक्‍को आन्‍हेवा लेत्‍मा निकिना हेन्‍खोक्‌वा म़लिसा, खोन्‍कि आन्‍को निम्‍पाङ ओन्‍ङा माआङ, मेन झारा हेन्‍खामादाओ म़नाचिओ निकिनाछाङ ओ।

१ युहन्‍ना 3:5

आन्‍हेवा लेत्‍सि ख्रिस्‍त म़ताओ य़ङ खानानिन त़सिन्‍तुम्‌योम, खोन्‍कि खोक्‍कोएदा हेवा मात्‍द़ङ।

खाङ्‌मुमा 3:7

फिलादेल्‍फियादाओ साम्‍भुङ्‌ओ निनाम्‍हाङ काफा खाना ओ य़ङ छाप्‍तु। साङ सेङ्‌याङ, साङ अ़छ़ङ मुयाङ, साङ्‍एदा दाउद्‌ओ अ़हाङ्‌होन्‌ओ अ़होत्‍खा युङ्‌याङ, ओ य़ङ्‌चि खोक्‍कोएदाङ्‌का ओ। देम्‍खा खोक्‍कोसाआ लाप्‍तिखोप अ़होत, साङ्‌आछाङ मो छेक्‍मा अ़ऱन। खोन्‍कि खोक्‍कोसाआ अ़छेक्‌ओ साङ्‌आछाङ होत्‍मा अ़ऱन।