हिब्रु 7:19 - बान्‍तावा राई

¹⁹ देकिनालो मोसाओ अ़य़ङ्‌हुप्‌आ दित्‍छाङ मान्‍तालादो। मेन मोदाङ्‌का च़लोक तामित्‍मा आन्‍कान्‌एदा याक्‌याङ खोन्‍कि ओलाम्‍पा आन्‍कान निनाम्‍हाङ्‌ओ अ़चुच़क्‌दा तामालामा ऱन।

हिब्रु 7:19 ပူးပေါင်းရင်းမြစ်များ

युहन्‍ना 1:17

मोवात्‍निङा य़ङ्‌हुप निनाम्‍हाङ्‌य़ङ खाकालु मोसालाम्‍पा म़पुवा, मेन सोमातुक्‍मा खोन्‍कि अ़छ़ङ येसु ख्रिस्‍तलाम्‍पा ता।

युहन्‍ना 14:6

येसुआ अ़लासालोवा, “लाम, अ़छ़ङ खोन्‍कि ह़ङ्‌म़ङ अ़ङ्‌काङा ओ। अ़ङ्‌काएदाङ्‌का नि साङ्‌लाम्‍पाछाङ अ़ङ्‌पापाएदु खात्‍मा अ़ऱनिन।

छाम्‍माय़ङ 13:39

येसुएदा झारा साकोङ्‌छ़ङ कामुचि अ़चुहेवादाङ्‌का म़फोङ्‌सुचिकि निनाम्‍हाङ्‌आ साम्‌योक्‍मि म़काइसुचि। मेन मोसाओ अ़य़ङ्‌हुप्‌आ खानानिन मो हेवादाङ्‌का फोङ्‌मा मान्‍ऱत़दान्‌येन।

रोमि 5:2

खोक्‍कोएदाङ्‌का आन्‍कान ओ सोम्‍तुक्‍मादा साकोङ्‌छ़ङ्‌लाम्‍पा वाङ्‌मा तोक्‍तुम्‌युङ्‌सुम। मो सोम्‍तुक्‍मादा आन्‍कान युङिन्‌येन, खोन्‍कि निनाम्‍हाङ्‌ओ अ़चुसाम आन्‍कान्‌छाङ तोक्‍मा सोम्‍कुवादा आन्‍ऩङानुसिन्‍चिन्‍ने।

रोमि 7:7

खोन्‍नालो आन्‍कान दे य़ङिन म़ल़क? य़ङ्‌हुप हेवा ओ? देम्‍खाछाङ माआङ! मेन य़ङ्‌हुप मात्‍द़ङ्‌याङ्‍ओदे, हेवा दि ओ अ़ङ्‌का मान्‍सिन्‍ङाओ। “खाना च़क्‍ख़य़ मान्‍मुदा”नि य़ङ्‌हुप मान्‌य़ङ्‌ओदे च़क्‍ख़य़ मुमा अ़अ़त्‍पाओ निकिना मान्‍सिन्‍ङाओ।

रोमि 8:3

आन्‍को हेवामि आन्‍मित्‍माचि मान्‍ऱकादा म़लिसाओसा य़ङ्‌हुप्‌आ दि मुमा मान्‍ऱदो, मो निनाम्‍हाङ्‌आ अ़मुवा। निनाम्‍हाङ्‌आ आप्‍पिओ अ़चुछा अ़याङाकि आन्‍कान्‌वाको हेवामिचिओ आन्‍हेवाचिओ निम्‍पाङ हेन्‍खोक्‌वा अ़पुवाकि हेवाओ अ़क़म्‍मा आन्‍कान्‌एदाङ्‌का अ़लुक्‍ता।

गलाति 2:16

खोन्‍नुछाङ आन्‍कान सिन्‍तुम्‌योम, य़ङ्‌हुप्‌ओ काचिलाम्‍पा म़ना साम्‌योक्‍मि अ़कान्‍निन, मेन येसु ख्रिस्‍तएदाओ साकोङ्‌छ़ङ्‌लाम्‍पा साम्‌योक्‍मि कान। खोन्‌ओसा आन्‍कान्‌छाङ आन्‍साकोङ्‌छ़ङ ख्रिस्‍त येसुएदा युङ्‌सुम, मोवात्‍नि आन्‍कान य़ङ्‌हुप्‌ओ काचिलाम्‍पा माआङ, मेन येसु ख्रिस्‍तएदाओ साकोङ्‌छ़ङ्‌लाम्‍पा साम्‌योक्‍मि कान्‍मा ऱन्‍चिन्‍ने। देकिनालो य़ङ्‌हुप्‌ओ काचिलाम्‍पा साङ्‌छाङ साम्‌योक्‍मि अ़कान्‍निन।

गलाति 3:21

खोन्‍नालो दि य़ङ्‌हुप निनाम्‍हाङ्‌ओ अ़चुहिप्‍माय़ङ्‌चिओ अ़देङ्‌सालाप्‍पा मुयाङ कि? देम्‍खाछाङ अ़मुनिनिन! अ़ह़ङ मुमा काऱ य़ङ्‌हुप म़पुवाओदे, साम्‌योक्‍मि अ़नुछ्‍याङा य़ङ्‌हुप्‌लाम्‍पा ताओ।

गलाति 3:24

साकोङ्‌छ़ङ्‌लाम्‍पा आन्‍कान साम्‌योक्‍मि कान्‍मान्‍चिन ऱन्‍ने निकिना य़ङ्‌हुप आन्‍कान कारात लिसाकि आन्‍कान ख्रिस्‍तएदातारि म़तित्‍ता।

एफिसि 3:12

खोक्‍कोएदा मुम्‌ओ आन्‍साकोङ्‌छ़ङ्‌लाम्‍पा राक खोन्‍कि सोम्‍कुवादा आन्‍कान निनाम्‍हाङ्‌एदा खात्‍मा तोक्‍तुम।

कलस्‍सि 1:27

झारा रावाचिओ निम्‍पाङ खोक्‍कोसोओ ओ ब़द्‍धे तोक्‍पो अ़चुकोङ्‌दुम खोसोओ अ़चुम़नाचिआ अ़तुप्‍नेनि निनाम्‍हाङ म़मिन। अ़कोङ्‌दुम ओक्‍कोङा ओ, ख्रिस्‍त खानानिन्‌एदा म़याक्‌याङ। ओ य़ङ्‌आ खानानिन्‌छाङ निनाम्‍हाङ्‌ओ अ़चुसाम त़तोक्‍तुम्‌नि मिन्‍मा ऩप़न।

१ तिमोथि 1:1

आन्‍कालेन्‍पा निनाम्‍हाङ खोन्‍कि आन्‍सोम्‍कुवा येसु ख्रिस्‍तओ अ़चुलोमाआ येसु ख्रिस्‍तओ अ़चुछाम्‍माय़ङ अ़ङ्‌का पावल्‌आ,

हिब्रु 10:1

निनाम्‍हाङ्‌य़ङ खाकालु मोसाओ य़ङ्‌हुप तामा म़मुयाङ्‌ओ अ़नुवाक य़ङ्‌चिओ अ़इप्‍नाम्‍मा ओन्‍ङाओसा मो अ़छ़ङ माआङ। खोन्‌ओसा अ़धुन अ़दोङ्‌खिन्‍तुम्‌ओ हेन्‍खोक्‌वालाम्‍पा निनाम्‍हाङ्‌ओ अ़चुच़क्‌दा ब़क्‍सि काता म़नाचि ओसाआ अ़नुछ्‍याङा सेङ्‌मा अ़ऱन्‍चिन।

हिब्रु 11:40

निनाम्‍हाङ्‌आ आन्‍को निम्‍पाङ च़लोक अ़नुवाक मित्‍चिऩङ अ़मुवा। अ़क्‍धुवा आन्‍कान खोन्‍कि मोचि अ़क्‍नि अ़च़क़ल़क म़मुनि खोक्‍कोसोओ अ़चुमित्‍चिऩङ मुवाङा।

हिब्रु 11:6

साकोङ्‌छ़ङ मान्‍मुमाङ निनाम्‍हाङ्‌ओ अ़चुऩङानुमा अ़ऱन्‍मिन। देकिनालो साङ निनाम्‍हाङ्‌ओ अ़चुच़क्‌दा ता, खोसाआ निनाम्‍हाङ म़युङ्‌याङ खोन्‍कि खोक्‍को कालाम्‌चि खोक्‍कोसाआ सिरिफा म़प़चि निकिना अ़नुछ्‍या साकोङ्‌छ़ङ मुमादोत।

हिब्रु 3:6

मेन ख्रिस्‍त निनाम्‍हाङ्‌ओ अ़चुखिम्‌दा पाङ कामु छावात्‍नि सोम्‍कुवा मुमा खान्‍तुओ म़मुयाङ। खोन्‍कि आन्‍कान तोक्‍पो लिमायु आन्‍राक खोन्‍कि ख्रिस्‍तएदाओ आन्‍सोम्‍कुवा क़क्‍तुम्‌युङ्‌सुम्‌नालो आन्‍कान खोक्‍कोसोओ अ़चुखिम्‌दाओ म़नाचि ओ।

हिब्रु 4:16

खोन्‌ओसा आन्‍कान राक्‌एनान सोम्‍तुक्‍माओ हाङ्‌युङ्‌खादा खारिन्‍ने। मोदा निनाम्‍हाङ्‌आ सोम्‍तुक्‍मा दोत्‌ओ ग़रिदा आन्‍कान फामा तोक्‍तुम।

हिब्रु 6:18

निनाम्‍हाङ्‌आ ह्‍वातात ऩफान्‍निन्‌ओ य़ङ्‌चि अ़मुवा। ओसोओ अ़तुक्‌वादा निनाम्‍हाङ देम्‍खाछाङ ऩम़प्‍निन। खोन्‌ओसा आन्‍कान खोक्‍कोएदा रात्‍लुसि काखात्‌चि आन्‍बुदा म़युक्‍ताओ सोम्‍कुवा नुलोक लाप्‍मा तोक्‍पो राक आन्‍कान तोक्‍तुम्‌युङ्‌सुम।

हिब्रु 7:11

मोवात्‍नि मोसाओ अ़य़ङ्‌हुप्‌आ लेबिओ अ़छाचि काब़क लिमादोत्‌नि य़ङ्‌नुछाङ मो काब़क्‌चिआ साङ्‌छाङ सेङ्‌मा ऩऱन। खोन्‌ओसा हारुन्‌ओ अ़खिम्‍लुम्‍पादाङ्‌का काब़क ताओ माआङ, आन्‍कान मल्‍किसेदेक्‌ओ छान्‌वा नि काब़क दोत।

हिब्रु 7:20

ओ किरेलाम्‍पा मुमाय़ङ ओ। निनाम्‍हाङ्‌आ किरे म़चाकि बुयाओचि काब़क म़मुचिओ माआङ,

हिब्रु 7:25

खोन्‌ओसा खोक्‍कोलाम्‍पा निनाम्‍हाङ्‌ओ अ़चुच़क्‌दा काताचि खोक्‍कोसाआ ओन्‍ग़रि खोन्‍कि अ़धुन्‌तारि लेन्‍मा म़ऱचि। देकिनालो मोचिओ अ़चुलिप्‍पादा निनाम्‍हाङ्‌एदा यामात्‍सि खोक्‍को अ़धुन म़ह़ङ्‌युङ।

हिब्रु 8:6

मेन येसुआ अ़तोक्‍ताओ ब़क्‍मा काचि नि तोक्‍पो काब़क्‌चिदाङ्‌का च़लोक तोक्‍पो मुयाङ। मोवात्‍निङा निनाम्‍हाङ खोन्‍कि खोक्‍कोसोओ अ़चुम़नाचिएदा येसुआ तुम्‍माय़ङ अ़ऩङ्‌वा य़ङ्‌छ़ङ अ़मुवाओ बुया मुमाय़ङ य़ङ्‌छ़ङ्‌दाङ्‌का तोक्‍पो मुयाङ। देकिनालो ओ य़ङ्‌छ़ङ्‌चिदा अ़नुवाक हिप्‍माय़ङ्‌चि म़याक्‌याङ।

हिब्रु 9:9

ओ ना आइमित्‌ओ ग़रिओ निम्‍पाङ अ़क्‌तात अ़मात्‍ऩङ ओ। ओसाआ ओ खाङ्‌मुसु, प़माय़ङ छुक्‍दाम खोन्‍कि हेन्‍खोक्‌वाचिआ काब़क्‌चिओ छेन्‍खाताया सेङ्‌मा अ़ऱन।

याकुब 4:8

निनाम्‍हाङ्‌ओ अ़चुच़क्‌दा तानिन, खोन्‍कि खोक्‍को आम्‍नुओ च़क्‌दा म़ता। खानानिन हेवामिचि ओ! आम्‍नुओ छुक वासुवानुम। कोङ्‌क़त्‌वा म़नाचि ओ! आम्‍नुओ साकोङ्‌वा सेङ्‌सानुम।