हिब्रु 6:2 - बान्‍तावा राई

² वास़मा थाप्‍स़ङ्‌चि, छुक युङ्‌मा थाप्‍स़ङ, म़सुवादाओचिओ अ़चुलामाखोन्‍मालोन्‍मा खोन्‍कि अ़लुक्‍निन्‌ओ दन्‍दाओ अ़तुक्‌वादा अ़दु-अ़दु मान्‍चिन्‌युङ्‌दानिन्‍चिन।

हिब्रु 6:2 ပူးပေါင်းရင်းမြစ်များ

मत्‍ति 28:19

खोन्‌ओसा खारानिन, खोन्‍कि झारा रावाचि काखेङ मुवानुम्‍च़म, निनाम्‍हाङ पापा, अ़चुछा खोन्‍कि सेङ्‌लावाओ अ़चुऩङ्‌दा मोचि बप्‍तिस्‍मा पुवानुम्‍च़म।

मत्‍ति 3:14

मेन युहन्‍नाआ ओवात्‍नि य़ङ्‌सा खोक्‍को छेक्‍मा लाप्‍तु, “मेन अ़ङ्‌काए खानानिन्‌एदाङ्‌का बप्‍तिस्‍मा लोक्‍मादोत, देकि खानानिन अ़ङ्‌काएदा त़तान्‌ओ?”

मर्कुस 16:16

खा-खाक्‍को साकोङ्‌छ़ङ म़मुकि बप्‍तिस्‍मा म़लोक मोचि म़लेन, मेन खा-खाक्‍को साकोङ्‌छ़ङ ऩमुनिन मोचि निनाम्‍हाङ्‌आ म़ह़त्‍तुचि।

मर्कुस 7:4

खोन्‍कि बजारादाङ्‌का म़ताकि मोचि मान्‍सेङ्‌मान्‍चिन्‌तारि दित्‍छाङ ऩचान्‍चिन। मोन्‌ओन्‍ङा माआङ, मोचिआ नि ब़द्‍धे च़माथाङ्‌माचिछाङ म़मुचि, मोवात्‍निङा लाङ्‌चोक्‍खुङ्‌चि, भागुनाचि खोन्‍कि कासाओ खुङ्‌चि वामान्‍स़माङ मान्‌याङ्‌म़दोङुचि।

मर्कुस 7:8

खानानिन्‌आ निनाम्‍हाङ्‌ओ अ़चुलोमाय़ङ त़छिरुम, खोन्‍कि म़नाचिओ अ़चुच़माथाङ्‌माचि त़मुम्‌योम्‍च़म।”

लुका 11:38

मेन चा चामा बुया येसुआ अ़चुछुक वामान्‍स़दोओ खाकि मो फरिसि दोम्‍तुदो।

लुका 12:50

अ़क्‌तात बप्‍तिस्‍मा युङ्‌याङ, मो अ़ङ्‌का मुमादोत। मो मान्‍चिन्‍माङ अ़ङ्‌मिन्‍मा चाअ़त्‌याङ!

लुका 14:14

खोन्‍कि खाना आसिखा त़तोक्‍तु। मोवात्‍नि त़च़नालो मोचिआ खाना अ़फान्‌दा चा प़मा ऩऱनान, मेन आदेङ साम्‌योक्‍मिचि म़स़दाओदाङ्‌का म़लाखोन्‍लोन्‌हिदा खाना ओसोओ सिरिफा त़तोक्‍तु।”

लुका 3:16

खोवात्‍निओसा युहन्‍नाआ झारा लासुलोचि, “अ़ङ्‌का ना खानानिन चाक्‌वाआ बप्‍तिस्‍मा प़नानिन, मेन अ़क्‍छा अ़ङ्‌कादाङ्‌का च़लोक सावापोरिओ म़मुयाङ। अ़ङ्‌का ना खोक्‍कोसोओ अ़चुफेङ्‌ताओ अ़छुम्‍खाचि हुत्‍माछाङ अ़ङ्‌का अ़खान्‍ऩङ। खोक्‍कोसाआ खानानिन सेङ्‌लावाआ खोन्‍कि मिआ बप्‍तिस्‍मा ऩप़न।

युहन्‍ना 1:33

मोदाङ्‌का बुया अ़ङ्‌का खोक्‍को मान्‍सिन्‌युक्‍तुङ, मेन साङ्‌आ अ़ङ्‌का चाक्‌वाआ बप्‍तिस्‍मा प़ निकिना ऩछुत्‍ताङ, खोक्‍कोसाआङा अ़ङ्‌का ऩलोवाङ, ‘खाक्‍को म़नाएदा सेङ्‌लावा धायाङ्‍ओ खोन्‍कि युङ्‌याङ्‌ओ त़खा, सेङ्‌लावाआ बप्‍तिस्‍मा काप़ खोक्‍कोङा ओ।’

युहन्‍ना 5:29

खोन्‍कि बुङ्‌खाया म़लोन, साङ्‌चि अ़नुवाक काचि म़मुवायुङ्‌सा मोचि ह़ङ्‌म़ङ्‌ओ निम्‍पाङ म़लाखोन्‍लोन, खोन्‍कि साङ्‌चि अ़त्‍लो काचि म़मुवायुङ्‌सा मोचि छ़ङ्‌छेन्‍माओ निम्‍पाङ म़लाखोन्‍लोन।

छाम्‍माय़ङ 10:47

“आन्‍कान्‌वा सेङ्‌लावा कातोक ओचि चाक्‌वाओ बप्‍तिस्‍मा प़मादाङ्‌का साङ्‌आ छेक्‍मा ऱचि?”

छाम्‍माय़ङ 13:3

खोन्‍किना मोचि चा मान्‍चामाङ म़युङाकिना याम़माराचिआकि बारनाबास खोन्‍कि सावल्‌एदा अ़चुछुक म़युक्‍तुचिकि खोचि म़छुत्‍तुखाइसुचि।

छाम्‍माय़ङ 16:15

लिदिया खोन्‍कि अ़खिम्‌दाओ झारा बप्‍तिस्‍मा म़प़चि, खोन्‍किना मोसाआ, “खानानिन्‌आ अ़ङ्‌का हाङ्‌पा साकोङ्‌छ़ङ कामुमानि त़मित्‍ङाऩङ्‌नालो अ़ङ्‌खिम्‌दा बानानिन्‌कि युङानिन्‍नाङ”नि य़ङ्‌याङ्‌सा आन्‍कान्‍का अ़बुत्‍तिन्‍का। खोन्‍कि मोसाआ आन्‍कान्‍का राकाङ्‌थेत्‍नि अ़मुन्‍खातिन्‍का।

छाम्‍माय़ङ 16:33

खोन्‍कि मो खाखुत्‌ङा खोसाआ मोचि खात्‍तुचिकि अ़चुखोवाचि वास़त्‍तुप़चि। खोन्‍किना खोसोओ झारा अ़खिम्‌दाओचिआ मोन्‍ग़रिङा बप्‍तिस्‍मा म़लोआ।

छाम्‍माय़ङ 17:18

खो देम्‌कापाङ इपिक्‌युरि खोन्‍कि स्‍तोइकि तायाहाङ्‌पाचिएनान्‌छाङ दुम्‍तुसा। खोसाआ मोचि येसु म़खोन्‍तालोन्‍ताओसो अ़तुक्‌वादा खाएत्‍तुचिओसा “ओ याचेक्‌वा दे य़ङ्‌याङ?”नि अ़लोवा। निचि म़य़ङा, “खोसाआ नि म़नाचिओ अ़चुमाङ्‌चिओ अ़तुक्‌वादा आन्‍कान खाम़एत्‌याङ।”

छाम्‍माय़ङ 2:38

खोन्‍कि पत्रुस्‌आ मोचि लासुलोचि, “खानानिन झारा आम्‍नुओ हेवाचिदाङ्‌का लासानिन्‌कि येसु ख्रिस्‍तओ अ़चुऩङ्‌दा बप्‍तिस्‍मा लोआनिन, खोन्‍कि आम्‍नुओ हेवाचि लेत्‍लुवानिन। खोन्‍नालो सेङ्‌लावा मोहाङा त़तोक्‍तुम।

छाम्‍माय़ङ 2:41

खोन्‍किना खा-खाक्‍कोचि पत्रुस्‌आ लोचिओ य़ङ्‌दा साकोङ्‌छ़ङ म़मुवा, मोचि छाम्‍माय़ङ्‌चिआ बप्‍तिस्‍मा म़प़चि। खोन्‍कि मो लेन अ़चुरुहुप्‌दा आप्‍फात सुम्‌काहजारालेका म़नाचि म़तेप्‍ता।

छाम्‍माय़ङ 23:6

मेन धियायोक्‍खादा अ़क रुहुप सदुकिचि खोन्‍कि नि फरिसिचि म़याआङाओ सिन्‍तुकिना पावल अ़धिवाङ य़ङ्‌आ चेवा, “अ़ङ्‍ब़ब़ निछाचि ओ, अ़ङ्‌काछाङ फरिसिचिओ अ़चुछा फरिसिङा ओ। अ़ङ्‌का म़सुवादाओ म़नाचि निनाम्‍हाङ्‌आ म़लासुखोन्‍तुलोइसुचिनिओ य़ङ्‌दा अ़ङ्‌का साकोङ्‌छ़ङ मुङाओसा ओदा सेन्‍खादा छुक्‍ङाङा।”

छाम्‍माय़ङ 24:15

अ़ङ्‌का मो म़नाचिवाङा साम्‌योक्‍मि खोन्‍कि मान्‍साम्‌योक्‍मि ह्‍वातात्‍माङ म़स़दाओदाङ्‌का म़लाखोन्‍लोन निकिना निनाम्‍हाङ्‌एदा सोम्‍कुवा मुयाङ्‌सा हुङुङ्‌योङ।

छाम्‍माय़ङ 24:21

मोचिओ अ़चुबुदा एवाङ्‌कि पाराङ, ‘अ़ङ्‌का म़सुवादाओ म़नाचि निनाम्‍हाङ्‌आ म़लासुखोन्‍तुलोइसुचिनिओ य़ङ्‌दा साकोङ्‌छ़ङ मुङाओसा अ़ङ्‌का आय़ आम्‍नुओ बुदा सेन्‍खादा छुक्‍ङाङा’नि य़ङाङ्‍ओदाङ्‌का नि दित्‍छाङ मात्‍द़ङ।”

छाम्‍माय़ङ 24:25

मेन पावल्‌आ साम्‌योक्‍मिओ अ़तुक्‌वादा, क़म्‍मान्‍चिन्‌ओ अ़तुक्‌वादा खोन्‍कि तायाङ्‍ओ निनाम्‍हाङ्‌ओ अ़चुछ़ङ्‌छेन्‍मा लेन्‌ओ अ़तुक्‌वादा खाएत्‍तुहिदा फेलिक्‍स्‌ओ अ़क़माकारा। खोन्‍कि खोसाआ लो, “ओन्‍ग़रि खात्‍मा त़ऱ, अ़ङ्‌का काङाओ ग़रि खाना बुत्‍नाने।”

छाम्‍माय़ङ 26:8

निनाम्‍हाङ्‌आ म़सुवादाओचि लामाखोन्‍मालोन्‍मा म़ऱचिनिओ य़ङ्‌दा देकि खानानिन साङ्‌छाङ साकोङ्‌छ़ङ त़मुन्‍मिन्‌येन?

छाम्‍माय़ङ 4:2

मो म़नाचिओ चाअ़त्‍लो अ़चुमाइसुङ कारा, देकिनालो मो ह़वाङ्‌सा देत्‍नि येसु म़सुवादाओदाङ्‌का अ़खोन्‍तालोइसा खोवात्‍निङा निनाम्‍हाङ्‌आ झारा म़स़दाओ म़नाचि म़लासुखोन्‍तुलोइसुचि निकिना अ़चिन्‍ताङाचुचिन, खोन्‍कि खाअ़एत्‍ताङाचुचिन।

छाम्‍माय़ङ 6:6

मोचिआ मो म़छेन्‍तुचिओ म़नाचि छाम्‍माय़ङ्‌चिओ अ़चुबुदा म़तारुचि। खोन्‍किना छाम्‍माय़ङ्‌चिआ यामात्‍प़याङ्‌सा अ़चुछुक मोचिओ अ़चुताङ्‌दु म़युक्‍तुप़चि।

रोमि 2:16

ओ य़ङ निनाम्‍हाङ्‌आ येसु ख्रिस्‍तलाम्‍पा म़नाचिओ अ़चुसाकोङ्‌वादा याक्‌याङ्‍ओ सुकुलादाओ य़ङ छ़ङ्‌छेन्‍माओ लेन्‌दा लि। ओ निनाम्‍हाङ्‌ओ अ़चुनुय़ङ्‌खान अ़ङ्‌का खालुसुङ्‌वाको ओ।

१ कोरिन्‍थि 10:2

खोन्‍कि निनाम्‍हाङ्‌य़ङ खाकालु मोसाएदा मोचि झारासा य़वारि खोन्‍कि धियाङ्‌वामादा बप्‍तिस्‍मा अ़तोक्‍ता।

१ कोरिन्‍थि 12:13

अ़क्‌तात सेङ्‌लावालाम्‍पाङा आन्‍कान झारासा अ़क्‌तात पोक्‌दा बप्‍तिस्‍मा तोक्‍तुम्‌युङ्‌सुम, यहुदि माङ्‌लो ग्रिक, हारुक माङ्‌लो फोङ्‌माय़ङ, आन्‍कान झारा अ़क्‌तात सेङ्‌लावा म़पाक्‍तापुवायुङ्‌सा।

२ कोरिन्‍थि 5:10

देकिनालो आन्‍कान झारा ख्रिस्‍तओ अ़चुछ़ङ्‌छेन्‍खाओ अ़बुदा एप्‍माङादोत, ओवात्‍नि आन्‍पोक्‌दा युङिन्‌येन्‌हिदा आन्‍कान मुम्‌ओवा झारासाआ अ़नुवाक माङ्‌लो अ़अ़त्‍पाओ अ़सिवा तोक्‍तुम।

फिलिप्‍पि 3:21

खाक्‍को सावालाम्‍पा झारा खोक्‍कोसोओ अ़चुक़म्‍मादा तात्‍मा म़ऱचि, आन्‍को अ़ऱनिन्‌ओ स़दाओ पोक खोक्‍कोसो आप्‍पिओ अ़चुसाम्‍स़रिओ पोक्‌वात्‍नि लिसि अ़फान।

कलस्‍सि 2:12

खानानिन बप्‍तिस्‍मा त़लोइन्‌हिदा ख्रिस्‍तएनान अ़क्‍नि त़खुम्‍तिन्‌ओसा, खानानिन्‌छाङ ख्रिस्‍तएनान अ़क्‍नि ऩह़ङ्‌सिन देकिनालो म़सुवादाओदाङ्‌का ख्रिस्‍त काह़ङ्‌लोन निनाम्‍हाङ्‌ओ अ़चुसावादा खानानिन्‌आ साकोङ्‌छ़ङ त़मुन।

२ तिमोथि 2:18

बुया लामाखोन्‍मालोन्‍मा लिसाचिआयुङ्‌सा निकिना ओचि अ़छ़ङ्‌दाङ्‌का फेलाखारायुङ्‌साचि। देम्‍पाङ्‌सोओ अ़चुसाकोङ्‌छ़ङ मोचिआ अ़भुङ्‌चुखान्‍चुङ्‌चु।

हिब्रु 11:35

मेत्‍छामाचिआ अ़चुओ साकोङ्‌छ़ङ्‌लाम्‍पा म़सुवादाओ अ़चुओ म़नाचि ह़ङ्‌म़ङ्‌दा म़खोन्‍तालोन्‍ताओ म़तोक्‍तुचि। नि खा-खाक्‍कोचिआ फोङ्‌माय़ङ ऩङाअ़छिरा खोन्‍कि च़लोक अ़नुवाक ह़ङ्‌म़ङ तोक्‍मा निम्‍पाङ अ़चाअ़त्‍मा अ़आङ्‌ता।

हिब्रु 9:10

मो चामायु, दुङ्‌मायु खोन्‍कि अ़खाला-खालाओ सेङ्‌मान्‍चिन च़माथाङ्‌माचि बुङ्‌खालिप्‍पाओ य़ङ्‌हुप ओन्‍ङा ओ। ओवाको बुयाओ य़ङ्‌हुप्‌चि अ़ऩङ्‌वा य़ङ्‌हुप अ़तानिन्‌तारि ओन्‍ङा अ़काचि याक।

२ पत्रुस 3:7

मेन मो य़ङ्‌आ निनाम्‍हाङ मान्‍ब़क्‍कादा म़नाचिओ छ़ङ्‌छेन्‍मा खोन्‍कि लुक्‍मा लेन्‌तारिओ निकिना आइमित्‌ओ नाम्‍छ़ऱ खोन्‍कि हेन्‍खामा मिओ निम्‍पाङ अ़च़क्‍तायुङ्‌सा।